shadow
Diocese de Dili > NOTÍCIAS > Notícias > SE MAK IHA TILUN RONA BA!

SE MAK IHA TILUN RONA BA!

DCDD – AINARO, Sábado loron 22 Setembro 2018, iha missa Nova Nailulik foun Pe. César Magno no missa agradecimento Pe. Rocky Xareal, CMF nian hamutuk ho sarani paroquiano Nossa Senhora de Fátima Ainaro, Maliana no Turiscai nian iha Paróquia Nossa Senhora de Fátima Ainaro, D. Norberto do Amaral bispo de Maliana nebe lori reflexão hateten, sira nebe iha tilun atu rona, rona ba! rona saida? rona certamente Maromak nia liafuan. Hanesan ohin aiknanoik haktuir mai ita iha evengelho São Lucas nian hotu sobre rona Maromak nia liafuan ne’e iha grupo 4; primeiro grupo mak fuan nebe rona Maromak nia liafuan, maibe incensível ba Maromak nia liafuan. segundo grupo mak fuan nebe rona Maromak nia liafuan hodi simu ho haksolok no hakfodak, maibe la tahan ho tentação sira. terseiro grupo mak rona Maromak nia liafuan no simu, maibe iha nia laran ne’e la manas la malirin, no quarto grupo nian mak fuan nebe rona, simu hodi ba moris rohan laek. Ida quarto grupo ne’e mak fo fuan nebe buras maka’as liu.

Ita hotu nebe tuir  missa nova padre César nian no missa agradecimento padre Rocky nian ne’e, ita tama iha grupo ida nebe los? Maromak ninia liafuan nee halekar ba ema hot-hotu, maibe depende ba ema ida-idak nia fuan atu simu Maromak nia liafuan, liberdade ba ema ida-idak atu simu.

Ba Nailulik César Magno no Rocky Xareal, D. Norberto do Amaral hateten, Wainhira foinsae ida simu ordenação ba nailulik, nee katak, sarani sira hedi padre nee iha cruz hodi sai nudar ponte entre Maromak ho nia povo. Nee duni, sai padre nee ita hasae ita nia an iha  cruz. Se imi nain rua (Nailulik César no Nailulik Rocky) exerce didiak imi nain rua nia função hodi halo sacrifício hamate an ida nebe diak sei lori ema barak ba lalehan. Maibe ohin loron mosu dificuldades no tentaçõs bar-barak. Nee duni foti nafatin imi nia cruz atu sai sinal sentinela ba ema nia moris. Halao didiak ba tanba hakotu lia ba moris hamutuk ho Cristo nee laos ema ida nia obriga, maibe ho liberdade tomak imi hakotu lia hodi promete atu lori knar nee didiak ba oin. Nunee deit mak imi bele sai sacerdote Cristo nian ida nebe diak hodi serbi.

Iha biban nee mos D. Norberto do Amaral recomenda mos ba inan-aman sira katak, labele obriga oan sira tama seminário sai padre, maibe husik liberdade ba sira atu hili. sai padre ne’e la’os inan-aman nia hakarak, maibe ne’e oan nia hakarak rasik, oan nia decisão, oan nia liberdade atu hili. wainhira labarik ida ho nia hakarak rasik, Na’i Maromak servisu iha nia hodi halo nia rona Na’i Maromak nia liafuan sira, ikus mai bele sai nailulik. (Reportágem Marta)

Leave a Reply

Your email address will not be published. Required fields are marked *