shadow
Diocese de Dili > NOTÍCIAS > LETURA DIÁRIA > Segunda – Feira, XX Semana Tempo Comum

Segunda – Feira, XX Semana Tempo Comum

ANO B

 

Primeira Leitura                                                                    Ez. 24. 15-24

Lia housi Profecia Ezequiel nian

Na’i lia tun mai ha’u, nune’e: “Emar nia oan, Ha’u ba hasai housi ó hodi fó mate lalais ba ida nebé ksolok ó nia matan nian. Maibe, ó sei la halerik, sei la tanis, no mós sei la husik suli ó mata uen; dada íis nonok, la tau lutu, hanesan – bain lutu ba mate sira. Taka ulun nafatin, hatais ó nia sandálias, maibe, keta taka ó hasan rahun, no mós keta han pão nebe ema seluk lori mai”. Iha dader, ha’u ko’alia ba povo, iha loro kraik ha’u nia féen mate. Iha dader tuir mai, ha’u halo tuir ordem nebe ha’u simu. Nune’e, povo hhusu mai ha’u: “Ó lalika dehan mai ami kona ba ó nia hahalok hirak ne’e katak sá mai ami?” Ha’u hatan ba sira: “Na’i lia tun mai ha’u nune’e: ‘Dehan ba Israel nia uma kain: Na’i ko’alia nune’e: Imi haré, Ha’u ba halo áat ba Ha’u nia Santuáriu, imi nia loko-an nia biit, ksolok imi nia matan nian, no hakaran áat imi klamar nian. imi nia oan mane no feto sira nebe imi husik hela iha Jerusalém, ema sei oho sira hotu ho surik’. Nune’e, imi sei halo tuir buat nebé Ha’u halo. Imi sei la taka imi hasan rahun, imi sei l;a han pão nebe ema seluk lori mai, imi sei taka imi ulun, sei hatais sandálias. Maibe, imi la bele laran susar no mós la bele tanis. Imi sei halakon imi nia hahalok áat oin-oin hodi haktuir ba malu, imi nia halerik. Ezquiel ba imi nu’udar sinal ida: Imi sei halo tuir buat hotu nebe nia halo. Uainhira buat hotu ne’e mosu tuir lolós, imi sei hateene katak Ha’u mak Na’i Maromak”.

Maromak Futar Lia.

 

Salmo Responsorial                                                                                                                        Deut. 32. 18-19, 20, 21 (R. cf. 18ª)

Refrão : Ó fila kotuk ba Maromak be halo ó moris!!! Repete-se

 

  • Ó hakribi fatuk inan be halo ó moris,

          Ó haluha Maromak be fó moris ba ó;

          Na’i haré no Nia laran nakali,

          No hakribi ó nia oan mane no feto sira. Refrão

 

  • Na’i dehan: “Ha’u sei subar Ha’u oin ba sira

          No Ha’u sei haré oinsá sira nia loron aban-bainrua,

          Basá, sira otas laran áat nian ida,

          Oan sira be la hatene neon lós. Refrão

 

  •  Sira halo Ha’u hirus tan maromak falso,

          Halo Ha’u laran nakali ho ilas folin laek.

          Ha’u halo sira laran susar hodi sai povo falso,

          Halo sira sai povo ida beik.” Refrão

 

Aclamação                                                                                                                                                                                              Mt. 5. 3

Refrão : Aleluia, Aleluia! Repete-se

                  Ksolok ba sira be kiak iha espírito

                  basá reino Lalehan sira nian. Refrão

 

Evangelho                                                                                                                                                                                     Mt. 19. 16-22

Na’i Jesus Cristo nia Evangelho nu’udar São Mateus haktuir:

Iha tempo neba, mane klosan ida hakbesik ba Jesus hodi dehan hhusu ba Nia: “Mestre, ha’u sei halo buat di’ak sá atu hetan moris rohan laek?” Jesus husu ba nia: “Tansá ó husu Ha’u kona ba buat nebé diak? Ida de’it mak di’ak. Maibe, ó hakarak tama ba moris karik, halo tuir ukunfuan sira ba.” Nia husu fali: “Ukunfuan nebe?” Jesus hatan: “Keta oho, keta sala ho ema nia kaben, keta na’uk, keta foti lia fallso; hamta’uk ó nia aman inan, hadomi ó nia maluk hanesan ó an rasik.” Klosan ne’e dehan ba Nia: “Ha’u halo ona tuir buat ne’e hotu: ha’u sei halo tan saída?” Jesus dehan ba nia: “Ó hakarak sai ema di’ak lolos karik, ba fa’an tiha ó nia sasan hotu hodi fahe ba ema kiak sira, nune’e ó sei hetan rikusoi iha lalehan; hafoin mai tuir Ha’u.”

Rona tiha lia hirak ne’e, mane klosan fila ho neon nakraik, basá nia iha rikusoi barak.

Lia Maksoyn.

Leave a Reply

Your email address will not be published. Required fields are marked *