shadow
Diocese de Dili > NOTÍCIAS > Notícias > Tuir Cristo Hetan Salvação

Tuir Cristo Hetan Salvação

DCDD, Jovem sira ohin loron ne’ebe iha vontade tuir cruz ne’e atu comprende katak, sinal ida ne’e mai husi sentido ida. Ita labele hare cruz por cruz de’it, maibe cruz ida ne’e iha nia sentido ne’ebe klean katak, tuir Cristo ita hetan salvação, hetan esperança, dehan Sr. Amandio Mendonça iha mini Estúdio RTK Maloa Ailok-Laran Dili. (15/08/2018).

Sr. Amandio Mendonça hateten tan, Cruz nia presença ne’e atu hatudu ema hot-hotu iha unidade liu-liu jovem sira, tanba ne’e mak bolu CRUZ JOVEM ou PASCOA JOVEM atu unifica jovem hot-hotu, mesmo que hirak ne’ebe iha loron bai-let la tama igreja maibe enquanto iha evento cruz ne’e hot-hotu participa. Ida ne’e hatudu sinal unidade, iha mos amizade ba malu tanba ne’e maka princípio ne’ebe jovem sira tem que kaer metin, liu-liu jovem sira atu tau iha vida responsabilidade, sai jovem ne’ebe responsável ba kna’ar ne’ebe nia simu.

Sr. Amandio Mendonça hateten katak situação ohin loron ne’e jovem sira maioria anima ba cruz ne’e sei iha nafatin, maibe laos ona hanesan involvimento maka’as nian, maibe Ita hare menos. Tan ne’e mak ita hare paróquia sira dala ruma involve ne’e careta ida ou rua mak participa, maibe uluk cada município mai participa ne’e mais ou menos careta 30 ou 40 tal hanesan ne’e, maibe razão mak ne’e; uluk iha único atividante fiar nian ne’ebe bele unifica jovem sira, nem governo Indonesia, nem governação sira iha Timor mos la halo buat ida só uma creda deit mak hamrik atu anima, atu organisa jovem sira tanba ne’e mak ema hot-hotu antusiasmo hakarak atu participa hodi expressa sira nia fiar, expressa sira nia sentimento política iha momento balun. Jovem sira ohin loron sira prefere liu involve iha atividades sira ne’ebe material nian.

Sr. Amandio Mendonça hatutan tan katak, Uluk ami quase congresso iha nível nacional halo mos congresso iha nível paróquia ne’ebe estrutura jovem iha paróquia nakonu teb-tebes, mas ohin iha paróquia sira quando ami iha comissão pastoral diocese nian quando ita ba paróquia sira ita husu jovem sira iha ka lae sira dehan jovem laiha. Ne’e tanba estrutura jovem sira iha paróquia laiha, então ida ne’e mos razão ida.

Além ne’e Sr. Amandio Mendonça mos hato’o nia Mensagem ba foin sa’e sira katak, buka haka’as an iha eventos sira ne’ebe iha paróquia ka visita cruz ne’ebe iha paróquia, aproveita ocasião ne’e hamoris fila fali unidade ida ne’ebe mak uluk iha ona katak, jovem mak futuro ba creda no nação iha situação hot-hotu, laos katak ita ba selebra rame-rame de’it maibe durante semana ida tomak iha paróquia ne’e sempre prienche ho atividade sira ho objetivo atu treino sira oinsa atu sai lider ho sentido katak atu simu responsabilidade. Tanba ne’e mak principio jovem tem que iha unidade ba malu hodi hakat liu descriminação sira. (Marta)

Leave a Reply

Your email address will not be published. Required fields are marked *