shadow
Diocese de Dili > NOTÍCIAS > Notícias > Temor de Deus Princípio de Sabedoria

Temor de Deus Princípio de Sabedoria

DCDD, Loron 15 fulan Agosto tinan-tinan santa Creda celebra Festa Na’i Maromak hasae ita Nain feto ba lalaehan isin no klamar. Bispo de Maliana D. Norberto do Amaral hafoin remata tiha nia palestra ba congressista husi Diocese tolu; Dili, Baucau no Maliana, D. Norberto do Amaral preside missa ida hamutuk ho nailulik, diácono, madre, seminarista no paroquiano de Dare hodi comemora festa Na’i Maromak hasae Virgem Maria ba lalehan isin no klamar. Tan ne’e iha Dom Norberto do Amaral ninia homilia haktuir katak; Ohin ita halo festa ida ne’ebe bo’ot teb-tebes iha Igreja Católica nia laran, iha ne’ebe Na’i Maromak hasae Maria Santíssima ba Lalehan Isin ho Klamar completo. Celebração ba festa ida ne’e hatudu ba ita buat tolu (3); Nain Feto nia Incorrupção, Nain Feto nia Triunfo no Nain Feto nia Glória. Incorrupção katak, Nain Feto nia isin la dodok, maibe Nia isin nafatin. Ida ne’e mak hetan kbiit ka hetan opurtunidade ida ne’ebe Na’i Maromak hasae Nia ba lalehan ho isin tomak. Triunfo katak, vitória ne’ebe Nain Feto hetan. Nia ne’ebe feto simples oan ida Na’i Maromak hili hodi sai Na’i Maromak nia Inan. Glória katak, Nia hasoru Problema lubuk boot ida iha nia caminhada, maibe Nia halo ho neon ho laran tomak hodi tau An  iha Maromak nia vontade. Tan hahalok sira ne’e hotu Nia tama iha glória Maromak ninian. Buat tolu ne’e nia base iha de’it Maria Santíssima. Maromak hili Nia sai Maromak nia Inan tanba Nia pureza no Nia obedece ba Maromak nia vontade as liu buat hotu. Maske hasoru desafio oi-oin maibe nia tutur hodi lao nafatin ba oin.

Hare ba realidade mundo ohin loron nian ne’ebe ema comete, D. Norberto simplifica katak, ema ohin loron nian tau nia interesse as liu fali Maromak nian. Tuir lolos tau Maromak nia interesse mak as liu. Ita hare de’it realidade ne’ebe acontece, festa ruma iha loron sábado karik, ita dansa to’o fali dadersan, depois loron domingo toba tiha de’it. Ida ne’e lalos basá, Maromak nia ukunfuan dehan nune’e Domingo loron santo sei ba rona missa keta kaer serviço. Maibe ita lae loron domingo mak tenpo diak atu ita toba dukur. Ne’e hotu tanba ita nia kan. Ohin iha palestra ha’u koalia ba congrecista sirak katak, jovem atual ohin loron ne’e nian la respeita ona inan-aman no naiulun sira oinsa ita atu to’o fase tolu ne’e. Se hakarak to’o ba fase tolu ne’e, uluk nanain tem que prepara ita nia an ho matenek neon nain nian, matenek ida ne’ebe ho Maromak, matenek ida ne’ebe hamtauk Maromak, laos matenek ida ne’ebe la ho Maromak, la hamtauk Maroamk ne’e susar bo’ot tanba matenek barak ne’ebe halo Maromak ne’e halo tuir nia hakarak de’it hodi tebe rai katak nia mak hatene buat hotu hotu, nia mak bo’ot liu buat hotu-hotu. Ida ne’e susar boot tanba la hamtauk Maromak. Livro sabedoria sira dehan katak Temor de Deus princípio de sabedoria “Hamtauk Maromak ne’e mak matenek bo’ot liu mak ida ne’e”. Maibe ita halo contrário ita foin mak halo de’it S1, S2 nia mak hatene ona buat hotu-hotu. Tan ne’e precisa matenek ida ne’e hatene neon nain hodi hamtauk Maromak. (ALIN)

Leave a Reply

Your email address will not be published. Required fields are marked *