shadow
Diocese de Dili > NOTÍCIAS > Notícias > “Jovem mak masin no naroman mundo nian”

“Jovem mak masin no naroman mundo nian”

DCDD, Quarta loron 15 fulan Agosto 2018 Departamento Comunicação Diocese Dili nian realiza talk show ida ho Tema “História Cruz Jovem Iha Timor” Evento talk show ne’e halo iha estúdio Radio Timor Kmanek Maloa-Ailok laran,Dili.

Tuir testamunho Adérito Ruben conta katak, Cruz Jovem ne’e nia início mai husi bispo D. Carlos Filipe Ximenes Belo, SDB ninia hanoin atu ita hatan ba Amo Papa nia liafuan “Jovem mak masin no naroman mundo nian” wainhira Papa mai visita Creda Timor. Altura neba, Bispo Carlos fo hanoin ida mai ha’u no inclui jovem sira nune’e, imi bele mobiliza jovem sira iha Timor laran tomak tur netik hodi hanoin ba imi nia futuro rai ida ne’e ba oin oinsa! No ha’u hatan ba amo bispo nune’e; bele! Maske iha tenpo neba iha grupo balun halo manifestação hasoru nailulik sira, maibe Amo nafatin fo coragem mai ami atu serviço hamutuk no halo oração.

Nia hateten, husi neba bispo Carlos Filipe Ximenes Belo fo cargo ida ba diácono Hilário atu mobiliza jovem sira hamutuk. Além ne’e hamutuk mos ho Pe. Mateus Lopes, Pe. Domingos Maubere no mos Padre sira seluk tan atu tau cruz ida ho intenção halo jovem sira bele iha nafatin confiança ba malu. Tan ne’e, iha 1991 ami koalia hamutuk tiha ho bispo kona ba mensagem bispo nian liu husi santo Padre nia mensagem “Imi mak masin no naroman mundo nian” hahu fahe mensagem ne’e ba paróquia hot-hotu obrigatoriamente atu halo discussão hodi hari’i grupo jovem ida naran MUDIKA “MUDA-MUDI KATOLIK”

Iha 1992 ami halo encontro boot ida. Jovem hot-hotu iha momento ne’e mai husi 30 paróquias Timor laran tomak hodi halo discussão iha Câmara tuan atu nune’e hodi hari fali comição juventude católica MUDIKA nian ba iha celebração Páscoa Jovem. Hafoin missa tiha iha Catedral Dili, bispo husu kedas atu Páscoa Jovem ne’e celebra iha Baucau. Iha momento neba jovem sira husu ba bispo Carlos Filipe Ximenes Belo nune’e; ami lori símbolo saida! No bispo hatan katak, imi lori símbolo cruz. Liu tiha ne’e tanba cabe ba situação sira nebe mak acontece iiha rai laran, ami husu bispo atu realiza congresso ida. Congresso realiza duni iha Dili, iha Salesiano sira nia uma iha tinan 1996. Então ami hot-hotu consentra iha ne’eba quase ema 800 tanba representante cada paróquia ema 25. Iha Comunidade Salesiano ne’e maka ami hela semana tomak ida halo congresso hodi defini naran COMIÇÃO JUVENTUDE CATÓLICO DIOCESE DILI ba teritório tomak. Tanba ne’e, Comissão nia serviço mak atu hare uluk missão jovem nian. Husi ne’e mak ami foti tema ida JOVEM, APÓSTOLO BA JOVEM.

Ha’u hanoin transformação husi naran Páscoa Jovem ba Cruz Jovem nee se hau la sala iha ona tenpo D. Basilio do Nacimento ho D. Alberto Ricardo da Silva nia tenpo atu transforma atividade páscoa jovem ne’e ba fali cruz jovem ho razão principal ne’e maka clima. Tanba iha evento sira páscoa jovem ne’e monu iha fulan Abril. Ita nia epóca chuva ne’e maka’as halo estrada sira ladun diak halo ema mobilisa ba atividade sira ne’e mai ho cambioneta boot então bispo sira hanoin katak oinsa mak bele fo kama’an oituan ba paroco sira ho fatin ne’ebe selebra atividade pascoa jovem nian nune’e muda ninia carater ba fali cruz jovem. (Marta)

Leave a Reply

Your email address will not be published. Required fields are marked *