shadow
Diocese de Dili > NOTÍCIAS > HOMILIA DO BISPO > NATIVIDADE DA VIRGEM SANTA MARIA (Turiskai 8-10-2018)

NATIVIDADE DA VIRGEM SANTA MARIA (Turiskai 8-10-2018)

Ohin Santa Creda celebra loron Natividade Santa Maria nian. Iha chave tolu (3) iha momento Nain Feto nia moris nebe Santa Creda bolu ita nia atensão;1) Momento Imaculada Conceição nian nebe ita celebra iha loron 8 fulan Dezembro, 2) Momento Natividade da Virgem Santa Maria nebe ita celebra iha loron 8 fulan Setembro, no 3) Momento Assunção de Nossa Senhora nebe ita celebra iha loron 15 fulan Agosto.

Saida mak Santa Creda hakarak hanourin mai ita kona ba ida ne’e!

Atu fo hanoin mai ita katak, hahu kedas nia inan Santa Ana kous nia iha nia knotak Na’i Maromak haraik tiha ona ba nia moris Espírito Santo nian. Espírito Santo mak realiza iha Maria incarnação nebe tama iha história hori uluk kedas no lao iha dalan ida nebe naruk. Iha Maria Nazare no liu husi Nia to’o nia Oan Jesus. Tan ne’e laiha razão ba Maria atu laran triste maibe haksolok basá nia haksolok ho Espírito Maromak ninian nebe nia lori iha knananuk Magnificat nian nebe ita rona beibeik “Hau Klamar Haksolok iha Maromak Ha’u Maksoyn”. Tan ne’e wainhira termina nia moris iha rai Maromak foti nia isin no klamar ba Lalehan atu participa iha moris Maromak ninian. Domin boot nebe Na’i Maromak haraik ba Virgem Santa Maria tanba husi kedas hun mai nia destino atu sai mãe do nosso redentor no nia halao knar ida ne’e ho fidelidade tomak to’o rohan.

Maluk doben sira, festa Natividade ne’e laos foin mak mosu mai, maibe festa ida nebe celebra kleur iha Uma Creda. Sarani sira hakarak compara santa Maria nia moris hanesan naroman boot ida mosu molok loron matan sae; Maria mak naroman nee no loromatan mak nia Oan Na’i Jesus Cristo. Natividade santa Maria nian ba mundo hanesan sinal ida Messias ninian moris hun, ida nebe Nia mai mundo hein kleur ona iha tinan rihun resin liuba. Ida nee mak razão ida mai ita atu celebra duni loron boot ida nee depois tinan 2017 nebe laiha criatura ida nebe bele lori, nunee mos laiha criatura ida nebe bele halo buat nebe diak liu ida nee selae nia de’it mak virgem Santa Maria. Hanesan Profeta Mikaias nia dehan belen Éfrata ninian ó ,mak kiik liu iha uma kain Juda, ó mak sei hahoris ha’u, ema ida nebe sei ukun Israel. Dalaruma ita mos hanoin kona ba liurai ida nebe sei mai husi david nia Umakain, Maibe hanesan bai-bain Maromak iha nia dalan rasik, Maromak realiza nia plano dook no boot liu buat nebe ita ema hein no buat nebe ita ema imagina.

Ohin sarani Diocese Dili, Paróquia Turiskai haksolok no sente privilégio ida ne’e tanba grça sacerdócio ninian nebe Na’i Maromak haraik ba Turiskai oan ida maske dala barak ita sente la soi ba ida nee, maibe Nia fihir ita hanesan diácono Gudinho sente ida nee maibe Na’i Maromak nia matan monu ba nia, hadomi nia, husi naromak boot ida nee hamahan nia, husik loromatan ida nee tama laos deit mai amu Gudinho ninian maibe mai ita sarani hotu liu-liu sarani Turiskai atu husik naroman no loromatan nee penetra iha ita nia fuan no laran. Ne’e duni ita hein katak naroman ida nee bele hamanas liu tan foinsae oan sira husi rai Turiskai atu nunee bele continua hanesan lianain sira hateten mehi ba oin nafatin. Ida nee plano Maromak nian, Maromak halo buat nebe dala barak ita mos la imagina. Nee duni ba Maromak laiha buat ida nebe inpossível.

Ohin Profeta mikaias dehan mos Messias nebe sei moris, mai husi feto ran ida nebe sei kous no sei tur ahi Oan Mane ida sei hanaran Emanuel. Virgem husi rai Israel nian katak Zerusalem pura, Imaculada sem mancha maibe mos ida nebe pobre, despresada. Virgem hatudu ida nebe hadomi ho fuan tomak. Virgem indica a pessoa que ama um coração indiviso. Nee duni a virginidade mak símbolo domin total ba Na’i Maromak de’it hanesan São Paulo dehan, hau iha laran moras santo kona ba imi basá hau saran tiha imi ba Cristo nudar fetoran no mos ida ba nia laen. Ida nee mak Nain Feto Maria nia virginidade, nia moris didiak to’o rohan hodi fiel nafatin ba Maromak.

Maluk doben sira, iha festa Natividade Santa Maria ne’e lato’o mai ita atu repete se Espírito nebe penetra iha virgem santa Maria nia fuan la penetra mos iha ita ida-idak nia fuan no laran. Se wainhira ita colabora ho Espírito ida nee mak Maromak sei halo mos buat ida ho ita. Espírito nia papel mak tulun ita atu reconhece ita nia parte nakukun no Espírito nee sai mestre ida atu orienta ita atu admira, contempla kona ba maravilha hotu Na’i Maromak ninian.

Virginidade mak símbolo domin ida nebe total sai sasukat mai ita ida-idak atu avalia ita nia an tuir ita nia compromisso sarani ninian. Amor total ida nee mos sai sasukat mai ita atu avalia domin iha ita nia família laran; oinsa aman no inan nia domin ba oan sira, nunee mos sira nia domin ba malu nudar fen ho laen. Amor total ida nee mos laos hare deit ita nia dever no obrigação sarani nian, maibe mos nudar sidadaun ida.  

Maluk doben sira, ita nia infidelidade hirak nee mak dala barak halo ita sente kona ba ita nia an nunee mos ema seluk hare ita ida nebe los duni pobre, despresado sem vida. Buat hirak nee mak lori ita atu contempla, admira, adora iha Maromak nia oração grandeza, Maromak nia laran diak no simplicidade mai ita ida-idak. Ida nee mak ita bele dehan katak ita nia diácono koko tiha iha tinan hirak nee nia laran hodi moris no lao tuir too ponto ida nia halo conclusão ida nebe nia tau iha nia moto “ Ida nebe bolu ó Fiel”. São Paulo wainhira atu termina nia carta ba Tessalónica nia halo recomendação ida ne’e; ida nebe bolo ó fiel. Nia halo recomendação ba comunidade atu fiel ba ida nebe bolu hodi moris haksolok nafatin basá ksolok mak sinal, ksolok mak caraterística Espírito Maromak ninian iha ita sarani ida-idak nia fuan. Diácono Gudinho iha tinan hirak nee nia laran iha nia formação, oração, viagem sira halo nia sente duni hamrok ba ksolok ida nee. Durante nee nia hatudu duni domin ida nee ba Maromak dehan katak nia buka atu permanence domin ida nebe total. Domin nee mak obriga diácono Gudinho buka ksolok ida nebe los nian. Maromak bolu nia laos tan nia perigo liu maibe tanba nia hadomi, Nia bolu tanba Nia hatene ema nee iha capacidade atu hatan, iha responsabilidade atu colabora, iha capacidade atu dezemvolve bolu ida nee sai tasak liu tan. Tan nee wainhira ita rona kona ba vocação dalabarak ita dehan mistério boot ida fiar ninian tanba protagonista iha vocação nee mak Maromak rasik. Tan nee mai ita harohan liu husi interseção Virgem Maria ninian atu diácono Domingos Gudinho atu nia moris tem que sai duni instrumento Maromak nian ida atu fo nia an tomak hanesan Maria hodi saran nia an tomak ba Uma Creda nia diak no ba sarani nia santidade.

Leave a Reply

Your email address will not be published. Required fields are marked *