shadow
Diocese de Dili > NOTÍCIAS > LETURA DIÁRIA > Sábado, XXIV Semana Tempo Comum (ANO B)

Sábado, XXIV Semana Tempo Comum (ANO B)

Primeira Leitura             1Cor. 15. 35-37, 42-49

Lia housi São Paulo nia primeira Surat ba sarani sira iha Corinto.

Maun alin sira: Ema ruma bele dehan, “Oin sá mate sira sei moris hi’as?  Ho isin oin sá lós sira sei fila mai?” Imi beik! Buat nebe imi kari la mate karik, nia sei la moris. No buat nebe imi kari la’os isin nebe sei mai, hanesan trigo nia fini deit karik.

Nune’e mós uainhira mate sira moris hi’as. Ita kari buat nebe bele dodok; nia moris hi’as la bele dodok. Ita kari buat nebe la soi atu hahi; nia moris hi’as kmanek liu; ita kari buat nebe biit laek; nia moris hi’as biit ua’in. Ita kari isin nebe mundo ne’e nian, nia moris hi’as isin espírito nian. Iha isin mundo ne’e nian karik, iha mós isin espírito nian.

Hakerek nanis ona, “Ema uluk, Adão, sai buat nebe moris;” Adão ikus sai fali espírito nebe fó moris. Maibe buat nebe espírito nian la’os uluk; maibe uluk mundo ne’e nian, tuir mai espírito nian. Ema uluk housi mundo, ema rai rahun nian; ema ikus housi lalehan. Nu’udar ida rai rahun nian; nune’e mós mak ema sira nebe rai rahun nian; no nu’udar ida nebe lalehan nian, nune’e mós mak ema sira lalehan nian. Nu’udar ita lori tiha ilas ema rai rahun nian, ita mós sei lori iha ilas rai rahun nian, ita mós sei lori iha ilas ema lalehan nian.

Maromak Futar Lia

 

Salmo Responsorial                                                                                                                                  Sal. 55(56). 9ab e10, 11-12, 13-14 (R. cf. 14c)

Refrão : Ha’u sei la’o iha Na’i futar oin!!! Repete-se

  • Na’i, ita hatene ha’u moris áat,

          Ha’u Maromak, simu ba ha’u mata-uen.

          Ha’u funu baluk sira sei hakiduk

          uainhira ha’u bolu Ita Naran.

          Ha’u sei hatene katak Na’i ho ha’u.  Refrão

 

  • Ha’u hahi Na’i Nia liafuan,

          ha’u hahi Na’i Nia lia kotu,

          ha’u laran metin iha Na’i, sei la tauk buat ida;

          ema sira sei bele halo sá mai ha’u? Refrão

 

  • Ha’u hasa’e sacrifício ba Ita hodi agradece,

          basá Ita soi ha’u moris housi mate,

          souri ha’u housi ain sidik,

          atu la’o iha Ita futar oin, ba roman moris nian. Refrão

 

Aclamação                                                                                                                                                                                                                cf. Lc. 8. 15

Refrão : Aleluia, Aleluia!! Repete-se

                  Ksolok ba sira nebe rona Maromak Nia liafuan

                  ho neon no laran hodi fó fuan, tan sira laran metin. Refrão

 

Evangelho                                                                                                                                                                                                                  Lc. 8. 4-15

Na’i Jesus Cristo nia Evangelho nu’udar São Lucas haktuir:

Iha tempo neba, uainhira ema lubun boot halibur hamutuk, hodi hakbesik ba Jesus housi cidade tomak, Nia haktuir aiknanoik ida ne’e: “Ema ida ba kari fini. Nia sei kari daudaun, fini balun monu iha dalan ninin, hafoin ema sama no manu sira housi lalehan mai han sira. Fini balun monu iha fatuk leten; moris tiha, sira namlaik, basá be la iha. Fini balun fali monu iha aitarak laran.  Aitarak sira moris hamutuk ho sira, hodi hanehan sira. Ikus mai, fini balun monu iha rai di’ak, hodi moris no fó fuan dala atus ida.” Hateten tiha ne’e, Nia dehan ho lia maka’as: “Sira nebe iha tilun atu rona, rona ba!”

Escolante sira husu ba Nia aiknanoik ida ne’e katak sá. Nia hatan: “Ba imi fó hatene tiha ona mistério Maromak nia reino nian; maibe ba ema seluk hato’o deit ho aiknanoik sira, atu ‘hodi haré, sira la haré momós; no hodi rona, sira la hatene momós.’

Ne’e duni aiknanoik ida ne’e katak: fini mak Maromak nia liafuan. Fini nebe monu iha dalan ninin mak ema sira nebe, rona tiha nia, diabo mai hodi hasai liaufan housi sira nia laran atu sira labele fiar hodi hetan maksoin. Fini nebe monu iha fatuk leten mak ema sira nebe uainhira sira rona liafuan, sira simu nia ho ksolok; maibe, tan abut laiha, sira fiar ba tempo uitoan de’it, hafoin husik ona iha oras susar nian. Fini nebe monu iha aitarak laran, ne’e mak sira nebe rona, maibe hanoin oi-oin, rikusoi no ksolok mundo ne’e nian hanehan sira, la biban atu sai boot no tasak. No fini nebe monu iha rai di’ak ne’e mak sira nebe rona liafuan ho neon ho laran, rai didi’ak nia hodi fó fuan, tan sira laran metin.”

 Lia Maksoyn.

Leave a Reply

Your email address will not be published. Required fields are marked *