shadow
Diocese de Dili > NOTÍCIAS > LETURA DIÁRIA > Quarta-Feira, XVII Semana Tempo Comun

Quarta-Feira, XVII Semana Tempo Comun

Ano B

 

Primeira Leitura                                                                   Jer. 15. 10, 16-21

Lia housi livro Jeremias nian:

Oinsa ha’u hetan laran nakraik de’it, ha’u inan! Tanba ita mak kô’us ha’u, ema ida hafunu malu no istori malu nian iha nação tomak! Ha’u seidauk fó empresta ba ema no seidauk husu empresta ema nia sasan, maibe, ha’u ema áat ba ema hot-hotu. Na’i,uainhira ita futar liafuan mosu, ha’u simu kedas nu’udar aihan mai ha’u. ita futar liafuan mak kmanek no ksolok ha’u fuan nian, basá, ita bolu ha’u tan ita naran, Na’i Maromaklalehan no rai nian. Ha’u la tur atu halimar ho buat ksolok folin laek nian, basá, ita hakonu hirus iha ha’u laran. Tansá ha’u laran hirus hela ba nafatin no ha’u kanek áat la hetan di’ak? Ita, kala mai ha’u nu’udar mota bosok-ten, nia ué ema, la bele tau laran. Tan ne’e, Na’i dehan: “ Ó hakarak fila karik, ha’u halo ó fila fali mai atu ó, la’os ó bele hôrik iha Ha’u oin. Ó mai karik ho laran kmanek no haraik-an, ó sai hanesan Ha’u ibun. Ema sira sei mai hasouru ó, la’os ó mak ba hasouru sira. Iha povo ne’e nia oin, Ha’u sei halo ó nu’udar baki maka’as riti nian ida. Sira sei mai funu hasouru ó, maibe, sira sei la manan ó, basá, Ha’u sei hela ho ó atu tulun ó hodi soi ó. Ha’u sei hasai ema laran áat sira liman no hatau ó housi ema laran makerek sira liman.”

Maromak Futar Lia.

 

Salmo Responsorial                                                                                                        Sal. 58 (59). 2-3, 4-5ª, 10-11, 17-18(R. 17d)

Refrão : Na’i, Ita mak ha’u heli-an fatin

                 Iha loron ha’u susar nian!!! Repete-se

 

Ha’u Maromak, hasai ha’u housi ha’u funu baluk sira,

Souri ha’u housi ema sira be hamriik hasouru ha’u;

Hatau ha’u laiha buat áat sira,

Soi ha’u housi ema liman mean sira. Refrão

 

Sira buka dalan atu hakotu ha’u moris,

Biit na’in sira buka ha’u mate.

Iha ha’u la iha buat áat no salan,

Maibe, sira buka ha’u no duni ha’u. Refrão

 

Na’i ha’u biit, ha’u fila fali ba Ita,

Tan Ita, Maromak mak ha’u heli-an fatin;

Ha’u nia Maromak Nia laran luak mai tulun ha’u,

No halo ha’u haré ha’u funu baluk sira nia lakon. Refrão

 

Na’i, ha’u sei hananu tuir Ita biit,

Housi dader ha’u sei haklaken Ita laran di’ak;

Tan Ita, ha’u Maromak, mak ha’u tulun,

Ha’u heli-an fatin iha susar laran. Refrão

 

Aclamação                                                                                                                                                                                         Jo. 15. 15b

Refrão : Aleluia, Aleluia! Repete-se

                   Ha’u bolu imi belun, Na’i lia tun, tan Ha’u dehan ona ba imi

                    Lia hotu nebé Ha’u rona housi Ha’u Aman. Refrão.

 

Evangelho                                                                                                                                                                                    Mt. 13. 44-46

Na’i Jesus Cristo nia Evangelho nu’udar São Mateus haktuir:

Iha tempo neba, Jesus dehan ba ema lubun boot: “Reino lalehan nian hanesan murak mean ida nebe subar hela iha to’os laran, nebe ema ida hetan hodi haksubar fali. Ho ksolok boot nia fa’an buat hotu nebe nia iha hodi sosa to’os ne’e”.

“Reino lalehan nian hanesan contrato na’in ida nebe buka fatuk murak sira. Hetan tiha ida nebe folin boot, nia fa’an tiha buat hotu nebe nia iha hodi ba sosa fatuk murak ne’e”.

Lia Maksoyn.

Leave a Reply

Your email address will not be published. Required fields are marked *