shadow
Diocese de Dili > NOTÍCIAS > LETURA DIÁRIA > Quinta-Feira, XXI Semana Tempo Comum (ANO B)

Quinta-Feira, XXI Semana Tempo Comum (ANO B)

Primeira Leitura                    1Cor. 1. 1-9

Lia housi São Paulo nia segunda Surat ba sarani sira iha Corinto.

Paulo, nebe bolu tiha atu sai Cristo Jesus nia Apóstolo tan Maromak nia hakarak, no ami nia alin Sóstenes, ba Maromak nia Kreda iha Corinto, ba imi hotu nebe sai santo ona iha Cristo Jesus, nebe Maromak bolu atu sai santo, hamutuk ho sira hotu iha fatin hot-hotu nebe bolu ita Na’i Jesus Cristo nia naran; sira nia Na’i no ita nian Kmanek no dame ba imi hotu, housi Maromak, ita Aman no housi Na’i Jesus Cristo.

Ha’u fó agradece nafatin ba Maromak tan imi, tan Maromak nia graça nebe haraik tiha ba imi iha Cristo Jesus. Iha Nia, imi sai riku iha buat hotu ho liafuan no matenek, uanhira sasin ba Cristo sai metin iha imi. Nune’e imi la kuran graça espiritual ida uanhira imi hein daudaun Ita Na’i Jesus Cristo mosu mai. Nia sei halo imi laran metin to’o rohan no sala laek iha Na’i Jesus Cristo nia loron. Maromak la bosok no Nia bolu imi atu sai nia Oan, Jesus Cristo, ita Na’i nia maluk.

Maromak Futar Lia.

 

Salmo Responsorial                                                                                                                                               Sal. 144(145). 2-3, 4-5, 6-7 (R. cf. 1b)

Refrão : Na’i, ha’u sei hahi nafatin Ita naran!!! Repete-se

 

  • Ha’u hana’i Ita kalan loron,

          Hahi nafatin Ita naran.

          Maromak boot, sei hahi didi’ak,

          Nia beran la nahas. Refrão

 

  • Otas ida saran ba otas seluk

          Ita hahalok kmanek  sira;

          Sira hahi Ita beran nia glória

          Hodi haklaken nafatin Ita kmanek. Refrão

 

  • Sira fó sai Ita biit ua’in be hamta’uk,

          Sira haktuir Ita Nia hahalok kmanek ua’in;

          Sira haklaken Ita Nia laran di’ak kmanek

          no hahi Ita justiça. Refrão

 

Aclamação                                                                                                                                                                                                        Mt. 24. 42ª, 44

Refrão : Aleluia, Aleluia! Repete-se

                 Imi matan moris neon na’in ba basá

                  iha oras nebe imi la hanoin hetan mak  Mane Maksoyn  sei mai. Refrão

 

Evangelho                                                                                                                                                                                                             Mt. 24. 42-51

† Na’i Jesus Cristo nia Evangelho nu’udar São Mateus haktuir:

Iha tempo neba, Jesus hateten ba escolante sira: “Ne’e duni, matan moris ba basá imi la hatene iha loron nebe mak imi nia Na’i hi’it  An mai. Hatene ba ida ne’e: uma na’in hatene karik tuku hira ahuna’in sei mai, nia sei matan moris no sei la husik sobu nia uma. Tan ne’e imi mós matan moris ba, basá imi la hatene iha sá oras Oan Mane sei mai.”

“Ne’e duni, se lós mak emar laran metin no matenek nebe na’i haruka atu tau matan ba nia atan sira hodi fó han sira iha tempo lolós? Ksolok ba atan nebe, uanhira na’i fila mai, nia sei hetan nia badinas nune’e. Tebes, Ha’u dehan ba imi katak Na’i sei tau nia rikusoi tomak iha nia liman. Maibe, emar áat ne’e dehan karik ba nia an: ‘Ha’u nia Na’i sei tarda tan,’ no baku nia maluk sira hodi han no hemu ho lanuten sira; atan ne’e nia Na’i sei mai iha loron nebe nia la hein no iha oras nebe nia la hatene. Na’i sei fó kastigu todan ba nia hodi tau nia hamutuk ho ema laran makerek sira; iha neba ema sei tanis no ruun nehan.”

Lia Maksoyn.

Leave a Reply

Your email address will not be published. Required fields are marked *