shadow
Diocese de Dili > NOTÍCIAS > LETURA DIÁRIA > Sexta-Feira, XXV Semana Tempo Comum (ANO B)

Sexta-Feira, XXV Semana Tempo Comum (ANO B)

Primeira Leitura                 Ecl. (Co.) 3. 1-1

Lia housi livro Eclesiastes :

Ba buat hotu iha nia tempo, iha nia oras iha lalehan okos: Iha tempo atu moris no tempo atu mate; iha tempo atu kuda no tempo atu fokit; iha tempo atu oho no tempo atu sadi’a; iha tempo atu sobu no tempo atu hari; iha tempo atu tanis no tempo atu hamnasa; iha tempo atu halerik no tempo atu bidu; iha tempo atu soe fatuk no tempo atu hili fali;  iha tempo atu fó liman ba malu no tempo atu husik; iha tempo atu buka no tempo atu lakon; iha tempo atu rai didi’ak no tempo atu soe ba liur; iha tempo atu halo nakles no tempo atu suku; iha tempo atu nonok no tempo atu ko’alia; iha tempo atu hadomi no tempo atu hakribi; iha tempo atu funu no tempo atu dame.

Sá mak ema ida sei hetan ho nia badinas nebé nia hala’o ? Ha’u haré ona serbisu sira nebé Maromak haraik ona ba ema sira nia oan, atu sira bele serbisu ba. Buat nebé Maromak halo, mesak di’ak. Ida-idak ho nia tempo rasik. Hatudu ba ema nia fuan tempo nia sentidu atu ema ida la bele hatene housi hun to’o rohan kona ba buat nebé Na’i Maromak halo.

Maromak Futar Lia.

 

Salmo Responsorial                                                                                                                                                    Sal. 143(144). 1ª e 2abc, 3-4 (R. 1ª)

Refrão : Rahun di’ak ba Na’i, fatuk inan, ha’u heli-an fatin nian!!! Repete-se

  • Rahun di’ak ba Na’i, ha’u heli-an fatin,

          Ha’u nia tulun no ha’u nia kota,

          Ha’u biit no ha’u maksoyn;

          Ha’u nia kalili no ha’u mahein. Refrão

 

  • Sá mak ema, Na’i, atu Ita tau matan ba Nia?

          Ema nia oan atu Ita hanoin nia?

          Ema hanesan huu anin nian,

          Nia loron liu hanesan lalatak. Refrão

 

Aclamação                                                                                                                                                                                                                  Mc. 10. 45

Refrão : Aleluia, Aleluia!! Repete-se

                  Oan Mane mai atu serbi ema, no saran

                  Nia moris atu soi ema hotu. Refrão

 

Evangelho                                                                                                                                                                                                                Lc. 9. 18-22

Na’i Jesus Cristo nia Evangelho nu’udar São Lucas haktuir:

Iha tempo neba, loron ida, wainhira Jesus harohan mesa-mesak ho nia escolante sira de’it, Jesus husu ba sira: “Ema dehan H’au se lós?” Escolante sira hatan: “João Baptista; balun dehan, Elias; balun fali dehan, profeta ida uluk nian mak moris hi’as.” Nia husu ba sira: “Imi rasik dehan Ha’u se lós?” Pedro simu hodi dehan: “Ita Maromak nia Cristo.” Nia bandu sira atu la bele fó sai buat ne’e ba ema ida, dehan: “Oan Mane sei terus barak: katuas sira, na’ilulik boot no escriba sira sei hakribi Nia hodi oho Nia; no liu tiha loron tolu Nia sei moris hi’as.”

Lia Maksoyn.

Leave a Reply

Your email address will not be published. Required fields are marked *