shadow
Diocese de Dili > NOTÍCIAS > REFLEXÃO > NAI AMI BA LOS NEBE ITA DEIT MAK IHA LIAFUAN MORIS (Jo 6, 60-69)

NAI AMI BA LOS NEBE ITA DEIT MAK IHA LIAFUAN MORIS (Jo 6, 60-69)

Maun alin sarani doben sira,

Leitura sira domingo ba dala XXI nian ne’e convida ita atu reflete fila fali ita nia caminhada nundar discípulo Jesus nian ida nebe iha moris ne’e lao hamutuk ho Jesus Cristo iha buat hotu nebe ita koalia no ita halo. hodi reflete nune’e ita bele descobre experiência moris concreta be ita nudar seguidores Cristo Jesus nian iha ho Jesus Cristo. Experiência moris ida nebe laos ideal deit maibe concreta iha ida idak ninia moris be ita halao hela ne’e.

Maromak ninia povo iha antigo testamento no apostolo ou discipulo dahuluk sira nia experiência moris hamutuk ho Maromak no ho ita nian Jesus Cristo sai nundar modelo no roman mai ita sira be sai Maromak ninia povo no discípulo ka apostolo Cristo nian iha tempo Novo testamento nian, liu liu iha ita nia tempo ohin loron nian.

 

Primeira leitura no Evangelho Domingo ba dala XXI tempo comum tinan B nian be ohin ita foin mak rona hamutuk dadaun haktuir mai ita Maromak ninia povo dahuluk ho apostolo sira nia experiência moris hamutuk ne’e balun entre experiência barbarak nebe sira iha ho Maromak no ho Jesus Cristo. Experiência ida kona ba fidelidade no infidelidade ba Maromak no ba  Jesus Cristo tamba Maromak nebe koalia nafatin ba sira kona ba moris lolos nian. Moris ida nebe tem que tidin an iha Maromak no halao hamutuk ho Maraomak liu husi Maromak ninia futar liafuan no ninia hahalok sira be sira percisa moris tuir ka ba nati tuir.  Experiência moris hamutuk ida nebe iha momento balun sira sente todan atu halo tuir iha sira nia moris, sira sente dificil tebes atu moris tuir. Maromak ninia povo israel iha sira nia experiência iha momento balu sira sente hasoru obstáculo ida todan tebtebes iha sira nia serviço no moris hamutuk ho Maromak ne’e, nune’e sira barak descide lao ses husi Maromak hodi servi fali kbiiit sira seluk excepto Josué ho ninia familia mak lae basa sira metin iha sira nia fiar, fiar no servi lolos deit Maromak mesak ida deit to’o rohan. Familia Josué nian fiel nafatin ba Maromak mas que hasoru laloran boot hasoru sira nia fiar, hasoru sira nia relação ho Maromak nebe hari ona nundar povo Maromak nian no nundar Maromak be lao hamutuk nafatin ho sira.

Apostolo sira nundar sarani dahuluk iha testamento foun nian mos experimenta experiência ida hanesan ho Maromak ninia povo dahuluk ninian. Sira sente todan atu moris iha realidae lialos moris foun nian nebe Jesus Cristo hato’o ba sira iha sira ninia moris hamutuk. Sira sente todan no la comprende wainhira Jesus dehan ba sira kona ba Jesus Cristo ninia-an nebe sai aihan lolos ba ema nia moris, Jesus fo ninia futra isin ba ema han, no ema se mak han Jesus ninia futar Isin no hemu ninia futar Ran ema ne’e sei hetan moris lolos no moris rohan laek. Sira sente todan tamba Lialos ida ne’e realidade foun nebe laos sira nia cultura, contrário ho sira nia cultura. Han fali ema nia futar isin no hemu fali ema ninia futar Ran ne’e la tama iha apostolo sira be moris iha cultura sira nian rasik, cultura judaica nian ne’e. Ne’e mak halo todan.

 

Maun alin sarani doben sira,

Experiência Maromak ninia povo no maun alin apostolo sira nian hanorin mai ita katak ita ita nia moris nundar ema fiar nain ba Maromak obstáculo no dificuldade sempre iha no dala balun boot tebtebes to’o halo ita sente kbiit laek tebes atu lao tuir nafatin Maromak, atu lao tuir nafatin Jesus Cristo. Experiência be maun alin sira ne’e experimenta ita sira be Maromak ninia povo no sarani ohin loron nian mos sei hasoru hela. Ate ita bele dehan atu lao tuir no fiel lolos ba Maromak no ba Jesus Cristo iha ita nia tempo ohin loron nian ne’e bele sai boot liu tan fali maun alin no apostolo sira nian uluk ne’e.

Maibe pergunta basica ida mai ita hotu hodi reflete hamutuk mak ida ne’e, tamba sa mak lao tuir hodi rona no Moris tuir Maromak ho Jesus Cristo ne’e dala balun sai todan no dificil fali mai ita? Mas que ita lao hamutuk hela ho Maromak ne’e mas que ita hatene katak Maromak ne’e lao hamutuk hela ho ita.

Tamba sa mak Maromak ninia povo be Josué lidera ne’e lao ses husi Maromak hodi hakarak servi fali kbiit seluk ida? Tamba sira la tau laran metin iha Maromak, sira tau fali laran metin iha sira ninia kbiit rasik be luta atu halao moris ne’e, tamba sira dúvida hasoru Maromak, sira laiha fiar ida be mos no los ba Maromak.

Tamba sa mak apostolo sira barak sente todan ba Jesus ninia Liafuan? Tamba sira la hare Maromak ninia kbiit be haraik ba sira liu husi ninia futar liafuan be haraik moris lolos ne’e, tamba sira hare liu fali ba sira nia cultura ka toman be la han no la hemu ema ida ninia isin no ran. Tamba  sira balun la comprende katak buat nebe Jesus dehan ba sira ne’e mak we matan moris nian.

 

Maluk doben sira, husi duni Maromak ninia povo no discipulo dahuluk ka sarani dahuluk sira nia experiência moris hamutuk ho Maromak no ho Jesus Cristo ne’e mak ita mos descobre lialos foun ida ne’e nebe hatudu katak katak iha ita nia moris hamutuk ho Maromak no ho Jesus Cristo ne’e exige FIAR nebe metin no LARAN METIN lolos iha MAROMAK, laos fiar no laran metin fali iha sasan ka iha ita nia an rasik. Ita halao moris ne’e laos deit tamba ita nia esforço atu hetan moris diak maibe halao moris ne’e ho mos FIAR no LARAN METIN iha Maromak be moris ne’e ninia hun lolos. Ita nia fiar no laran metin ba Maromak ne’e sai concreto lolos iha ita nia hahalok RONA no MORIS TUIR Maromak ninia futar liafuan sira. Hodi hahalok ida ne’e ita bele hetan duni kbiit moris nian, hetan duni moris lolos no diak ida nebe sei sai rohan laek tamba Maromak ninia FUTAR LIAFUAN ne’e mak sai kbiit no sai we matan moris rohan laek nian mai ita ema sira.

 

Maun alin doben sira, dificuldade kona ba ita nia moris iha ita nia fiar ba Maromak atu bele hetan moris diak ida no moris rohan laek ne’e continua existe nafatin. Dala balun husi duni experiência iha moris ida hanesan ne’e mak bele hametin liu tan ita nia FIAR NO FIDELIDADE ba Maromak.

Mas que iha dificuldade no obstaculo hasoru ita nia fiar nune’e ita tem que descide? Deside atu rona nafatin ba Maromak ninia futar liafuan hodi ita bele moris ka descide atu lakohi rona ona Maromak ninia futar liafuan hodi halo tuir fali mak ita nia hakarak, ita nia toman no cultura moris nian sira hodi lakon moris no moris rohan laek ne’e, hodi lakon moris hamutuk ho Maromak ne’e. Comcerteza nundar sarani ida masque ita sala laek ita sei descide nafatin atu FIAR METIN LIU TAN NO FIEL NAFATIN BA MAROMAK iha RONA NO MORIS TUIR NAFATIN MAROMAK NINIA FUTAR LIAFUAN. Husi ne’e mak ita sei hetan moris lolos nakonu ho ksolok, dame no domin.

 

Ikus mai maun alin sira,

Pergunta Josué nian ba Maromak ninia povo iha antigo testamento be dehan “se imi hare katak servi Maromak ka rona hodi moris tuir Maromak ninia hakarak ne’e buat todan ida ba imi então imi hili fali imi nia Maromak seluk ba hodi imi servi, hau ho hau nia familia servi nafatin Maromak mesak ida deit be halo lalehan ho rai, be hori uluk kedas ita nia beiala no ita nia inan aman sira servi”

No Jesus ninia pergunta ba apostolo sira be dehan “Imi hakfodak ho hau nia liafuan sira? Imi mos hakarak ba ona?

Pergunta rua ne’e continua mosu mai ita nundar ponto de interogação be lolos tem que halo ita hare ita nia an nundar Maromak ninia povo no nundar discipulo Cristo nian hodi fiar metin no fiel nafatin ba Maromak nodi rona hodi moris tuir no moris hamutuk nafatin ho Maromak. Amen.

 

Becora, DC XXI, ANO B, 26.08.2018

Por: Pb.

Leave a Reply

Your email address will not be published. Required fields are marked *