shadow
Diocese de Dili > NOTÍCIAS > REFLEXÃO > JESUS ANTI FORMALISMO

JESUS ANTI FORMALISMO

LEITURA & REFLEXÃO DOMINGO COMUM XXII/Ano B/2018

Deut 4,1-2.6-8  Ti 1,17-18.21b-22.27  Mc 7,1-8.14-15.21-23

 

Primeira Leitura             Deut. 4, 1-2. 6-8

Lia housi livro Deuteronómio:

Iha loron hirak nebá, Moisés ko’alia ba povo, dehan: “Israel oan sira: oras ne’e imi sei rona lia-fuan no ukun-fuan nebé ohin ha’u hanorin ba imi. Imi sei halo tuir lia-fuan no ukun-fuan hirak ne’e, atu imi bele la’o to’o ba rai nebé imi nia bei-ala sira nia Maromak, sei haraik ba imi. Imi la bele tau tan buat ida ba lia hirak nebé ha’u fo sai ba imi; lia oan ida mos imi la bele hasai; imi sei halo tuir lolós Na’i, imi nia Maromak. Nia ukun-fuan, nu’udar ha’u fo hatene sai ona. Imi sei haré, imi sei halo tuir ukun fuan hirak ne’e, basá, nune’e, imi hatudu imi nia matenek, imi nia ulun mamar ba nação sira seluk. Nação hirak ne’e, rona tiha ukun-fuan hirak ne’e, sei hateten: ‘Tebes nação boot ne’e matenek no ulun mamar liu’. lós duni, la iha nação ida mak iha Maromak hanesan NA’i, ita nia Maromak; ita nia Maromak rona nafatin ita, wainhira ita harohan ba Nia. Nação boot ne’e mak iha lia-fuan no ukun fuan lós tebes, hanesan ukun-fuan lós tebes, hanesan ukun-fuan ida ne’e, nebé ohin ha’u fo sai ba imi?”

Maromak Futar Lia.

 

Salmo Responsorial                                                                                                                                                                                Sal. 14 (15), 2. 3. 4.5

Refrão : Na’i ema sée horik iha Ita uman? Repete-se

 

  • Horik iha Maromak uman

          Ema nebé buka moris di’ak,

          Nia hahalok la’o tuir justiça,

          Nia neon hanoin lialós. Refrão

 

  • Ema nebé la duun- matak,

          La fo terus nia maun-alin,

          La halo áat nia maluk. Refrão

 

  • Ema nebé haksi’ak ema aat,

          Hahí ema nebé hamta’uk Maromak,

          La haluhan nia juramento. Refrão

 

  • Ema nebé empresta nia osan la ho funan

          La simu atu halo áat ema nebé la sala

          Ema ne’e sei la hetan susar. Refrão

 

Segunda Leitura                                                                                                                                                                               Tg. 1, 17-18. 21b-22. 27

Lia housi São Tiago Nia Surat:

Maun-alin sira: Buat ksolok no kmanek tomak mai housi leten, tun mai housi naroman hun, mai housi Ida nebé laós ohin oin ida, aban oin seluk; ita la hetan iha Nia, buat ida la metin. Tan Nia rasik hakarak, mak Nia haki’ak ita hodi lialós, atu ita sai Nia buat moris tomak nia ulun. Ne’e duni, ho laran maus, simu lia-fuan moris nian iha imi laran. Lia-fuan ida ne’e mak bele soy imi klamar. Imi bukaa moris tuir lia-fuan, keta rona de’it, hodi bosok imi-an rasik. Religião lolós nian, fo’er laek, iha ita Aman Maromak futar oin, mak ida ne’e: ‘tau matan ba oan-ki’ak sira no feto faluk sira iha sira nia susar laran, la fo laran ba mundo nia áat.

Maromak Futar Lia.

 

Aclamação                                                                                                                                                                                                                      Tg. 1, 18

Reftrão : Aleluia, Aleluia!! Repete-se

                    Hodi lialós, Aman Maromak hakarak haraik moris mai ita,

                    atu ita sai nia criatura tomak ulun. Refrão

 

Evangelho                                                                                                                                                                                        Mc. 7, 1-8ª. 14-16. 21-23

Na’i Jesus Cristo nia Evangelho nu’udar São Marcos haktuir:

Iha tempo nebá, ema escriba no fariseu balun, mai housi Jerusalém, hale’u hela Jesus. Sira haré katak Jesus nia Escolante sira, barak han ho liman fo’er, katak la dauk fase. Tebes, ema fariseu no judeu sira hotu la bele han, wainhira sira la dauk fase didi’ak sira liman, tuir lisan bein sira nian. Sira fila tiha mai uma, la tur  atu han, wainhira sira la fase-an tiha, tuir sira lisan. Sira moris  tuir tan, lisan fariseu, tan de’it lisan bein sira nian, hanesan: fase copu, fase buli, solur sanan riti… Tan ne’e, fariseu no escriba sira, husu ba Jesus, “Tan sá Ó nia Escolante sira la tuir bein sira nia lisan, maibé, sira han ho liman fo’er?” Jesus lia tun ba sira: “Imi mesak laran makerek tanan-tanan. Profeta Isaías ko’alia lós duni kona ba imi, wainhira nia hakerek , dehan: ‘Povo ida ne’e hana’i Ha’u ho de’it ibun tutun, maibé, nia laran do’ok lós housi Ha’u! Sira hahi Ha’u leet de’it. Doutrina sira hanourin, mesak ema nia lia-fuan de’it.’ Imi la tuir liu Maromak nia Lia-fuan”. Jesus bolu hikas fali povo, hodi dehan: “Imi se’e tilun mai, atu rona hodi hatene didi’ak:  La iha buat ida iha liur nebé tama hodi halo fo’er ema laran. Buat nebé sai housi ema laran mak hafo’er ema. Basá, housi ema nia laran mak sai hanoin áat: katak, sala fo’er, na’ok, liman mean, soe biti kluni, hakarak buat hotu ba an rasik, laran áat, laran makerek, laran metan, laran moras, ibun fo’er, loko-an, la hamta’uk Maromak! Toman áat sira ne’e, mak hafo’er ema”.

Lia Maksoyn.

 

Reflexão

JESUS ANTI FORMALISMO

               Profeta Isaías koalia lós duni kona ba imi, wainhira nia hakerek, dehan: ‘povo ida nee hanai Hau ho deit ibun tutun, maibé, nia laran dook los husi Hau! Sira hahí Hau leet deit. Evangelho Marcos Domingo semana nee, apresenta encontro entre ema fariseu, Escriba sira ho Jesus. Jesus hetan acusação tan husik Ninia escolante sira contra tradição judaica kona ba loron sábado. Iha Evangelho relata katak; Jesus nia escolante sira la fase liman molok han. Afinal costume judeu nian hanorin katak ema hotu molok han tenke fase liman lai, basá, nee costume ida nebe herda desde beiala sira nian. Iha parte ida nee, Jesus acusado contra costume nee tanba la hasé nia escolante sira wainhira la fase liman. 

               Iha moris nee, ita ema sempre necessita matadalan ba moris tanto husi tradição, husi lei eh husi figura ema principal ruma nebe ita bele banati tuir ninia lalaok ba ita nia moris rasik. Afinal lalaok nee mos vale ba iha moris religiosa nian (kehidupan rohani) por exemplo; ita halo sinal da Cruz molok han, molok ba toba, molok halao viagem ruma, molok ba serviço, nst. Além de nee, iha mos regra atu ita ba Igreja participa Eucaristia, ba tuir encontro ruma, nst, lalaok hirak nee hotu necessita mos regra ruma hodi condus.

Buat hirak nee hotu importante tebes atu ita nia moris sarani (vida religiosa ou vida social) bele cumpri didiak.

               Jesus naturalmente la contra costume judeu no regra sira nebe estabelece iha altura neba, basá, regra hirak nee necessita duni iha momento neba. Buat nebe Jesus contra mak formalismo, katak; contradição entre hahalok ho consciência. Saida mak ita halo la hanesan ho saida mak ita nia vontade (cosnciência) haruka. Jesus crítica lalaok fariseu sira nian basea ba formalismo ida nee. Sira nia ibun koalia oin seluk, hahalok lao oin seluk.

               Iha relato Evangelho nebe São Marcos relata, fo hanoin mai ita katak; ita precia matan moris-neon nain ba perigo formalismo nebe Jesus contra dadauk tuir Evangelho haktuir. Jesus la concorda ho lalaok formalismo tanba fariseu sira exige ema seluk cumpri costume maibé, sira rasik la halo tuir. Iha parte seluk Jesus hatene didiak katak sira nia fuan eh hahalok la hanesan saida mak costume judeu haruka. Saida mak Fariseu ho escriba sira halo nee la iha sentido ba ema seluk. Formalismo eh Legalismo significa regra no costume nebe tuir los funciona nudar meio hodi lori ema atinge objectivo ida. Jesus deseja liu atu costume sira condus ema nia comportamento (hahalok).

               Lalaok fundamental nebe precisa ita tau iha consideração mak; regra, lei, regulamento, costume nebe consiste ho carácter Divino no humanao. Too ponto ida nee, Maromak nia mandamento precisa tau iha consideração primeira.

               Consequência husi mentalidade nebe sempre negativa ba ema seluk mak ita iha tendência haré ema seluk la diak iha aspecto hothotu. Husi parte cultura, costume, regulamento, ita sempre considera sema seluk la los. Lalaok ida nee mak francamente fariseu ho escriba sira harudu ba Jesus iha sociedade judaica.

Judeu sira haré Jesus liliu iha parte negativa basá, Jesus comporta costume hirak nee diak liu fariseu ho secriba sira no halo ema judeu barak simpatia ba Jesus nia hahalok ho hanorin sira.      

               Infelizmente, sentimento negativa iha âmbito Timor Leste, inclina liu ba vida socio-política. Iha mundo político Timor Leste nian, se mak laos hau nia partidário, se mak laos hau nia aliado política, nia ema la diak. Maske nia iha carisma liderança diak maibé, como nia la tama iha hau nia partido, nia la diak.

               Fariseu siramos considera Jesus inclina liu ba sentido negativo tanba Jesus hanorin povo judeu ho modelo foun nebe halo sira lakon popularidade iha sociedade altura nebá. Iha Timor se político sira halimar bebeik ho sentido negativo ba malu hodi declara ba público katak ami nia partido mak diak liu, ami nia partido mak mos husi corrupção maibé iha sorin seluk povo hatene momos hela katak tanto partido A ka partido B, hotu hotu nakonu ho hahalok mós no hahalok foer.

               Fariseu ho escriba sira hatudu-an hanesan ema nebe cumpri didiak tradição no Lei mOises nian maibé, Jesus hatene momos oinsa sira nia laran foer.

               Lalaok no comportamento moris nebe inclina liu ba hahalok liur nian, depende deit ba regra sira, dalabarak contradiz ho Maromak nia vontade. Ba Maromak, Mandamento nebe boot liu mak Domin. Ba ida nee, Jesus hatete, Hau fo ba imi Mandmento Foun, imi sei hadomi malu nudar Hau hadomi imi. Jesus haré katak costume nebe fariseu sira halao halo povo la moris tuir sira nia consciência maibé, sira moris tuir fali lei nia controlo nebe fariseu sira mak controla. Maromak deseja liu katak ema precisa hadomi malu nudar Maromak nia ilas. Maromak mos hatudu dalan atu ema cumpri mandamento hirak nee no keta koko atu contra ordem hirak nee basá, Maromak hakarak ema hotu hetan salvação. Atu hakatk too salvação nee, ema precisa moris tuir Maromak nia vontade, laos moris tuir fali regra ema nian.

               Ho relato Evangelho nebe São Marcos ható, laos atu hanorin ita oinsa contra no halakon ita nia lisan, costume no clutra sira maibé, apesar de costume hirak nee hotu, bele conduz ita conhece no besil liu ba Maromak. Assim Seja

Leave a Reply

Your email address will not be published. Required fields are marked *