shadow
Diocese de Dili > NOTÍCIAS > LETURA DIÁRIA > Quinta-Feira, XXIII Semana Tempo Comum (ANO B)

Quinta-Feira, XXIII Semana Tempo Comum (ANO B)

Primeira Leitura        1 Cor. 8. 1b-7, 11-13

Lia housi São Paulo nia primeira Surat ba sarani sira iha Corinto   

 Maun alin sira: Matenek halo ita loko an, maibe domin hari. Ema hanoin karik katak nia hatene buat ruma, nia seidauk hatene nu’udar nia tenki hatene. Maibe hadomi Maromak karik, Maromak hatene nia.

Ne’e duni, kona ba ha naan nebe saran tiha ona ba lulik, ita hatene katak “la iha lulik iha mundo,” no katak “iha Maromak mesak ida de’it.” Tebes duni, maski iha buat nebe ema hanaran lulik iha lalehan no iha rai; iha duni “lulik” barak no “na’i” barak; maibe mai ita iha Maromak mesak ida de’it, Jesus Cristo, liu housi Nia buat hotu mosu no liu housi Nia ita hotu mosu.

Maibe la’os ema hotu iha matenek ida ne’e. Iha balun nebe toman ona atu adora lulik to ohin loron, nune’e uainhira sira han naan nebe saran tiha ona ba lulik sira, sira laran nebe biit laek sai fo’er tiha.

Nune’e, housi imi nia matenek, imi lori ema nebe biit laek atu la hetan maksoin, imi nia maun alin nebe tan nia Cristo mate. Uainhira imi halo sala nune’e hasouru imi nia maun alin nebe no hakanek sira nia laran, sira biit laek ona, imi halo sala hasouru Cristo. Ne’e duni, aihan halo ha’u nia maun alin sal karik, ha’u sei la han naan liu tan, atu ha’u la bele lori ha’u nia maun alin ba sala.

Maromak Futar Lia.  

 

Salmo Responsorial                                                                                                                              Sal. 138 (139). 1-2, 3b, 13-14ab, 23-24 (R. 24b)

Refrão : NA’i, lori ha’u housi dalan rohan laek!!! Repete-se

 

  • Na’i, Ita hatene ha’u laran tomak,

          Ita hatene uainhira ha’u toba no hader;

          Housi dook Ita hatene  ha’u hanoin,

          Ita haré ha’u nia hakat hotu. Refrão

 

  • Na’i,  Ita mak halo ha’u moris,

          Halo ha’u moris iha ha’u inan nia knotak.

          Ha’u agradece Itaboot,

          Tan Ita hahalok sira kmanek tebes. Refrão

 

  • Na’i, buka ba, hodi hatene ha’u fuan,

          Haré borus ba, ha’u nia hanoin hotu;

          Haré ba, atu ha’u la la’o sala dalan,

          Lori ha’u housi dalan rohan laek. Refrão

 

Aclamação                                                                                                                                                                                                                   1 Jo. 4. 12

Refrão : Aleluia, Aleluia! Repete-se

                  Ita hadomi malu karik Maromak hôrik ho ita no

                  Nia domin sai tuir lolós iha ita. Refrão

 

Evangelho                                                                                                                                                                                                                Lc. 6. 27-38

Na’i Jesus Cristo nia Evangelho nu’udar São Lucas haktuir:

Iha tempo neba, Jesus lia tun ba nia escolante sira nune’e: “Ha’u dehan ba imi sira nebe hirus imi; fó nia funu baluk sira, halo di’ak ba sira nebe hirus imi, harohan ba sira nebe ko’alia áat imi; ba ida nebe basá ó nia hasan ida, fó tan ó nia hasan seluk: ba ida nebe hadau ó nia unuk, fó tan ó nia hatais; ba ida anebe husu buat ruma, fó ba; ba ida nebe hola ó nia sasan sira, keta husu fali. Nu’udar imi hkarak ema halo ba imia, halo mós nune’e ba sira. Imi hadomi karik sira nebe hadomi imi, imi soi sáida? Ema maksalak sira mós hadomi sira nebe hadomi sira. Imi halo diak karik ba sira de’it nebe halo di’ak ba imi, imi soi di’ak sá? Ema maksalak sira mós halo nune’e. Imi impresta de’it karik ba ema nebe imi hein atu simu fali, imi soi sáida?ema maksalak sira mós impresta, hodi hein atu simu fali nia folin. Maibe hadomi imi nia funu baluk sira ba; halo di’ak no impresta hodi la hein atu simu fali buat ida. Nune’e imi nia kolen sei sai boot teb-tebes: imi sei sai Na’i aas liu hotu nia oan, basá Nia laran di’ak ba ema áat no ema laran áat sira.

Buka sai ema laran luak hanesan imi Aman laran luak. Keta hanoin áat ema, no ema sei la hanoin áat imi; keta duu matak ema, no ema sei la duu matak imi; Fó perdua ba, no imi sei hetan perdua. Fó ba, no imi sei simu; ema sei tau ba imi nia liman buat di’ak barak, hanesan tun, doko tan to naresin. Basá imi sura oin sá ba ema, nune’e mós ema sei sura ba imi.”

Lia maksoyn.

Leave a Reply

Your email address will not be published. Required fields are marked *