shadow
Diocese de Dili > NOTÍCIAS > Notícias > AINARO FORMA VIGARARIA IDA

AINARO FORMA VIGARARIA IDA

DCDD – AINARO, Sexta loron 21 Setembro 2018, remata tiha missa Ordenação sacerdotal ba Diácono César Magno iha Paróquia Nossa Senhora de Fátima Ainaro, bispo de Dili Dom Virgilio do Carmo da Silva, SDB ba sarani paroquiano Ainaro bispo hateten, Paróquia Ainaro ou Município Ainaro iha tinan ida ne’e haketak an tiha husi Vigararia Same ninian ho razão Ainaro sai vigararia ida. Tanba nee Ainaro oras nee sai nudar Vigararia ida mesak. Nee duni paróquia Ainaro, quase paróquia Hatu-Udu, paróquia Maubisse, Aituturina forma Vigararia ida ho nia Vigário Forâneo mak Pe. Pároco Nossa Senhora de Fátima Ainaro Pe. Armindo Brito.

Além nee, Dom Virgilio do Carmo da Silva mos informa relaciona Santuário Ramelau. Ba nee Dom Virgilio do Carmo da Silva hateten, iha loron 7 Outobro 2018 sei iha missa ida iha Santuário Ramelau. Tan nee convida sarani sira hotu atu participa iha celebração ida ne’e nian tanba ita hotu hatene depois acontecimento Ramelau ninian nee sai momento ida ba ita hotu atu halo reparação Espiritual oan ruma depois ita nia actos nebe ita halo hodi hafoer laos deit ambiente, maibe hafoer mos ita nia atitude fiar nian. Nee duni convida mos sarani sira hotu atu participa iha celebração ida nee. Hein katak depois de ida nee ita labele repete fila fali atitude ladiak nebe acontece ona. Ita aprende husi buat nebe liu tiha ona atu halo foho Ramelau nee lulik nafatin, mos nafatin, santo nafatin ba ita sarani timoroan liu-liu Diocese Dili nian. (Reportágem Marta)

Leave a Reply

Your email address will not be published. Required fields are marked *