shadow
Diocese de Dili > NOTÍCIAS > Notícias > SIGARU HAMATE ISIN-TOLOK HAMATE KLAMAR

SIGARU HAMATE ISIN-TOLOK HAMATE KLAMAR

DCDD, Hare ba realidade moris família ohin loron nian ho situação globalização, acontece buat oi-oin ne’ebe precisa matan moris ho matan fiar Cristão nian. Liu husi missa encerramento Cruz Jovem nian ao mesmo tenpo festa Bodas de Ouro Paróquia São Francisco Xavier Dare sábado loron 18 fulan Agosto 2018, D. Virgilio do Carmo da Silva bispo de Dili Convida família no foinsae sira hotu atu promove cultura ida respeita no hadomi malu, no buka atu conbate hasoru buat at sira ne’ebe oras ne’e buras dau-daun iha ita nia família, iha ita nia sociadade no buras iha ita nia le’et. Tan ne’e D. Virgilio do Carmo da Silva hateten, Ha’u convida imi hotu atu dehan Lae ba liafuan tolok. Ha’u lao ba fatin-fatin ema sempre lamenta mai ha’u, amo tanba sa mak liafuan tolok ne’e sai tiha bai-bain, hanesan los tiha ona pasword ida iha timoroan ninia diálogo, ninia comunicação. Ita timoroan balun wainhiran la tolok ne’e ita liafuan laiha, maibe tolok ona ne’e liafuan barak, loron tomak halo discurço mos liafuan la hotu.

D. Virgilio do Carmo da Silva reforça tan katak, Tolok ne’e laos cultura timor ninian, laos mos cultura sarani ninian. Tolok ne’e ba ita sarani sala contra caridade, tanba ita hakanek ema ida nia fuan. Tan ne’e mak ba ha’u tinan ida ne’e ho cruz jovem hakarak mos atu husu ba família hotu liu-liu família sarani hotu ne’ebe participa iha ne’e, atu presença cruz jovem nia ne’e atu ita mos bele dehan; Lae ba Tolok! Hanesan ema halo promoção dehan nune’e sigaru lolon ida oho ema nia isin, hau mos hakarak dehan Tolok oho ema nia klamar. Nu’udar sarani ita koko tau iha ita nia fuan dehan Lae ba liafuan a’at sira, evita liafuan a’at husi ita nia ibun. (ALIN)

Leave a Reply

Your email address will not be published. Required fields are marked *