shadow
Diocese de Dili > NOTÍCIAS > LETURA DIÁRIA > Sábado, XVI Semana iha Tempo Comum

Sábado, XVI Semana iha Tempo Comum

ANO B

 

Primeira Leitura                                                                      Jer. 7. 1-11

Lia housi livro Jeremias nian

Na’i lia tun ba profetaJeremias nune’e: “ó ba, hamriik iha na’i Nia templo Nia odamatan oin hodi haklaken lia menon nune’e: “Ron aba Na’i nia liafuan, imi hotu, Judá nia emar, be tama housi odamatan hirak ne’e atu hana’i Maromjak. Na’i Lalehan no Rai nian, Maromak Israel nian, ko’alia nune’e: Haso’i imi nia dalan no hahalok tomak no Ha’u  sei husik imi hôrik iha fatin ne’e. imi keta fiar lia bosok sira hanesan ne’e be dehan: ‘Iha ne’e mak na’i nia templo, Na’i nia templo, Na’i nia  templo!’ Maibe halos imi nia dalan hotu no hadi’a hahalok áat sira, imi moris karik tuir justiça, la hanehan karik ema la’o rai, oan kiak eh feto faluk sira, la hakfakar karik ema sala laek sira ran iha fatin ne’e, la tuir karik maromak selu-seluk be haderak imi, halo nune’e karik, Ha’u sei husik imi hôrik iha fatin ne’e, iha rai nebe Ha’u haraik ona ba imi nia bei-ala sira houri uluk kedas ba nafatin. Maibe, imi fiar lia bosok be folin laek. Tan ne’e, imi na’uk, oho, halo adulterio, jura falso, imi hasa’e sacrificio ba maromak Baal, tuir rai selu-seluk nia Maromak nebe imi la hatene. Hafoin, imi mai hamriik iha Ha’u oin, iha uma ne’e iha nebe ema harohan ba Ha’u naran hodi dehan: Iha ne’e ita nebe ema harohan ba Ha’u naran hodi dehan: Iha ne’e ita soi an ona”, atu imi bele halo fila fali hahalok áat hirak ne’e. Nune’e, imi halo uma ne’e nu’udar na’uk ten nia subar fatin, iha nebe ema harohan ba Ha’u naran? Ha’u haré hela buat hirak ne’e hotu.”

Maromak Futar Lia.

 

Salmo Responsorial                                                                                                                       Sal. 83(84). 3, 4, 5, 6ª, 8ª, 11(R. 2)

Refrão : Ita Nia templo kmanek tebes,

                 Na’i Lalehan no Rai nian!!! Repete-se

 

Ha’u klamar neon sala,

Hodi hanoin Na’i nia kadunan;

Ha’u an tomak no ha’u isin

Haksolok iha Maromak  moris. Refrão

 

Manu sira lalehan nian hetan  hela-fatin,

Koá-lelok (andorinha) halo knu’uk ba nia oan sira,

Besik Ita altar, Na’i klibur funu- na’in nian,

Ha’u nia Liurai no ha’u nia Maromak. Refrão

 

Ksolok ba sira nebe hôrik iha Ita uma,

Sira bele hahi Ita loron kalan.

Ksolok ba sira hetan biit iha Itaboot,

Sira la’o ba atu haré MAromak iha Sião. Refrão

 

Loron ida iha Ita kadunan

Di’ak liu fali rihun ida dook housi Ita.

Ha’u hakarak hôrik iha Na’i nia uma – labis,

Liu fali hela iha tenda ema sala na’in sira nian. Refrão

 

Aclamação                                                                                                                                                                                        Tg. 1. 21b, c

Refrão : Aleluia, Aleluia! Repete-se

                   Simu ho laran hakmatek liafuan liafuan nebé kuda ona

                   iha imi be bele soi imi klamar. Refrão

 

Evangelho                                                                                                                                                                                    Mt. 13. 24-30

Na’i Jesus Cristo nia Evangelho nu’udar São Mateus haktuir:

Iha tempo neba, Jesus dehan tan aiknanoik ida ba sira: “Reino lalehan nian hanesan ema ida nebe kuda fini di’ak iha nia to’os; maibe uainhira nia emar sira toba daudaun,  nia funu baluk mai kuda du’ut áat iha trigo leet, hafoinnia ba tiha. Uainhira trigo sai boot tiha hodi fó fuan, du’ut áat mós mosu. To’os na’in nia atan sira mai buka nia hodi dehan ba nia: ‘Na’i, itaboot la kuda fini di’ak iha ita nia to’os? Du’ut áat mai housi nebe?’ Nia hatan: ‘Ha’u nia funu baluk ruma mak halo buat ne’e.’ Atan sira dehan ba nia: ‘Ita boot hakarak am iba fokit tiha nia?’ ‘Lae,’ nia dehan, ‘keta halo be hodi fokit du’ut áat, imi fokit mós trigo. Husik sira rua moris hamutuk ba; loron ko’a haré nian to’o mai mak ha’u sei dehan ba to’os atan sira: ‘Hili uluk du’ut áat ba hodi futu hamutuk atu sunu; trigo fali, halot tiha iha ha’u nia hoka.”

Lia Maksoyn.

Leave a Reply

Your email address will not be published. Required fields are marked *