shadow
Diocese de Dili > NOTÍCIAS > LETURA DIÁRIA > Sábado, XVII Semana Tempo Comun

Sábado, XVII Semana Tempo Comun

ANO B

 

Primeira Leitura                                                               Jer. 26. 11-16, 24

Lia housi Livro Jeremias nian:

Iha loron hirak neba, na’ilulik no profeta sira dehan ba ulun sira no povo tomak: “Ema ne’e tenki mate tan nia siik kona ba cidade ne’e, nu’udar imi hotu rona ho imi nia tilun rasik.” Nune’e, Jeremias dehan ba ulun sira no povo tomak: “Na’i mak haruka ha’u mai atu ha’u siik hodi ko’alia hasouru templo ne’e no hasouru cidade ne’e, hanesan imi rona tiha ona. Ne’e duni, imi buka fila imi nia hahalok ba di’ak, imi rona didiak Na’i, imi nia Maromak, Nia lia tatoli hodi moris tuir, atu Nia keta haruka todan nebe Nia haklaken hasouru imi. Kona ba ha’u, ha’u iha imi nia liman; halo mai ha’u buat nebe di’ak liu no lós liu tuir imi. Maibe, imi sei hatene lolós katak, imi fó karik mate mai ha’u, imi sei simu konta kona ba ema sala laek ida nia ran, imi sira be iha cidade ne’e no povo tomak cidade ne’e nian.”

Tan ne’e, ulun sira no povo tomak dehan ba na’ilulik no profeta sira: “Ita la bele fó mate ba nia, basá, Nia mai hodi Na’i, ita Maromak nia naran, atu ko’alia mai ita”.

Jeremias simu tulun housi Aican, Safa nia oan, nune’e nia la monu ba povo nia liman atu sira oho nia.

Maromak Futar Lia.

 

Salmo Responsorial                                                                                                             Sal. 68(69). 15-16, 30-31, 33-34 (R. 14c)

Refrão : Tan Ita laran di’ak, rona ha’u, Na’i!!! Repete-se

 

Na’i, hasai ha’u housi tahu iha nebe ha’u mout ba,

Soi ha’u housi sira be rai kunan hasouru ha’u;

Keta husik atu laloran sira dada ha’u,

Ba tasi naruk iha nebe ha’u bele lakon. Refrão

 

Na’i, ha’u kiak no folin laek,

Ha’u hein Ita nia tulun;

Ho knananuk ha’u sei hahi naran ha’u Maromak nian,

Hodi agradece, ha’u sei hahi Ita naran boot. Refrão

 

Haraik-an sira, rona no haksolok ba,

Buka Na’i, imi fuan sei hetan fali ksolok;

Na’i rona ema kiak sira

No la fila kotuk ba sira be ema hanehan. Refrão

 

 

Aclamação

Refrão : Aleluia, Aleluia! Repete-se

                   Rahun di’ak ba sira nebe ema duni tan hadomi justiça,

                   basá reino lalehan sira nian. Refrão

 

Evangelho                                                                                                                                                                                        Mt. 14. 1-12

Na’i Jesus Cristo nia Evangelho nu’udar São Mateus haktuir:

Iha tempo neba, liurai Herodes rona kona ba Jesus nia naran boot. Herodes dehan ba nia emar sira: “Tebes, ema ne’e João Baptista nebe moris fali ona! Tan ne’e nia iha biit atu halo milagre sira.”

Herodes kaer duni João hodi futu nia ho corrente no hatama nia iha kadeia tanba Herodiades, nia alin Filipe nia káben; basá João dehan ba nia: “ O la bele hola nia.” Herodes hakarak oho João maibe nia ta’uk povo basá povo haré nia nu’udar profeta. Maibe iha loron nebe Herodes halo tinan, Herodes nia oan feto dansa iha ema hotu nia oin hodi fó ksolok ba Herodes. Tan ne’e, nia hakotu lia ho juramento atu fó ba fetoran ne’e buat hotu nebe nia husu. Hodi nia inan nia liafuan, nia hatan: “Fó mai ha’u João Baptista nia ulun iha bikan boot ida.”

Liurai neon susar, maibe tanba nia juramento no nia bainaka sira, nia haruka ema atu tesi João nia ulun iha kadeia laran hodi lori mai. Sira lori ulun mai iha bikan hodi fó ba fetoran nebe fó fali ba nia inan. João nia escolante sira mai foti nia isin hodi ba hakoi; hafoin sira ba fó hatene ba Jesus.

Lia Maksoyn.

Leave a Reply

Your email address will not be published. Required fields are marked *