shadow
Diocese de Dili > NOTÍCIAS > LETURA DIÁRIA > Quinta-Feira, XVIII Semana Tempo Comun

Quinta-Feira, XVIII Semana Tempo Comun

Ano B

 

Primeira Leitura                                                                   Jer. 31. 31-34

Lia housi livro Jeremias nian:

Na’i lia tun dehan: “Loron sei mai iha nebe Ha’u sei hametin Moruk foun ida ho uma kain sira Israel no Judá nian. La’os hanesan Moruk nebe Ha’u halo ho sira nia aman sira iha loron nebe Ha’u tau liman ba sira, atu hasai sira housi rai Egipto. Moruk nebe sira la halo tuir, Maski Ha’u tau Ha’u nia ukun iha sira leten, Na’i dehan. Maibe, liu tiha loron hirak ne’e, ida ne’e mak Moruk nebe Ha’u sei hametin ho umakain Israel nian, Na’i dehan. Ha’u sei halo metin Ha’u lei iha sira nia Maromak, sira sei sai Ha’u Nia fuan. Ha’u sei sai sira nia Maromak, sira sei sai Ha’u Nia povo. Sira sei la hanourin ba malu, no mós ida-idak sei la dehan ba nia maun-alin: “Imi buka atu hatene Na’i”. Sira hotu sei hatene Ha’u, housi ki’ik to’o boot liu, Na’i dehan. Basá, Ha’u sei perdua sira salan hodi la hanoin tan sira nia hahalok áat.

Maromak Futar Lia.

 

Salmo Responsorial                                                                                                               Sal. 50(51). 12-13, 14-15, 18-19 (R. 12a)

Refrão : Na’i, haraik mai ha’u fuan mós ida!!! Repete-se

 

Maromak, haraik mai ha’u fuan mós ida,

Hafoun iha ha’u, biit klamar nian.

Keta soe ha’u ba dook housi ita futar oin,

Keta hadook housi ha’u

Ita espírito sentidade nian. Refrão

 

Haraik fali mai ha’u ksolok maksoin nian,

Hamentin iha ha’u hakarak di’ak ida.

Ba sira nebe halo buat áat, ha’u sei hanourin ita dalan,

Sei halo fila b aita, ema maksalak sira. Refrão

 

La’os sacrificio sira mak fó ksolok b aita,

Ita hakribi sacrificio housi ahí.

Sacrifício be ita simu mak espírito hakribi sala,

Espiríto haraik-an ita sei la hakribi. Refrão  

 

Aclamação                                                                                                                                                                                          Mt. 16. 18

Refrão : Aleluia, Aleluia! Repete-se

                  Ó mak Pedro, iha fatuk ida ne’e nia leten, Ha’u sei hari

                  Ha’u nia kreda no inferno nia odamatan sira sei la manan

                   hodi hasouru nia. Refrão

 

Evangelho                                                                                                                                                                                     Mt. 16. 13-23

† Na’i Jesus Cristo nia Evangelho tuir São Mateus:

Iha tempo neba, Jesus to’o tiha rai Cesareia Filipe nian, Jesus husu ba nia escolante sira: “Ema sira dehan Oan Mane ne’e sé lós?” Sira hatan; “Balun dehan katak Nia mak João Baptista, seluk katak Elias, seluk fali katak Jeremias ka profeta ruma.” Jesus dehan ba sira;”Imi fali?”Itaboot mak Cristo, Maromak maoris nia oan,” Jesus hatan ba nia:”ksolok ba ó, Simao, Jonas nia oan, basá la’os isin ka ran mak hatudu buat ne;e ba ó, maibe ha’u nia Aman nebe iha Lalehan. Ha’u dehan fali ba ó: ‘Ó Pedro, no iha fatuk ne’e nia leten Ha’u sei harii Ha’u nia kreda; inferno nia odamatan sira sei la bele halo buat ida hasouru nia. Ha’u sei fó chave reino lalehan nian ba ó; buat hotu nebe ó futu iha rai, sei kore mós iha lalehan.”’Hafoin Nia haruka nia escolante sira atu la bele dehan ba ema ida katak Nia mak Cristo.

Housi tempo neba, Jesus hahu fó sai ba nia escolante sira katak Nia tenki ba Jerusalém atu hetan barak housi katuas sira, housi na’ilulik boot sira no escriba sira; ema sei oho Nia, hafoin, liu tiha loron tolu, Nai sei moris hi’as fali. Pedro lori Nia ketak hodi hahu haksi’ak Nia dehan: “Maromak hadook ne’e housi Ita; buat áat ne’e la bele kona Ita, Na’i!” Maibe, fila tiha ba Pedro, Jesus dehan:”Ba Ha’u nia kotuk, Satanas, ó teri netik Ha’u dalan; basá ó la hanoin Maromak nia hanoin, maibe ema nian.’’

Lia Maksoyn.

Leave a Reply

Your email address will not be published. Required fields are marked *