shadow
Diocese de Dili > NOTÍCIAS > Notícias > BUKA SAI SARANI ADULTO

BUKA SAI SARANI ADULTO

DCDD, D. Basilio do Nacimento bispo de Baucau Quinta loron 16 fulan Agosto 2018 husu ba foinsae sira atu hakasan sai sarani ne’ebe adulto. D. Basilio fo sai lia hirak ne’e iha ninia homilia wainhira preside missa ba Congrecista iha Igreja Paaróquia São Francisco Xavier Dare. D. Basilio hateten, tinan-tinan buka sai sarani adulto. Tinan-tinan buka haboot imi nia fiar, haboot an iha matenek, haboot an iha físico, haboot an iha serviso no mos iha força maibe mos buka atu sai sarani adulto katak fiar laos tanba ema seluk hateten, maibe simu ita Nain Jesus Cristo iha ita nia vida nee, tanba Ita nain Jesus Cristo folin duni iha ita ida-idak nia vida.

D. Basilio do Nacimento dehan tan katak, Durante loron tolu, jovem 500 iha Dare la susar atu sai sarani tanba hotu-hotu koalia lia ida de’it, fiar ida de’it, sentimento ida de’it. Ne’e duni quando hamutuk hanesan ne’e sai sarani la susar. Maibe depois ita boot sira ida-idak fila ba uma mesak ou hanesan grupo kiik oan iha ida-idak nia paróquia, buat laos ona kman hanesan ne’e; imi sei rona lia barak, ema sei hateten buat oi-oin kona ba imi, ema sei halo trossa imi, maibe ita sarani precisa momento sira hanesan ne’e atu hetan força ba ita liu husi sira seluk nia sasin, liu hosi sira seluk nia testamunho liu mos husi sira seluk nia fiar. São Paulo iha nia lia fuan ida dehan hanesan ne’e, “uma hotu-hotu ne’ebe hari nia an iha Jesus Crsto sai uma ida diak”. Ita atu halo uma ida ita precisa fatuk inan ida sai hanesan hun, sai hanesan marka atu didi lolon bele la’o los. Fatuk sira hodi hari didi lolon nee mak ita sira ida-idak jovem, katuas, kabenain, solteiro, ema hirak isin diak, moras, matenek no ema ne’ebe beik, ema hirak ki’ik no ema hirak ne’ebe boot. Tanba ne’e, durante loron tolu ne’e sarani no Jovem sira ita boot sira ida-idak mai atu halo no hare imi hanesan fatuk hodi hari Uma Creda nia lolon. Hirak ne’ebe los halo nafatin, hirak ne’ebe kleuk buka atu halos sira nia fatin atu Uma Creda nia didi lolon ida ne’e sai lolos. Tanba ne’e mak dehan uma hotu-hotu hari nia an iha Jesus Cristo hanesan fatuk inan hodi halo Uma Creda ida ne’e sai buras.

D. Basilio do Nacimento haklean tan katak, Jovem sira iha tinan-tinan ita boot sira iha biban ida ne’e buka atu haklean ita boot sira conciência, ita boot sira nia formação kona ba imi perténce ba Uma Creda ne’e laos deit atu hateten oração, laos de’it ba paticipa rame-rame, maibe ida-idak nia vida ne’e tem que sai santo. (Alin/Leo)

Leave a Reply

Your email address will not be published. Required fields are marked *