shadow
Diocese de Dili > NOTÍCIAS > LETURA DIÁRIA > Segunda-Feira, XXV Semana Tempo Comum (ANO B)

Segunda-Feira, XXV Semana Tempo Comum (ANO B)

Primeira Leitura                     Pro. 3. 27-35

Lia housi livro Provérbios nian:

Ha’u oan: Ó keta nega favor ba ida nebe merece, uainhira ó liman iha biit atu halo. Ó bele halo karik buat ruma, keta dehan ba ó maluk: ‘Ó ba ona, hafoin fila mai. Aban ha’u sei fó ba ó.’ Ó keta hanoin áat hasouru ó nia maluk nia hela karik ho ó hodi la hanoin áat. Ó keta haksesuk nar’naran de’it ho ema uma nebe la halo buat áat ruma ba ó. Ó keta laran moras ba ema be laran mós, haksolok ho nia laran midar. Na’i Nia malisan tun ba ema áat nia uma leten. Maibe, Nia haraik bensa ba ema laran mós sira nia hôrik fatin. Na’i hamoe sira nebe hakarak hamoe ema; ba sira be haraik an, Nia haraik Ninia graça. Ema matenek sira sei hetan glória, maibe, ema sira be laran áat sei simu naran áat.

Maromak Futar Lia.

 

Salmo Responsorial                                                                                                                                                  Sal. 14(15). 2-3ab. 3cd-4ab, 5 (R. 1b)

Refrão : Na’i, ema laran mós sei hôrik iha Ita kadunan!!! Repete-se

  • Ema nebe moris hodi la halo salan,

          Moris tuir justiça no ko’alia lialós ho laran tomak;

          Ema nebe la foti lia bosok hodi du’u matak. Refrão

 

  • Ema nebe la halo áat ba ema seluk,

          La hakribi nia maluk.

          Ema nebe heuuai ema áat,

          Hahi ema nebe hamta’uk Maromak. Refrão

 

  • Ema nebe halo tuir nia juramento

          Maski nia hetan susar,

          La empresta nia osan hodi husu funan,

          La kohi hatatan ema laran maus;

          Ema hanesan ne’e sei la monu. Refrão

 

Aclamação                                                                                                                                                                                                                     Mt. 5. 16

Refrão : Aleluia, Aleluia!! Repete-se

                  Imi nia roman sei nabilan mós hanesan ne’e iha ema sira oin,

                  atu sira haré imi nia hahalok di’ak sira no hahi imi nia Aman iha Lalehan. Refrão

 

Evangelho                                                                                                                                                                                                                Lc. 8. 16-18

Na’i Jesus Cristo nia Evangelho        Nu’udar São Lucas haktuir:

Iha tempo neba, Jesus lia tun ba ema lubun boot: “Ema ida la sunu ahi oan hodi taka nia ho luhu ida, ka tau nia iha tobafatin okos; maibe tau nia iha ahi oan fatin, atu sira nebe tama mai bele haré nia naroman. Basá la iha buat ida nebe subar hela, nebe ema sei la haré hetan; la iha buat ida nebe ema la hatene, nebe ema seluk sei la fó sai. Ne’e duni,  haré didi’ak oin sá imi rona; basá ema nebe iha ona, sei simu tan, no housi ema nebe la iha, sei hasai tan buat nebe nia hanoin nia iha.”

Lia Maksoyn.

Leave a Reply

Your email address will not be published. Required fields are marked *