shadow
Diocese de Dili > NOTÍCIAS > LETURA DIÁRIA > Quinta- Feira, XX Semana Tempo Comum

Quinta- Feira, XX Semana Tempo Comum

ANO B

Primeira Leitura                                                                    Ez. 36. 23-28

Lia housi Profecia Ezequiel nian

Na’i lia tun, dehan: “Ha’u sei hatudu Ha’u Nia naran boot nia santidade, naran nebe imi hafo’er tiha iha nação hot-hotu nia leet. Nação sira hotu sei hatene katak Ha’u mak Na’i – Na’i Maromak dehan – Uainhira Ha’u hatudu Ha’u Nia santidade ba imi nia di’ak iha nação sira oin. Nune’e, HA’u sei hasai imi housi nação sira leet, halibur imi housi rai hot-hotu, atu lori fila fali imiba imi rain. Ha’u sei fui ué mós ba imi leten; imi sei sai mós housi imi nia hahalok áat hotu. Ha’u sei fui ué mós ba imi leten; imi sei sai mós housi imi nia hahalokáat hotu. Ha’u sei hamos imi housi imi nia maromak falso sira hotu. Ha’u sei fó ba imi fuan foun ida, no haraik ba imi espírito foun ida. Ha’u sei hasai housi imi isin fuan fatuk nian, hodi fó ba imi fuan isin nian ida. Ha’u sei hamoris iha imi HA’u Ni’a espírito, hodi halo imi moris tuir Ha’u Ni’a hanourin, atu cumpri no halo tuir Ha’u Nia lei. Imi sei hôrik iha rai be Ha’u haraik ona ba imi aman sira; Imi sei sai Ha’u Nia povo, Ha’u, imi nia Maromak.

Maromak Futar Lia.

 

Salmo Responsorial                                                                                                 Sal. 50 (51). 12-13, 14-15, 18-19 (R. Ez. 36. 25)

Refrão : Ha’u sei fui ué mós iha imi leten,

                 Imi sei sai mós housi salan!!! Repete-se

 

  • Maromak, hakiak iha ha’u, fuan mós ida,

          Hamoris iha Ha’u, espírito metin ida.

          Keta soe ha’u ba dook housi Ita futar oin,

          Keta hadook housi ha’u Ita espírito santidade. Refrão

 

  • Haraik hikas mai ha’um ksolok maksoin nian,

          Hametin iha Ha’u espírito laran luak nian.

          Ha’u sei hanourin Ita dalan ba sala na’in sira,

          Sei halo ema áat sira fila ba Ita. Refrão

 

  • La’os sacrifício sira mak fó ksolok ba Ita,

          Ita hakribi sacrifício housi ahi;

          Sacrifício be Ita simu mak espírito hakribi sala,

          Espírito haraik-an, Ita sei la hakribi. Refrão

 

Aclamação                                                                                                                                                                              Sal. 94(95). 8ab

Refrão : Aleluia, Aleluia! Repete-se

                  Ohin imi rona karik Na’i nia lian,

                  keta taka imi nia fuan. Refrão

 

Evangelho                                                                                                                                                                                       Mt. 22. 1-14

Na’i Jesus Cristo nia Evangelho nu’udar São Mateus haktuir:

Iha tempo neba, Jesus ko’alia fali ho aiknanoik ne’e ba boot sacerdote sira nian no ba ema kbaen povo nian hodi dehan ba sira: “Reino lalehan nian hanesan liurai ida nebe halo festa kaben ba nia oan mane. Nia haruka atan sira atu ba bolu convidado sira ba festa, maibe sira lakohi mai. Nia haruka tan atan sira seluk dehan: ‘Dehan ba convidado sira: Aihan pronto tiha ona, ha’u nia karau ho balada bokur sira oho tiha ona, buat hotu nahe tiha ona, mai festa casamento.’ Maibe, hanesan lia la kona sira, ida ba tiha nia to’os, ida ba nia contrato, sira seluk, káer tiha atan sira, baku sira no oho sira. Liurai, laran nakali teb – tebes, haruka nia soldado sira atu oho ema áat sira ne’e hodi sunu sira nia cidade. Hafoin nia dehan ba atan sira:’ Festa ckaben prontu ona, maibe convidado sira la soi. Ne’e duni, imi ba dalan sira hodi convida ba festa kaben nian ema hotu nebe imi hetan.’ Atan sira sai duni ba dalan sira no halibur hamutuk ema hotu nebe sira hetan, di’ak no áat hodi halo fatin festa kaben nian nakonu ho bainaka. Uainhira liurai tama atu haré bainaka sira, nia haré ema ida nebe la hatais unuk festa nian. nia dehan ba ema ne’e: ‘Belun, oin sá ó tama iha ne’e la hatais festa kaben nian?’ Ema ne’e nonok hela. Tan ne’e, liurai dehan ba atan sira: ‘Imi kesi metin nia liman ho ain, soe nia ba nakukun iha liur, iha neba, ema sei tanis no ruun nehan’ Basá Na’i bolu ema barak, maibe hili de’it uitoan.”

Lia Maksoyn

Leave a Reply

Your email address will not be published. Required fields are marked *