shadow
Diocese de Dili > NOTÍCIAS > LETURA DIÁRIA > Quinta-Feira, XVII Semana Tempo Comun

Quinta-Feira, XVII Semana Tempo Comun

Ano B

 

Primeira Leitura                                                                     Jer. 18. 1-6

Lia housi livro Jeremias nian:

Na’i lia tun ba Jeremias nune’e:”Ó hamriik ba hodi tun ba badaen sanan rai nia uma; iha neba, Ha’u sei halo ó rona Ha’u liafuan sira.” Ha’u tun duni ba badaen sanan rai nia uma, ha’u hetan nia serbisu hela. Uanhira vasu nebe nia halo sei laduun di’ak, hanesan tahu nebe iha badaen sanan rai nia liman, ho tahu ne’e nia halo vasu seluk ida, tuir ida be nia hanoin ba di’ak liu. Hafoin, Na’i lia tun mai ha’u nune’e: “Uma kain Israel nian, bele Ha’u sei halo ba imi hanesan badaen sanan rai halo? – Na’i dehan.

Hanesan tahu iha badaen sanan rai nia liman, nune’e mós imi iha Ha’u liman, uma kain Israel nian”.

Maromak Futar Lia.

 

Salmo Responsorial                                                                                                                    Sal. 145(146). 2abc, 2d-4, 5-6 (R. 5ª)

Refrão : Ksolok ba ida be hetan tulun

                  Housi Maromak Jacob nian!!! Repete-se

Ha’u klamar, hahi Na’i,

Sei hahi nafatin iha ha’u moris tomak;

Ha’u sei hananu ba ha’u Maromak

Uanhira ha’u sei moris. Refrão.

 

Imi keta laran metin iha biit na’in sira,

Iha ema sira be la bele soi imi;

Sira husik sira nia espírito hodi fila ba rai,

No sira hakaran mós lakon.  Refrão.

 

Ksolok ba ida be hetan tulun,

Housi Maromak Jacob nian,

Hodi tau neon iha Na’i, nia Maromak,

Nebe halo lalehan no rai;

Tasi no buat hotu nebe hôrik iha nia. Refrão

 

Aclamação

Refrão : Aleluia, Aleluia! Repete-se

                  Loke, Na’i, ami fuan atu simu futar liafuan housi Ita Oan Mane. Refrão

 

Evangelho                                                                                                                                                                                     Mt. 13. 47-53

Na’i Jesus Cristo nia Evangelho nu’udar São Mateus haktuir:

Iha tempo neba, Jesus dehan ba ema lubun boot: “Reino lalehan nian hanesan dai ida nebe ema soe ba tasi hodi dada ikan sira, kiik no boot. Nia nakonu ona, hakail na’in sira dada ba tasi ibun; tur tiha, sira hili ikan di’ak sira hodi tau hamutuk iha lafatik; ikan nebe áat, sira soe tiha.

Sei sai mós nune’e uanhira mundo to’o ona nia rohan: anjo sira sei mosu hodi haketak ema áat sira housi ema di’ak sira. Hafoin sira sei soe ema áat sira ba ahi lakan manas: iha neba sira sei tanis no ruun nehan.”

“Imi rona lolos buat hirak ne’e hotu?” Sira hatan: “Ami rona.” Na’i dehan tan ba sira: “Tan ne’e, escriba sira nebe matenek kona ba reino lalehan nian hanesan uma na’in ida nebe hasai buat foun no tuan housi nia rikusoi.”

Hanourin hotu tiha ho aiknanoik sira ne’e, Jesus husik rai neba.

Lia Maksoyn.

Leave a Reply

Your email address will not be published. Required fields are marked *