shadow
Diocese de Dili > NOTÍCIAS > LETURA DIÁRIA > Sexta-Feira, XXII Semana Tempo Comum (Ano B)

Sexta-Feira, XXII Semana Tempo Comum (Ano B)

Primeira Leitura                          1Cor.  4. 1-5

Lia housi São Paulo nia primeira Surat ba sarani sira iha Corinto.

Maun alin sira: Imi tenki haré ami nu’udar Cristo nia atan no ema nebe tau matan ba Maromak nia mistério. Tebes duni; se mak tau matan tenki sai ema nebe bele fiar. Maibe mai ha’u, imi ka ema nia tribunal naran de’it tesi lia mai ha’u, ne’e la halo buat ida; ha’u la tesi lia ba ha’u nia an rasik; ha’u laran la hetan sala ida hasouru ha’u, maibe ne’e la dehan katak ha’u lós ona; ida nebe tesi lia mai ha’u mak Na’i rasik. Ne’e duni, keta tesi lia molok nia tempo lolós; molok Na’i hi’it an mai, basá Nia mak sei leno buat nebe subar iha nakukun laran no sei hatudu hanoin sira iha ema nia laran, no iha loron neba ema ida-idak sei simu lia hahi nian housi Maromak.

Maromak Futar Lia.

 

Salmo Responsorial                                                                                                                                Sal. 36(37). 3-4, 5-6, 27-28, 39-40ac (R. 39ª)

Refrão : Ema justo nia maksoin mai housi Na’i!!! Repete-se

             

  • Tau laran metin iha Na’i hodi halo di’ak,

           Ó sei hôrik hakmatek iha rai.

           Tau iha Na’i ó nia ksolok,

           Nia sei haraik ba ó, ó fuan nia hakaran. Refrão

 

  • Saran ba Na’i ó nia moris aban-bainrua;

           Hein iha Nia! Na’i sei hatudu dalan ba ó.

           Nia sei halo nabilan ó nia justiça hanesan roman,

           Ó nia direito hanesan loron fahe-rua. Refrão

 

  • Hadook-an housi áat hodi halo buat di’ak,

           Ó sei moris ba nafatin,

           Basá, Na’i hadomi justiça,

            No la husik sira bel laran metin iha Nia. Refrão

 

  • Maksoin ema justo nian mai housi Na’i,

           Nia mak sira subar fatin iha tempo susar;

           Na’i sei tulun sira no souri sira,

            Basá, sira hamahan-an iha Na’i. Refrão

 

Aclamação                                                                                                                                                                                                                     Jo. 8. 12

Reftrão : Aleluia, Aleluia!! Repete-se

                    Nai dehan: Ha’u mundo nia roman; ema sé tuir Ha’u,

                     la la’o iha nakukun, maibe, sei   hetan roman moris nian. Reftrão

 

Evangelho                                                                                                                                                                                                                Lc. 5. 33-35

Na’i Jesus Cristo nia Evangelho nu’udar São Lucas haktuir:

Iha tempo neba, escriba no fariseu sira hateten ba Jesus: “João nia escolante sira hadera an dala barak hodi hamulak. Fariseu  sira nia escolante sira halo mós nune’e. Maibe, Ó nian fali han hemu.” Jesus hatan ba sira: “Imi bele halo noivo nia bainaka sira hadera an uanhira noivo sei hela ho sira. Loron sei to’o mai, uanhira ema sei hasai noivu husi sira; foin mak sira sei hadera an iha loron hirak neba.”

Nia haktuir tan aiknonoik  ida ne’e ba sira: “Ema ida la tesi hatais foun ida atu taka hatais tuan nia kuak; halo nune’e karik, ida foun sei les ida tuan, hena nebe hasai housi ida foun la lós ho hatais tuan. Ema ida la rai hela tua foun iha tua fatin kulit tuan; nia halo nune’e karik, tua foun sei halo fera tua fatin kulit tuan hodi halo tua nakfakar de’it,  no tua fatin kulit sei sai áat. Maibe tua foun sei tau iha tua  fatin kulit foun, no sira rua sei la lakon. La iha ema ida nebe, hemu tiha tua tuan, hakarak hemu tan tua foun, basá nia dehan: ‘Tua tuan mak di’ak.’”

Lia Maksoyn.

Leave a Reply

Your email address will not be published. Required fields are marked *