shadow
Diocese de Dili > NOTÍCIAS > LETURA DIÁRIA > Terça-Feira, XXI Semana Iha Tempo Comum (ANO B)

Terça-Feira, XXI Semana Iha Tempo Comum (ANO B)

Primeira Leitura                                                                                                             2Tes. 2. 1-3ª, 14-17

Lia housi São Paulo nia segunda Surat ba sarani sira iha Tessalónica

Maun-alin sira, kona ba ita Na’i Jesus Cristo nia hi’it An mai, no ita nia halibur malu ho Nia, imi keta laran taridu lalais eh ta’uk tanba “espírito” ka lia anin ruma ka surat ruma nebé, ema dehan, housi ami, hodi hateten katak Na’i nia loron to’o ona mai. Keta husik ema bosok imi nune’e.

Housi Evangelho nebé ami lori, Nia bolu imi ba ida ne’e atu imi bele simu ita Na’i Jesus Cristo nia glória. Ne’e duni, laran metin ba, maun alin sira, no káer metin lisan nebé, ho liafuan housi ami nia ibun eh housi surat, ami hanourin tiha ba imi.

Ita Na’i Jesus Cristo rasik, no Maromak, ita Aman, nebé hadomi ita no haraik tiha mai ita ksolok rohan laek no esperança lolós housi graça, fó ksolok ba imi nia fuan no hametin imi iha buat hotu nebé imi halo eh ko’alia.

Maromak Futar Lia.

 

Salmo Responsorial                                                                                                                                                        Sal. 95(96). 10, 11-12, 13 (R. 13b)

Refrão : Na’i mai atu tesi lia ba mundo!!! Repete-se

 

  • Haklaken ba povo hot-hotu: ‘Na’i mak Liurai’.

           Nia hari mundo metin, sei la nakdoko,

           Na’i ukun povo hotu ho justiça. Refrão

 

  • Lalehan haksolok ba, rai hananu ho ksolok ba,

          Tasi no buat hotu iha tasi laran;

          Rai luan ho buat moris tomak iha nia, haksolok,

          Bidu ho ksolok ai sira iha ailaran. Refrão

 

  • Iha Na’i be sei hi’it-an mai Nia futar oin,

          Nia mai tesi lia ba rai,

          Nia tesi lia ba mundo ho justiça,

          No ba Ninia povo hotu hanesan. Refrão

 

Aclamação                                                                                                                                                                                                                   Heb. 4-12

Refrão : Aleluia, Aleluia! Repete-se

                  Maromak Nia liafuan moris no book maka’as, bele hatene lolós buat nebé,

                  Ema hanoin no hakarak iha nia fuan. Refrão

 

Evangelho                                                                                                                                                                                                            Mt. 23. 23-26

Na’i Jesus Cristo nia Evangelho nu’udar São Mateus haktuir:

Iha tempo neba, Jesus hateten nune’e: Susar ba imi, escriba no fariseu sira, laran makerek! Imi selu du’ut morin sira nia imposto hodi tau ba kotuk buat hirak nebé boot liu iha ukunfuan: justiça, laran luak no fiar metin. Tuir lolós, imi sei halo tuir buat hirak ne’e hodi heuwai buat seluk. Imi matadalan matan delek siraba ema matan delek sira. Imi tais susuk maibé tolan kuda camelo!

Susar ba imi, escriba no fariseu sira, laran makerek! Imi hamos copo no bikan sira housi liur, maibé iha laran, sira nakonuk ho na’uk no buat fo’er. Fariseu matan delek sira, hamos uluk copo no bikan laran ba atu bele sai mós iha liur.

Lia Maksoyn.

Leave a Reply

Your email address will not be published. Required fields are marked *