shadow
Diocese de Dili > NOTÍCIAS > Notícias > NAILULIK : PONTE ENTRE MAROMAK HO NIA POVO

NAILULIK : PONTE ENTRE MAROMAK HO NIA POVO

DCDD – AINARO – Diocese Dili Particularmente Paróquia Nossa Senhora de Fátima Ainaro iha loron 21 Setembro 2018 simu tan graça especial ida, graça Amululik nian liu husi Diácono César Magno. Iha celebrante principal D. Virgilio do Carmo da Silva,SDB iha ninia homilia haktuir katak, Ohin sarani Diocese Dili, Paróquia Ainaro haksolok no sente privilégio ida ne’e tanba graça sacerdócio ninian nebe Na’i Maromak haraik ba Ainaro oan ida Maske dala barak ita sente la soi ba ida nee, maibe Nia fihir ita. Vocação nee experiência domin ninian, Maromak nebe bolu ema hatan. Domin ida nee mak diácono César Magno habadak iha ninia motto dehan, In Ministerium meum In Ministrando katak domin ida ne’e laos hetan iha altar de’it, maibe hetan iha serbi hodi saran an.

Virgilio do Carmo da Silva,SDB dehan tan katak, Diácono César sai amululik ohin loron katak, sai mos Ponte entre Maromak ho nia povo. Ponte nia função atu liga laos atu hari fali muro, ponte atu facilita sarani bele simu graça Maromak ninian, disponibiliza ita nia an atu reza atu nunee sarani sira bele acesso ba sacramento sira. Amo Papa nia liafuan dehan nunee; amululik sira lori iha sira nia kabás povo nebe saran ba sira liman. Lori sira ida-idak nia naran hanoin sira iha nia oração. Wainhira o haraik an hatais casula tem que halo ita amululik sente duni iha kabás leten no iha ita nia fuan todan povo nee ninian, povo ninia ksolok, povo ninia fidelidade. Ida nebe Na’i bolu tem que iha duni paixão ba ninia povo. Amo Papa continua dehan tan, Airin tolu nebe mak tane as vida amululik sira nian mak “Oração, Eucaristia, no Maromak nia liafuan”. Husi airin tolu nee hau aumenta tan ida “Confessa”. Sacramento confessa nian mak dalan ida atu continua purifica ita atu bele moris nafatin iha Maromak nia graça.

Basilio do Nacimento bispo de Baucau iha nia mensagem ba nailulik foun nee hateten, Hau kaer ba hau nia docente sociologia ida nebe dehan, tinan lima fofoun ne’e marca teb-tebes amululik ida nia vida. Quando tinan 5 fofoun nee mak nailulik ida hetan ambiente diak hodi haburas ninia sacerdócio katak, nia perseverança nee sei boot. Sai amululik hodi servisu nee disponibilidade tomak, maibe mos pronto atu hetan consolações lubuk ida, desolações lubuk ida, maibe buat hirak nee hotu mak halo ita purifica ita nia an.

Sikun hanesan D. Norberto do Amaral bispo de Maliana mos hateten, Parabens ba Nailulik foun Pe. César Magno nebe ohin simu sacramneto Ordem. Maromak iha atenção nafatin husi família ida nee hodi hili foinsae nain rua ba vida sacerdócio nian Pe. César Magno no Pe. Rocky Xareal hodi sai nuudar manu ain iha Uma Creda católica nia laran. Nee duni hau orgulho hanesan bispo ao mesmo tempo hanesan mos família.

Nailulik foun César Magno iha nia mensagem hateten, Ministerium Meum In Ministrando katak, hau nia servisu iha servi. Jesus dehan, Hau mai atu serbi laos ema atu serbi Ha’u. São Pulo hateten ba ema Romano sira se mak serbi duni ema seluk, serbi duni ba. Nunee hau dehan hau nia servisu iha serbi. (Alin&Marta)

Leave a Reply

Your email address will not be published. Required fields are marked *