shadow
Diocese de Dili > NOTÍCIAS > LETURA DIÁRIA > Terça-Feira, XXIII Semana Tempo Comum (ANO B)

Terça-Feira, XXIII Semana Tempo Comum (ANO B)

Primeira Leitura                     1Cor. 6. 1-11

Lia housi São Paulo nia primeira Surat ba sarani iha Corinto

Maun alin sira: Uainhira imi ida iha buat ruma hasouru maun alin ruma, oin sá imi barani lori nia ba tribunal nebe ema la lós nian, la’os iha tribunal santo sira nian? Imi la hatene katak santo sira mak sei tesi lia ba mundo tomak? Imi sei tesi lia ba mundo karik, imi la to’o atu tesi lia iha tribunal nebe kiik liu? Imi la hatene katak ita sei tesi lia ba anjo sira? Ne’e duni, tansá ita la bele tesi lia kona ba buat nebe moris ne’e nian? Ne’e duni, tansá ita la bele tesi lia kona ba buat nebe moris ne’e nian? ne’e duni iha iha buat ruma karik, tansá imi lori sira ne’e ba juiz nebe ema haré áat liu iha kreda? Ha’u dehan ne’e atu hamoe imi. Imi la iha ema iha imi leet nebe matenek atu bele tesi lia kona ba buat ruma iha maun alin sira leet? Maibe maun ba hasouro alin iha tribunal, no tribunal ne’e gentio sira nian?

Katak imi hasouro malu iha tribunal la di’ak ba imi. Tansá la tahan buat áat? Tansa la husik ema lohi imi? Maibe, imi rasik mak halo áat no lohi ema, no imi halo ida ne’e ba imi nia maun alin rasik. Imi la hatene katak ema áat sei la simu Maromakl nia reino nu’udar liaman rohan? Keta husik ema bosok imi: sira nebe halo sala fo’er ho fetoran, ka adora lulik, ka halo sala foer ho kaben na’in, ka halo sal fo’er ho maluk mane ka maluk feto, ka na’okten, ka karakten, ka lanuten, ka sira nebe konta ema nia vida, ka tama uma atu na’uk sei la simu Maromak nia reino nu’udar liman rohan. Uluk, imi balun hanesan ne’e; maibe ohin imi fase mós ona, imi sai santo ona, imi sai ona ema lós iha Na’i Jesus Cristo nia naran no iha Maromak nia Espírito.

Maromak Futar Lia.

 

Salmo Responsorial                                                                                                                                                      Sal. 149. 1-2, 3-4, 5-6ª, 9b (R. 4ª)

Refrão : Na’i hadomi Nia povo!!! Repete-se

Ou         Aleluia!

 

  • Hananu ba Na’i knananuk foun ida,

          Hahhi Nia, santo sira hotu;

          Israel haksolok iha nia Na’i,

          Sião nia oan sira, iha nia Liurai. Refrão

 

  • Hahi no hana’i Nia futar naran,

          Hananu hamutuk ho Ita Maromak.

          Na’i hadomi Nia Povo!

          Nia sei tau coroa manan nian

          Iha ema sira be haraik-an. Refrão

 

  • Ema laran mós sira nia fuan haksolok,

          Maromak nia sarani sira haksolok ba.

          Tan hahi la mohu iha sira ibun!

          Ida ne’e mak Nia sarani sira nia glória. Refrão

 

Aclamação                                                                                                                                                                                                              cf. Jo. 15. 16

Refrão : Aleluia, Aleluia! Repete-se

                  Ha’u mak hili imi hodi haruka imi ba atu bele fó fuan

                  no imi nia fuan bele hela ba nafatin, Na’i dehan. Refrão

 

Evangelho                                                                                                                                                                                                                Lc. 6. 12-19

Na’i Jesus Cristo nia Evangelho tuir São Lucas

Iha loron hirak neba, Jesus sae ba foho ida atu harohan; kalan tomak Nia harohan ba Maromak. Iha dader, Nia bolu ba nia An escolante sira, hodi fihir housi sira leet na’in sanulu resin rua nebe Nia hanaran ‘Apostolo’ Simão, nebe nia hanaran Pedro, ho nia alin Andrée; Tiago, João, Filipe ho Bartolomeu; Mateus, Tomé; Tiago, Alfeu nia oan; Simão nebe hanaran Zeloso; Judas, Tiago nia oan, no Judas Iscariotes nebe sei saran Nia.

Tun tiha hamutuk ho sira, Jesus tur iha rai tetuk ida. Iha neba escolante barak ho tan ema lubun boot housi rai Judeia tomak, housi Jerusalém no housi tasi ibun Tiro no Sidónia nian, mai atu rona Nia no mós atu hetan isin di’ak housi sira nia moras no sira nebe espírito fo’er sira book, no sira hotu hetan di’ak. Sira hotu buka atu kona Nia, basá biit sai housi Nia hodi fó isin di’ak ba sira hotu.

Lia maksoyn.

Leave a Reply

Your email address will not be published. Required fields are marked *