shadow
Diocese de Dili > NOTÍCIAS > LETURA DIÁRIA > Quarta-Feira, XXIII Semana Tempo Comum (ANO B)

Quarta-Feira, XXIII Semana Tempo Comum (ANO B)

Primeira Leitura               1Cor. 7. 25-31   

Lia housi São Paulo nia primeira Surat ba sarani sira iha Corinto  

Maun alin sira: Kona ba feto klosan sira nebe la kabén, ha’u seidauk simu ukun fuan ruma housi Na’i. Maibe, ha’u bele fó conselho ruma tan Na’i nia laran-luak haraik biit mai ha’u. Ne’e duni, ha’u hanoin kona ba buat nebe di’ak ba klosan sira, tanba susar tempo ne’e nian. di’ak liu ba ema, hela nafatin hanesan nia hela oras ne’e. Ó kabén ona? Keta buka hakaetak-an housi nia. Ó seidauk kabén? Keta buka haketak-an housi nia. Ó seidauk káben? Keta káben. Maibe, ó káben karik, ó la sala; feto foin sa’e kabén karik, mós la sala. Maibe, sira ne’e sei koko mundo nia lala’ok sira, Ha’u hakarak atu hadook imi housi lala’ok mundo nian.

Maun alin sira: Buat ha’u hateten ba imi katak tempo badak hela. Houri loron ba oin, ema sira ne’ebe kabén moris hanesan la káben; sira nebe tanis, hanesan la tanis; sira nebe haksolok, hanesan la haksolok; sira nebe sosa, haesan sira la iha riku soi; sira nebe fila liman ho buat mundo nian, hanesan la fila liman. Basá, mundo ida ne’e liu lalais dadaun.

Maromak Futar Lia.

 

Salmo Responsorial                                                                                                                                      Sal. 44(45). 11-12, 14-15, 16-17 (R. cf. 11ª)

Refrão :  Rona hodi hakru’uk iha Na’i Nia oin!!! Repete-se    

 

  • Ha’u oan, feto rona ba, haré didi’ak ba,

          Haluha ó nia povo no ó aman nia uma;

          Liurai haksolok ho ó nia kmo’ok,

          Nia mak ó Na’i, hakru’uk iha Nia oin. Refrão

 

  • Liurai oan feto tama, oin kmo’ok no kmanek,

          Hafutar-an ho mor’teen no murak.

          Sira lori nia ba liurai nia oin,

          Fetora be nia belun tuir nia. Refrão

 

  • Ho ksolok no ho laran badinas,

          Sira tama iha liurai nia kadunan.

          Ó oan sira sei hela iha ó aman sira fatin,

          Ó sei halo sira  liurai oan iha rai tomak. Refrão      

 

Aclamção

Refrão : Aleluia, Aleluia!! Repete-se   

                  Na’i dehan, imi haksolok ba,

                  basá imi nia kolen ua’in tebes iha lalehan. Refrão

 

Evangelho                                                                                                                                                                                                               Lc. 6. 20-26

Na’i Jesus Cristo nia Evangelho tuir São Lucas 

Iha tempo neba, Jesus foti tiha matan ba nia escolante sira, nia dehan: “Ksolok ba sira nebe kiak, basá Maromak nia reino imi nian. Ksolok ba sira ohin nebe hamlaha, basá imi sei bosu. Ksolok ba sira nebe ohin tanis, basá imi sei hamnasa. Ksolok ba imi, uainhira ema hirus imi, uainhira ema duni sai imi, hotar  imi, heuuai imi nia naran hanesan buat áat, tan de’it Oan Mane. Iha loron neba, haksolok ba hodi haksoit ho laran ksolok, basá imi nia kolen boot tebes iha lalehan. Nune’e mak sira nia aman sira halo ba profeta sira. Maibe susar ba imi nebe ohin hamnasa, basá imi sei halerik no tanis. Susar ba imi, uainhira ema hotu ko’alia di’ak kona ba imi, basá imi nia bei ala sira halo mós nune’e ba profeta falso sira.”

Lia Maksoyn.

Leave a Reply

Your email address will not be published. Required fields are marked *