shadow
Diocese de Dili > NOTÍCIAS > Notícias > JOVENTUDE CATÓLICA: PRO-PÁTRIA ET ECLESSIA

JOVENTUDE CATÓLICA: PRO-PÁTRIA ET ECLESSIA

DCDD, Sexta loron 17 fulan Agosto 2018 S.E Presidente da República Dr. Francisco Guterres Lú Olo hetan convite hodi fo ninia palestra ho tema “Joventude Catolica Pro-Patria Et Eclessia” ba Congressista sira iha Paróquia São Francisco Xavier Dare. S.E Presidente da República Dr. Francisco Guterres Lú-Olo hateten, Ha’u mai iha ne’e nu’udar católico, nu’udar sidadão e nu’udar mos chefe do Estado, ha’u mos hakarak hanoin hamutuk ho maluk sira liu-liu jovem sira hodi fo ha’u nia contribuição ba Pátria no Igreja husi ohin loron to’o aban bainrua, atu ita husik legado diak ida husi geração ohin loron ba geração aban bainrua nian.

S.E Presidente da República Dr. Francisco Guterres Lú-Olo dehan tan katak, Iha periodo ocupação Indonésia, Instituição mesak ida ne’ebe militar Indonésia la controla mak Igreja Católica. Tanba ne’e, Igreja Católica sai fatin metin ida ba ita nia resistência hasoru ocupação. Hahalok barak hatudu katak Igreja Católica hamriik hamutuk ho povo Timor-Leste. Hare ba contribuição sira nee hotu Constituição RDTL reconhece knar Igreja Católica nian nuudar Instituição ida nebe defende direitos povo Timor-Leste ninian. Iha processo luta ba libertação nacional ita labele haluha katak Igreja Católica contribui makas ho nia função forma espírito Patriótico no conciência Cívica. Iha tina 500 nia laran, Igreja Católica simu responsabilidade kaer knar educação. Ho laran haksolok teb-tebes, hau simu informação katak D. Carlos Filipe Ximenes Belo hakerek hela historia Igreja Católica nian iha Timor Leste no nia knar iha area educação no formação povo nian.

S.E Presidente da República Dr. Francisco Guterres Lú-Olo reforça tan katak, Hau laran haksolok teb-tebes tanba hau rona katak timoroan balun halo esforço ona atu hakerek kona ba Nicolau Lobato ninia contribuição ba ita nia luta libertação nacional no legado nebe nia husik hela ba geração patrioto hot-hotu. Ida mak amululik Martinho Gusmão nebe sei lança iha tenpo badak história Nicolau Lobato nian. Ohin ita iha opurtunidade atu tatoli ba Juventude Católica tomak iha Ttimor-Leste mensagem estado no Igreja Católica nian. Foinsae sira mai iha ne’e iha identidade ida, identidade sarani Católico nian. Iha tenpo resistência, sarani sira hetan conciência foun nudar Católico no patriota. Juventude católica Igreja no nação nia futuro iha imi nia kbaas.

S.E Presidente da República Dr. Francisco Guterres Lú-Olo infelizmente declara mos katak, Nudar Católico, nudar aman ida, nudar mos PR hau preucupa tebes ho situação ohin loron nian, maibe hau fiar katak ita hamutuk no ho força no ho determinação husi foinsae Católico sira ita sei hametin ita nia an nafatin no sei hatene dada mos maluk sira seluk ba princípio no valores nebe ita aprende hadomi husi ita nia luta libertação nacional, inan-aman, escola, confição religiosa sira no ita nia Constituição rasik. (Alin/Leo/Aja)

Leave a Reply

Your email address will not be published. Required fields are marked *