shadow
Diocese de Dili > NOTÍCIAS > Notícias > COMUNICAÇÃO LADIAK HAMOSU DEZASTRE NO VIOLÊNCIA

COMUNICAÇÃO LADIAK HAMOSU DEZASTRE NO VIOLÊNCIA

DCDD TURISCAI, Domingo loron 9 Setembro 2018, iha missa Nova Nailulik foun Pe. Domingos Gudinho nian hamutuk ho sarani paroquiano Nossa Senhora de Fátima Turiscai nian, Pe. Guilhermino da Silva Pároco Paróquia Santo António Motael nebe lori reflexão hateten, Nai hatudu nia hakarak ba ema diuk no monok ho linguagem nebe ema diuk no monok bele rona katak, ho língua non verbal hanesan hatama liman ba diuk ne’e nia tilun no kaben ba ema ne’e nia nanal foti matan no dada is. Comunicação non verbal hirak ne’e hotu ho lia fuan “EFFATHA katak loke ba”. Lia fuan EFFATHA mak liafuan primeiro nebe ema diuk ne’e rona iha nia moris. Iha ita ema nia historia Nai Maromak halo comunicação ho ita ema liu hosi profeta sira, maibe dala wain ita ema taka metin ita ema nia tilun. Nunee liu hosi milagre ida ne’e Nai Jesus hakarak hateten ba ita katak, ita hahu ona era comunicação entre ema ho Na’i Maromak. Maromak koalia no halo direitamente ba nia povo no nia emar sira. Situacão ida ne’e iha Turiscai bele consiente rasik hanesan iha experiência sira hateten sai ona katak, uluk Turiscai oan sira lao sempre falha iha dalan vocação nian, maibe ohin loron, Nai Maromak hatudu nia domin boot liu hosi nia atan sira nebe nia hili iha kreda nia laran hodi halo sira sai Nia atan hodi serbi nia povo. Hatudu momos ba ita katak uluk no ohin loron diferente. Laos uluk Na’i Maromak la hadomi ita, maibe tanba uluk ita nia tilun mak la hamos, ita nia nanal mak ita la hadia, nune’e ita husik Nai Maromak nia convite ne’e liu nune’e deit. Nai Jesus iha kbiit atu hamos no hamamar foer hotu nebe halo intupido ita nia comunicação ba halo entre Maromak ho ita, no ho ita nia maluk sira. Imi consiênte ida ne’e no imi halo imi nia reconsiliação ho Nai Maromak  to’o ikus mai Maromak nia benca tun duni ba imi hodi halo imi hare nia gloria iha nia atan sira nebe nia hili.

Pe. Guilhermino da Silva be Pároco Paróquia Santo António Motael nee haforsa tan katak, Comunicação bele halo ema conhece malu no bele halo ema hadomi malu liu tan. Descomunicação fali dala barak bele halo família barak naksobu, hirus malu, baku malu, nebe bele hamosu violência. Descomunicação bele hamosu desentendimento, no disconfiança hodi hamosu violência. Matenek sira iha área Comunicação nian fo sai katak comunicação sai nudar buat ida nebe deficil iha ita ema nia relacão. Causa hosi comunicação entre privado, enquanto laiha qualidade bele halo relação moris uma laran nian mos sai aat, moris kabenain nian sai sabraut, ema bele soe malu moris iha maun-alin-família no sociedade bele sai runguranga tanba falha iha comunicação.

Irónico liu tan problema sira hanesan ne’e mosu hosi ema hirak nebe iha tilun normal, la diuk no la monok. Ponto ida nebe mos halo comunicação sai aat ka laiha qualidade nee mak ema nia vontade ka ema nia jeito atu rona ne’e menos. Wainhira ema ida laiha kbiit ka lakohi rona ema seluk bele hamosu possibilidade ba ema ne’e atu compriende sala, la compirende no bele halo ema ne’e koalia sala. Realidade ida ne’e mosu iha ita nia sociedade, mosu mos iha ita nia familia nebe ikus mai haterus membro sira sociedade nian no uma kain nian. Tanba nee rona ho diak nee importante. rona didiak nee sai hanesan ksolok ida nebe inportante iha ita ema nia comunicação ho Maromak no maun alin sira. (Reportágem Alin Soares)

Leave a Reply

Your email address will not be published. Required fields are marked *