shadow
Diocese de Dili > NOTÍCIAS > Notícias > CANDIDATO FOUN 251 TUIR TESTE IHA SEMINÁRIO MENOR BALIDE

CANDIDATO FOUN 251 TUIR TESTE IHA SEMINÁRIO MENOR BALIDE

DCDD – Tersa loron 25 Setembro 2018, Seminário Menor Nossa Senhora de Fátima Balide (SENOFA) realiza teste escrita ba candidato foun hamutuk Atus rua lima nulu resin ida (251) composto husi Diocese tolu; Dili, Baucau no Maliana iha SENOFA Balide-Dili. Tan nee, tuir imformação nebe Prefeito do Estudo Seminário Menor Nossa Senhora de Fátima Balide Pe. Adérito de Sávio Sequeira haktuir katak, teste ba Candidato foun sira nee tinan-tinan sempre halo ba candidato seminarista foun sira nebe atu tama ba Secundário no mos KPA.Candidato sira nee mai husi Escola Público no Escola Católica sira iha terrritória Timor laran.

 

Pe. Adérito de Sávio Sequeira hatutan tan katak, matéria nebe usa hodi halo teste escrita ba candidato foun sira mak hanesan, Matemática, Ingles, Português, Religião no mos IQ. Wainhira passa ona ho resultado diak iha escrita mak foin hakat ba fase Oral nian ou entrevista nian ba deit candidato sira nebe liu ona teste escrita. ba candidato nebe liu ona escrita sei tama iha fase entrevista para ita hatene sira nia motivação atu tama iha Seminário, sira nia imvolvimento no sira nia participação iha Paróquia no oinsa sira nia hakarak mai iha fatin ida. Husi critéria sira ne’e depois mak ita termina se mak merece duni liu mak ita bele simu hanesan candidato no hetan formação iha Seminário nee durante tinan tolu nia laran no mos tinan ida ba KPA sira.

 

 

 

 

Iha parte seluk relaciona ho condição fatin nebe oras nee limitado tebes ba candidato sira, Padre Adérito de Sávio Sequeira hateten: oras nee condição fatin iha nee labele simu ema barak maibe ita tem que halo exame ida para entre candidato ho quantidade 251 nee ita bele ilimina fali no ita simu deit 105. Nee katak parte Secundário nian sei simu deit candidato hamutuk nain 80 no parte KPA nian sei simu deit candidato hamutuk nain 25 tanba baseia ba condição fatin. Ami fiar katak Candidato sira mai teste ne’e, molok atu mai hetan seleção diak husi Padre Pároco no sira mos hetan experiência balu husi paróquia no grupos balun. Hein katak sira mai ne’e sei fo buat diak ba Seminário liu-liu sira mak decide rasik sira nia vocação mai Seminário no hein katak sira sei moris tuir regulamento nebe mak estabelece ona iha seminário. (Reportágem Alin Saores)

Leave a Reply

Your email address will not be published. Required fields are marked *