shadow
Diocese de Dili > NOTÍCIAS > Notícias > Paróquia Iliomar Simu Ilas Cruz Jovem

Paróquia Iliomar Simu Ilas Cruz Jovem

DCDD, Hafoin missa encerramento Cruz Jovem nian no mos celebração Bodas de Ouro Paróquia S. Francisco Xavier Dare,  Paróquia Dare entrega hikas Ilas cruz Santa ba iha Paróquia Nossa senhora de Fátima Iliomar Diocese de Baucau. Iha Domingo loron 19 Agosto 2018 Vigário Geral Diocese Baucau Pe. Francisco Pinheiro preside missa abertura ba Cruz Jovem nian ba paroquiano Paróquia Nossa senhora de Fátima Iliomar iha Igreja Paroquial Iliomar hamutuk ho nailulik sira Diocese tolu Dili, Baucau no Maliana, autoridades, sarani peregrino sira. Iha homilia Vigário Geral Diocese Baucau Pe. Francisco Pinheiro hateten, ita nia historia Cruz iha tenpo Indonésia nian nee atu ema hotu-hotu fo an para hodi hasai ita husi buat hotu, preso ida, escravo ida. Ida ne’e ita liu tiha ona. Ita nia historia terra de santa Cruz no terra de Santa Maria, ran Martirio sira nian historia ida naruk. Tanba ne’e foinsae sira hakasan sai fini diak nafatin ba nafatin iha rai Santa Cruz no Santa Maria ida ne’e. Ita ukun rasik an ne’e ita hotu-hotu sente katak ita povo timor ne’e agora iha nebe, atu ba nebe no ba oinsa. Hau hakarak sita de’it liafuan nebe D. Virgilio koalia ba congressista sira iha Paróquia S. Francisco Xavier Dare kona ba liafuan tolok. Saida mak halo daudaun no duir daudaun ba Timor laran tomak. Ita nia kulit ema nian lakon tiha ona. Jovem sira uluk nian ita ladun rona tolok, iha tenpo indonésia nian mos ita ladun rona tolok, maibe joven sira agora nee ita lao fo volta Timor laran tomak ita rona quase tolok mak domina. Tanba nee hakasan ba sai fini diak sai fini diak nafatin ba nafatin iha rai Santa Cruz no Santa Maria ida ne’e.

Iha sikun seluk, Pe. Pároco Paróquia Nossa Senhora de Fátima Iliomar hateten, Hakarak ka lakohi todan iha ami nia kabás ami atu la’o dadaun. Horseik loron 18 Agosto 2018 ami simu Na’i Cruz Jovem atu hakat mai ami nia paróquia, peregrino no sarani tomak nebe aconpanha cruz mai to’o iha Iliomar, sente no hare ba ami nia condição Iliomar mak ne’e. Tanba ne’e, presença Cruz Jovem iha paróquia Iliomar ohin loron 19 fulan Agosto 2018 oficialmente hahu missa abertura no iha 1 de Setembro de 2018, Ilas Cruz Jovem hahu visita sucos, esteção no bairos tomak iha Iliomar nia laran, dehan Pe. Pároco Iliomar Pe. João Hornai iha nia dircurço iha Igreja Paróquia Nossa Senhora de Fátima Iliomar (19/8/2018). (Alin)

Leave a Reply

Your email address will not be published. Required fields are marked *