shadow
Diocese de Dili > NOTÍCIAS > Notícias > TEMQUE JULGA HAU NUDAR PE. MARTINHO GUSMÃO LAOS ARGUIDO MARTINHO GUSMÃO

TEMQUE JULGA HAU NUDAR PE. MARTINHO GUSMÃO LAOS ARGUIDO MARTINHO GUSMÃO

Iha entrevista exclusivo nebe ITE no DCDD halo ho Pe. Martinho Gusmão iha ressinto Paroquial Paróquia Nossa Senhora de Fátima Turiscai kona ba ninia caso iha tribunal Pe. Martinho dehan, Em princípio hau hakarak buat ida nebe tem que claro katak tem que Julga hau nu’udar Pe. Martinho Gusmão nebe comete Crime, laos Arguido Martinho Gusmão. Crime ida nee deha katak  “Hau empresta simu ajuda husi Ministério Obras Públicas MOP halao festa bicentenário (tinan 200) Santo António sai mahein ba Manatuto, paróquia de Santo António Manatuto kareta hau entrega fali ho condição óptimo… la at buat ida; la rahun – há’u la fokit sai AC ka gravador hanesan partido nia ema sira halo iha governo ka parlamento laran. Nee crime! Nee princípio ponto de partida.

Acusação ba hau ne’e dehan katak Arguido Martinho Gusmão la temi Padre Martinho Gusmão hatene dehan katak sasan sira be nia husu ne’e patrimónia estado nian mais la verifica katak buat ne’e crime uza ba nia interesse privado. Hau dehan interesse privado halo nusa, hau halo bicentenario ema hotu hatene, festa boot no ema tomak hatene no mos transmissão direita mas Ministério Público taka matan no sira ba nafatin.

 

Ana Pessoa mak hahu processo ne’e hateten katak “É pública, a simpatia deste cidadão pelo partido político em que o Ministro Eng. Gastão de Sousa milita” (Ema hotu hatene, simpatia husi cidadão ida ne’e ba partido politico ne’ebe Ministro Gastão sai militante). Significa Ana Pessoa hatene dehan katak hau sinpatizante Partido Democrático (PD) nian. Tanba nia dehan ida nee sai hanesan motivo atu Gastão de Sousa fo careta ba hau. Mas iha bispo, padre, laos deit sinpatizante maibe militante FRETILILN nian, militante CNRT nian no mos KHUNTO la crime tanba sa mak tem que ser ataca beik-beik mak hau!

 

Nee duni iha contradição; Ana Pessoa hateten dehan ema hotu-hotu hatene Martinho Gusmão é sinpatizante Partido Democrático PD nian. Mas se mak dehan ida nee; Ana Pessoa rona deit. Nia rona deit crime? Tanba sa la hatudu ema nebe quexa nee? Hau nunca lori hau nia batina ameaça ema ida, nunca baku ema ida no estraga ema ida.

 

Depois iha Ana Pessoa nia alegacão dehan katak “arguido Martinho Gusmão hatene katak tinan tinan estado ajuda ba Igreja, mas abusa husu nafatin ajuda husi estado no Bispo la hatene”. Nee duni iha kazu ne’e tomak iha conspiração ida atu joga sai hau. Mas hau dehan ba ema hot-hotu “hau sosa justiça ho hau nia batina”. Imi bele foti hau nia hena mutin nee ba, mas hau nia consiência moral sei tata nafatin hanesan Santo Padre Francisco dehan ba Bispo sira atu Igreja Católica sai consiência Crítica da  Nação. Nee mak amu Papa nia mensagem ba bispo timoroan nian iha Março de 2013 wainhira Bispo nain tolu Dom Basílio, Dom Aleberto Ricardo no Dom Norbeto halo vizita ad limina. Amo Papa bolu atu Igreja; bispo, Padre ho sarani sira sai consiênicia crítica da nação. Qualqer posição nebe depois de decisão de tribunal hau dehan kedas; imi bele uja meios hot-hotu atu hasai hau nia batina hau la tauk, maibe hau nia consiência crítica ba nação sei lao nafatin.

 

Iha Timor Ne’e padre ida nebe mak la hetan ajuda hosi governo; Bispo, madre sira, medjid, igreja protestante hot-hotu hetan ajuda. Ajuda hirak nee balu fo fali no balu hela nuudar património Igreja nian la crime buat ida, maibe hau empresta kareta dala rua hau uza, maibe kareta rua nee hau entrega hotu mas hau tama tribunal nafatin. Hau sente estranho ituan. Keta tanba hau hakerek beik beik no hau kritika beik beik nee karik. Maibe politika nain sira gosta ou la gosta hau laos hau nia problema buat hotu no buat hotu nebe hau dehan acontese, tanba hau fiar ba hau nia consiência moral ba hau nia capacidade intelectual hare ba buat hirak nee tetu no hau dehan sai.

Iha São Paulo nia carta ida iha nebe nia dehan nunee, wainhira ó hatene buat ida no hatene katak buat nee halo ó nia maun-alin nee monu ó fo hatene ba nia. Nia lakohi rona mak nia monu ó sai ema diak mas ó hatene depois ó la fo hatene ba nia e nia monu tiha nee o pecado. Nee duni hau tauk liu halo pecado atu la salva ema nia moris diak liu ida nee duque crime hanesan empresta kareta tama tribunal ba hau nia dignidade. Iha Direito Canónico dehan katak Salus animarum suprema Lex (salvacão ba ema nia klamar ne’e mak lei as liu), hau nia kritika, hau nia hakerek, hau nia livro atu fanu ema nia alma atu labele rahun. Se ita la quidado saida mak acontece! Governo ida monu fali mosu fali nunee tinan 5 nia laran sei acontece nafatin tanba buat ida ema sira nebe mate fakar nia ran agora hakilar ba lalehan husu justiça e Maromak hare. Depois hau hakerek kona ba Nicolau Lobato, nia ema católico paling TOP, político paling TOP, ninia ran agora reclama ba lalehan atu tau justiça. Sira haluha tiha liafuan ida nebe hatete beibeik “POVO” liafuan nebe Nicolau Lobato repete iha ninia artigo tomak, ninia pensamento tomak nee laos FRETILIN, laos FALINTIL, laos partido saida deit, laos Fundador sese deit maibe “POVO”. Quando povo ida nee koalia ba lalehan Maromak rona. Hau hanoin katak hau sei lao iha dalan los tanba hau rona povo nia lian no hau hateten sai ba povo nia hakarak. (Reportágem Alin Soares)

Leave a Reply

Your email address will not be published. Required fields are marked *