shadow
Diocese de Dili > NOTÍCIAS > LETURA DIÁRIA > Quarta-Feira, XXI Semana Tempo Comum (Ano B)

Quarta-Feira, XXI Semana Tempo Comum (Ano B)

Primeira Leitura                               2Tes. 3. 6-10, 16-18

Lia housi São Paulo nia segunda Surat ba sarani sira iha Tessalónica

Maun-alin sira, iha Na’i Jesus Cristo nia naran, ami haruka imi atu hadook an housi maun-alin sira nebe lakohi serbisu eh atu moris tuir lisan nebe ami hato’o ona ba imi.

Imi hatene ona oin sá imi sei banati tuir ami; uanhira ami sei hela ho imi, ami la halimar de’it, uanhira ami han iha ema nia mesa, ami selu, maibe ami serbisu kalan loron, hodi kosar metan no haka’as an, atu la bele fó todan ba ema ruma. Ne’e la’os tanba ami la iha direito, maibe atu ami bele sai exemplo ida nebe imi bele banati tuir. Uanhira ami sei hela ho imi, ami fó ukunfuan ida ba imi: ema ruma lakohi serbisu karik, keta fó han ba nia.

Na’i dame nian rasik haraik dame ba imi iha tempo hot-hotu no ida dalan oi-oin. Na’i hela ho imi.

Ha’u, Paulo, hakerek lia fuan cumprimento nian sira ne’e ho ha’u nia liman rasik. Ne’e mak sinal nebe hatudu iha ha’u nia surat hot-hotu katak nia mai duni housi ha’u; ha’u hakerek nune’e. Na’i Jesus Cristo nia graça hela ho imi hotu.

Maromak Futar Lia.

 

Salmo Responsorial                                                                                                                                                         Sal. 127(128). 1-2, 4-5 (R. cf. 1a)

Refrão : Ksolok ba sira be hamta’uk Na’i!!! Repete-se

 

  • Ksolok ba sira be hamta’uk Na’i,

          Hodi la’o tuir nia dalan!

          Housi ó nia liman nia kole mak ó han,

          Ó sei haksolok hodi moris di’ak. Refrão

 

  • Nune’e, ema be hamta’uk Na’i simu bensa,

          Na’i haraik bensa ba ó housi foho Sião.

          Ó bele haré  Jerusalém be buras

          Iha ó nia moris tomak. Refrão.

 

Aclamação                                                                                                                                                                                                                      1Jo. 2. 5

Refrão : Aleluia, Aleluia! Repete-se

                  Ema ruma halo tuir Cristo nia liafuan karik,

                  Maromak nia domin sai tuir lolós iha nia. Refrão

 

Evangelho                                                                                                                                                                                                             Mt. 23. 27-32

† Na’i Jesus Cristo nia Evangelho nu’udar São Mateus haktuir:

Iha tempo neba, Jesus hateten nune’e: “Susar ba imi, escriba no fariseu sira, laran makerek! Imi hanesan rate sira nebe pinta mutin, furak iha liur, maibe iha laran nakonu ho mate ruin no buat dodok oi-oin. Nune’e mós imi nebe ema haré mós iha liur maibe iha laran nakonu ho lia bosok no hahalok áat. Susar ba imi, escriba no faaariseu sira, laran makerek, basá imi hada rate ba profeta sira hodi hafutar ho buat kmanek ema di’ak sira nia rate dehan: ‘ita moris karik iha ita bei ala sira nia tempo, ita liman la fo’er hanesan sira nian ho profeta sira nia ran’. Nune’e imi hatudu katak imi ema sira nebe oho profeta sira nia bei oan ! Ne’e duni, imi halo to’o rohan buat nebe imi nia bei ala sira hahu!”.

Lia Maksoyn.

Leave a Reply

Your email address will not be published. Required fields are marked *