shadow
Diocese de Dili > NOTÍCIAS > LETURA DIÁRIA > Terça-Feira, XIX Semana iha Tempo Comum

Terça-Feira, XIX Semana iha Tempo Comum

ANO B

 

Primeira Leitura                                                                     Ez. 2. 8; 3. 4

Lia housi Profecia Ezequial nian:

Na’i lia tun dehan nune’e: “Ó, emar nia oan, rona didi’ak buat nebé Ha’u atu dehan ba ó: Ó keta laran áat hanesan ema sira nebé tuir dalan áat. Loke ibun ba hodi han buat nebé Ha’u atu fó ba ó.’” Ha’u foti matan, haré liman ida halolo hela mai ha’u: nia iha livro ida be lulun hela. Ema be ko’alia mai ha’u loke tiha livro be lulun hela ne’e iha ha’u oin; hakerek hela housi oin no kotuk. Iha laran hakerek kona ba lia kesar malu nian, kona ba halerik no laran susar nian. Nia dehan tan mai ha’u: ‘Ema nia oan, han buat nebe iha ó oin; han livro be lulun hela ne’e, hafoin lori ba hodi ko’alia ba uma-kain Israel nian’. Ha’u loke ibun, Nia fó livro be lulun hela ne’e mai ha’u han ho lia hirak ne’e: ‘Emar nia oan, han hodi habosu-an ba ho lulun nebe ha’u fó ba ó.” Ha’u han tiha duni lulun ne’e; nia iha ha’u ibun midar hanesan uani-uen’”.

Nune’e, Nia dehan mai ha’u: “Emar nia oan, ó ba uma-kain Israel nian hodi fó hatene ba nia, Ha’u Nia liafuan sira”.

Maromak Futar Lia.

 

Salmo Responsorial                                                                                        Sal. 118 (119). 14e, 24, 72, 103, 111, 131 (R. cf. 103)

Refrão : Na’i, Ita liafuan, midar liu fali uani-uen. Repete-se

  • Ha’u haksolok liu atu halo tuir Ita ordem,

          Liu fali riku soi tomak.

          Ha’u tau ha’u ksolok tomak iha Ita lei,

          No Ita ukunfuan mak ha’u nia lia meno. Refrão

 

  • Lei housi Ita futar ibun folin boot mai ha’u,

          Liu fali osa mean no osa mutin rihun ba rihun.

          Ita liafuan midar tebes ba ha’u nanal,

          Liu fali uani-uen iha ha’u ibun. Refrão

 

  • Ita lei mak ha’u nia lima rohan ba nafatin,

          Sira mak ha’u fuan nia ksolok.

          Ha’u ibun loke hela no ha’u dada iis,

          Hodi neon titu tebes Ita ukunfuan. Refrão

 

Aclamação                                                                                                                                                                                      Mt. 11. 29ab

Refrão : Aleluia, Aleluia! Repete-se

                  Na’i dehan, imi tau Ha’u Nia todan iha imi nia kbás hodi halo tuir Ha’u,

                  tan Ha’u laran maus, Ha’u haraik-an. Refrão

 

Evangelho                                                                                                                                                                      Mt. 18. 1-5, 10, 12-14

Na’i Jesus Cristo nia evangelho tuir São Mateus:

Iha tempo neba, escolante sira hakbesik ba Jesus hodi husu ba Nia: “Sé mak boot liu iha reino lalehan?” Nia bolu labarik ida, tau nia iha sira klaran hodi dehan ba sira: “Tebes, Ha’u dehan ba imi: imi la hakribi imi nia sala no sai hanesan labarik sira karik , imi sei la tama iha reino lalehan. Ema nebe simu labarik ida hanesan ne’e tan Ha’u nia naran, nia simu Ha’u”.

“Keta heuuai kiik oan sira ne’e ida, basá Ha’u dehan ba imi katak sira nia anjo sira fihir nafatin Ha’u Aman lalehan nia futar oin.”

“ Imi hanoin oin sá? Ema ida iha karik bibi atus ida, sira ne’e ida lakon tiha, nia sei la husik sira sia nulu resin sia iha foho hodi buka ida nebe lakon? Tebes, Ha’u dehan ba imi katak hetan tiha bibi ne’e liu fali ho sira sia nulu resin sia nebe la lakon. Nune’e imi nia Aman iha lalehan lakohi atu kiik oan sira ne’e ida lakon.”

Lia Maksoyn.

Leave a Reply

Your email address will not be published. Required fields are marked *