shadow
Diocese de Dili > NOTÍCIAS > Notícias > D. Virgilio Inaugura Igreja Paróquia São Francisco Dare

D. Virgilio Inaugura Igreja Paróquia São Francisco Dare

DCDD, Domingo loron 12 fulan Agosto tinan ne’e, bispo de Dili D. Virgilio do Carmo da Silva, SDB halo visita pastoral ba iha Paróquia São Francisco Xavier Dare hodi inaugura hikas Igreja Antiga Paróquia Dare nian ne’ebe foin lalais ne’e hetan rehabilitação. Além ne’e mos bispo Dili inagura campal missa nian ne’ebe localiza iha jardim São Francisco Xavier ninian. Evento ne’e participa mos husi autoridades sira hanesan; Sua Exelência Presidente do Parlamento Nacional Arão Noe, Ministra da Educação e Cultura Dulce Maria, autoridades local no nacional no sarani paroquiano Dare. Tan ne’e iha bispo nia discurço hateten katak, Ohin halibur hamutuk iha ne’e ita hare presença Cruz Jovem ninian nebe halibur foin sa’e barak hosi paróquia oi-oin, e hamutuk ho evento ida nee mos inagura igreja nune’e mos campal missa nian. Sarani paroquiano Dare, tinan ida tomak ilas Cruz Jovem nian iha ita boot sira nia le’et, ohin mos laos hanoin deit kona ba Cruz, maibe hanoin mos kona ba tinan 50 paróquia nia moris. Ida ne’e evento ida nebe ita bele dehan katak momento extra-ordinário

D. Virgilio do Carmo da Silva, SDB hateten tan katak, iha loron 18 fulan Agusto tinan 2017, Diocese de Dili liu husi sarani paróquia São Francisco Xavier Dare simu Ilas Cruz Jovem husi Dioacese Maliana Paróquia Balibo hodi horik hamutuk. Ohin loron 12 fulan Agosto tinan 2018, hau haree katak sarani Dare hakas an duni serbisu liu-liu no loke ita boot sira nia uma, knua, família tau ita boot sira nia actividade ba kotuk hodi consentra duni no fó duni importânsia ba iha presença Cruz Santa iha rai Dare ninian. Além ne’e ha’u rona hosi comição liu husi Amo Pároco katak ita boot sira mós atu loke odamatan hodi simu jovem congrecista iha ita boot sira nia bairro, aldeia durante semana ida. Ba ha’u ida ne’e sinál ida furak laos tanba amo pároco haruka ka Bispo mak manda malu, maibe ita moris iha era momento ida ne’e dala barak ne’e mosu grupo oin-oin, mosu ema ida-idak harii ninia grupo, barak fahe malu, cria violéncia, maibe ha’u hein katak hodi loke ita boot nia uma, bairo hanesan dalan ida mos atu bele cria, promove buat ida ita bolu unidade.

Iha sikun seluk, hare ba progresso bo’ot ne’be paróquia São Francisco Xavier Dare halo hodi transformação ba fatin ne’ebe uluk nu’udar campo futebol sai tiha ba fatin atu hasoru malu ho Maromak, Dom Norberto do Amaral fo nia apressiação ba Pároco paróquia de Dare, conselho paroquial, comissão organizadora no paroquiano tomak Dare ninian ne’ebe contribui hamutuk hodi desemvolve paróquia Dare. Tan ne’e hafoin remata tiha missa ba celebração Assunção do Senhor iha loron 15 fulan Agosto 2018, D. Norberto ho orgulho bo’ot hateten; ha’u hato’o ha’u nia Parabens ba paroquiano paróquia São Francisco Xavier Dare ne’ebe serviço hamutuk ho pároco, conselho paroquial sira, autoridades sucos hodi halo transformação bo’ot ne’ebe ita mai hare fatin ne’e sai oinseluk tanba fatin ida ne’e uluk nu’udar campo joga bola.

D. Norberto hatutan tan katak, Igreja ne’e moris wainhira sarani ne’e moris. Se sarani la moris Igreja mate. Ne duni mak ida ne’e parabens dala ida tan ba imi no agradece ba Maromak tanba Paróquia Dare sei comemora nia Bodas de Ouro ka tinan 50 ne’ebe celebra iha loron 18 fulan Agosto tinan ida ne’e. Ao mesmo tenpo D. Norberto mos fo nia parabens ba Congrecista sira husi Diocese tolu Dili, Baucau no Maliana hodi dehan, aproveita didiak tempo hirak ne’e basá tempo hanesan ne’e nudar tempo osan mean, basá orador creda nian mai fahe sira nia matenek kona ba saida mak los no saida la los atu nune’e Jovem nebe sai futuro Creda no nação nian ida ne’e hodi moris tuir buat ne’ebe Nain Jesus Cristo hanorin mai ita.. (ALIN)

Leave a Reply

Your email address will not be published. Required fields are marked *