shadow
Diocese de Dili > NOTÍCIAS > REFLEXÃO > EMA SELUK MOS ITA NIAN

EMA SELUK MOS ITA NIAN

REFLEXÃO & LEITURAS DOMINGO COMUM XXVI/Ano B/2018

  Num 11,25-29   Tg 5,1-6   Mc 9,38-43.45.47-48

 

Primeira Leitura               Num. 11, 25-29

Lia housi Livro Números :

Iha loron hirak nebá, Na’i Maromak tun mai ho kalohan ida,lia tun ba Moises. Hasai tiha Moises nia espírito balu, hodi fahe ba katuas hitu nulu. Molok espírito tun ba sira leten, sira hahú ko’alia nu’udar profeta,maibé, la to’o kleur ida. Mane na’in rua, ida naran Eldad, ida seluk Medad, hela tiha iha ai-hun. Sira na’in rua la ba libur hamutuk ho sira seluk,maibé, espírito tun mos ba sira. Mane klosan ida halai ba fo hatene ba Moises:” Eldad ho Medad, sira ko’alia hela lia profeta iha ai-hun.” Nune’e: Josué, Nun nia oan, Moises nia labarik houri uluk kedas,hatán hodi dehan: Moises, ha’u na’in, keta husik sira ko’alia lia profeta.” Maibé, Moisés dehan ba nia: “ Ó Laran moras ka? ,aromak nia povo sai hotu profeta karik di’ak liu. Maromak haraik karik nia espírito ba sira hotu, furak liu.”

Maromak Futar Lia.

 

Salmo Responsorial                                                                                                                                                                   Sal. 18(19), 8. 10. 12-13. 14

Refrão : Na’i nia hanourin haksolok fuan!!! Repete-se

  • Na’i ukun-fuan lós liu, haklosok klmar.

           Na’i iha sasin la sala;

           Nia ema kiik sira nia matenek. Refrão

 

  • Na’i hakarak mós tebes,

           Nafatin tinan ba tinan.

           Na’i tesi lia lós,

           Tesi lia la sala. Refrão

 

  • Na’i, lori ha’u tuir ita hakarak,

          Tuir ita hakarak, halo ha’u hetan di’ak,

          Maibé, ema sê mak bele hetan nia sala sira hotu?

          Na’i, kasu ha’u tusan sira hotu be ha’u haluhan. Refrão

 

  • Na’i, halo ha’u keta foti an,

          Halo ha’u keta loko an.

          Nune’e, ha’u bele sai ema di’ak,

          Ema salan laek. Refrão

 

Segunda Leitura                                                                                                                                                                                                         Tg. 5, 1-6

Lia housi são Tiago nia surat:

Ema riku, sira, oras ne’e, see tilun mai. Imi tanis hodi hakilar maka’as, basá, susar barak atu todan daudaun ona iha imi leten. Imi nia soin dodok hotu ona; imi nia hatais, ular toti hotu ona; imi nia murak mean ni mutin,meak hotu ona; imi nia murak mean sira sei sasin hasouru imi, sei han mohu imi nia isin hanesan ahi.loron hirak ne’e, loron ikus ona; imi buka halibur hela soin ba imi. Imi hela tiha ho trabalhador sira nia kosar-wén. Sira nia kolen sisi daudaun justiça; sira nia lian sa’e to’o Maromak,justiça na’in. Imi moris iha rai, haksolok ho imi nia sasan oi-oin. Imi halo bokur imi an, wainhira maluk seluk mate hamlaha.  Imi dadur, imi oho ema di’ak, maibé nia la loke ibun.

Maromak Futar Lia.

 

Aclamação                                                                                                                                                                                                           Jo.   17,  17b. a

Refrão : Aleluia, Aleluia!! Repete-se

                  Na’i, ita futar lia-fuan mak lia lós;

                  Hodi lia lós halo santo ami. Refrão

 

Evangelho                                                                                                                                                                                         Mc. 9, 38-43  45. 46-48

Na’i Jesus Cristo nia Evangelho nu’udar São Marcos haktuir:

Iha tempo nebá, sira be sanulu resin rua, ida be naran João,dehan ba Jesus:” Mestre, ami haré ema ida duni sai diabo hodi ita naran. Nia la la’o ho ita. Tan ne’e, ami bandu tiha.” Jesus lia tun ba sira, dehan:” Imi keta halo nune’e. Basá, ema ida la bele hodi ha’u naran hodi halo milagre, hafoin, hatete aat kedas Ha’u. Ema la aat hasouru ita, nia ita nian. Ema nebé fo wé copo ida ba imi, tan imi Ha’u nia emar,- Ha’u hateten kedas ba imi- ema ne’e sei la lakon nia kolen. Ema ruma dada karik ba aat labarik-oan ruma be fiar Ha’u, di’ak liu tara fatuk inan ida ba ema ne’e nia kakorok, fatuk inan be hodi tuku batar ne’e ida,hafoin, soe tiha nia ba tasi. Ó nia liman dada karik o ba sala, tesi tiha nia; hetan moris rohan laeknho liman ida de’it, di’ak liu fali ho liman rua tomak tama iha inferno, nebé ahi la mate. Ó nia ain lori karik ó ba sala,tesi tiha nia; tama ba moris rohan laek ho ain ida de’it, di’ak liu fali ho ain rua tomak tama iha inferno. Ó nia matan ida dada karik ó ba sala, losu tiha nia. Ó tama iha Maromak nia Reino ho matan fuan ida de’it, di’ak liu fali tama iha inferno ho matan fuan rua hotu;iha inferno ular oan nebé han ó sei la mate mohu,áhi nebé sunu ó, sei la mate.”

Lia Maksoyn.

 

EMA SELUK MOS ITA NIAN

          Igreja nebe Jesus funda desde tinan rihun rua liu ba, nudar união entre ema sira nebe fiar Jesus budar Maksoyn. Afinal, situação ho problema no doutrina hirak nebe Jesus enfrenta no hanorin iha altura neba, sei actual hela ba ita nobun too ohin loron nudar Evangelho São Marcos haktuir. Haré ba mudança significante nebe acontece iha sociedade oras nee, haré situação tinan rihun rua liu ba, ita haré mos buat balu nebe muda ao mesmo tempo buat balu mos persiste (bertahan) no sei actual too ohin loron.

          Fundamentalmente Jesus nia hanorin no hahalok mak too oras nee sei continua halekar no sai referência ba Cristão Católico nebe sei fiel (setia) ba Igreja Católica. Maibé, iha mos eam ida rua nebe influencia husi avanço Informação-Tecnológica, halo sira sai egoista, oportunista, at’e que declara la precisa Maromak iha moris. Baseia backround nee mak, leitrua sira Domingo semana nee (Domingo Comum XXVI Ano B) bolu hikas ita hodi contempla no hatene didiak Jesus nia lia menon (Mensagem) nebe São Marcos tatoli mai ita hodi halo auto-Crítica (critica an rasik) hodi haré diak saida mak ita halo ona no lalaok aat saida mak precisa ita hadia atu ita bele sai Católico nee hatene haraik-an. Basá, ita nia qualidade fiar conprova (terbukti/terlihat) husi ita nia hahalok no maneira moris.

          Iha relato Evangelho São Marcos Domingo semana nee, haktuir katak Jesus nia escolante sira admira no sente inseguro basá, iha ema ruma nebe laos pertence ba sira nia grupo, bele duni sai demónio ho Jesus nia naran. Jesus nia reacção afinal oin seluk. Jesus tenik;” Ema la aat hasouru ita, nia ita nian” (Mc 9,40). Nee mak mensagem furak nebe ita bele hetan husi relato Evangelho Domingo semana nee.

          Oras nee, ita nia sociedade Católica enfrenta desafio boot basá, espírito no lalaok Cristinismo hasoru desafio haneasn mos realidade nebe Jesus enfrenta iha tempo uluk. Ho linguagem moderna karik, ita dehan mentalidade exclusivismo (ita nia grupo mak diak liu).

          Lalaok hirak nee iha contexto Timor nian acontece daudaun; grupo artemarcias sira hafu malu hodi hamosu violência. Partido político sira liu husi media social dun malu, trata malu, até lakon sentido de respeito ba nai ulun sira. Partido A up date status dehan nia partido mos husi corrupção hafoin, militante sira commenta hodi justifica status nee. Partido B mos lakohi lakon hodi up date status kona ba fraquesa (kelemahan) husi partido A nia inclui estrutura partido nia hahalok aat sira.

          Grupo arte Marcias mos lança capanha hodi hodi dun malu ami nian mak diak liu neba nian mai husi rai liur. Ami nian rai nain, ida neba nian falsu,…nst.

          Nee mak mentalidade ema Timor oras nee nian. Jesus nia escolante sira kesar ba Jesus katak bau tamak ida mos iha kbiit atu duni diabo hanesan Jesus. Mentalidade hanesan nee mak ita hanaran exclusivismo (grupismo/partidarismo). Ita nia grupo mak diak, sira nian la diak.

          Jesus nia escolante sira considera sira nia grupo nudar ema especial basá, sira mak besik liu ba Jesus aopasso que ema seluk la especial. Jesus considera hahalok sira hanesan nudar Formalismo. Iha reflexão fulan kotuk, ita reflecte ona tanba sa mak Jesus Anti formalismo. Jesus hakribi formalismo tanba ita nia hahalok contradis ho consciência. Lalaok la hanesan ho lai fuan. Ibun dehan ida, hahalok dehan seluk. Jesus refere liu mak coletividade (hotu hotu hamutuk) hodi atinge objectivo ida. Colectividade eh hamutuk nee precisa hatudu liu husi hahalok, lia fuan, comitmento no consiciência sarani nian. Hotu hotu hamutuk halo baut diak ruam ba sociedade. Tanba nee mak Jesus la condena ema nebe duni sai demónio maske nia laos pertence ba escolante Jesus nian.

          Nudar Timor oan liliu nudara Cristão Católico, ita imagina tok se partido hotu hotu fo liman ba malu hodi halo Timor sai nabilan hanesan Oecusse, hanesan nação sira seluk nebe avançado tebes. Ita nia politica la bele inclina liu ba interece poder maibé precisa inclina liu ba Bem Comum (ema barak nia diak) sem hare ba cor, raça no partido eh grupo nebe pertence ba.

          Relato Evangelho Domingo semana nee, Jesus bolu atenção atu escolante sira inclui ita nobun nudar sarani codi halo auto-Crítica ba ita nia hahalok rasik. La bele buka mak ema seluk nia fraquesa. Partido seluk nia fraquesa, grupo seluk nia fraquesa hodi haluha tiha ita nia fraquesa rasik.

          Jesus ho lain makas hatete ema nebe halo diak ba ema seluk impossível nia nee ema aat. Basá, ema ida la bele hodi ha’u naran hodi halo milagre, hafoin, hatete aat kedas Ha’u. Ema la aat hasouru ita, nia ita nian//“Sebab tidak seorang pun yang telah mengadakan mujizat demi nama-Ku, dapat seketika itu juga mengumpat Aku. Barangsiapa tidak melawan kita, ia ada di pihak kita” (Mc 9,39). Passagem evangelho nee mos válido ba ita nia maluk sira husi religião seluk nebe esforsu hodi halo diak ba sociedade ita precisa considera.

          Se nunee, sarani Católico ida nebe toman tulun ema maibé, nia nunca participa iha Missa, nunca confessa-comunga, nunca fo apoio ba actividade Igreja, nia pertence nafatin ba Igreja Catolica? Sim nia pertence nafatin nudar católico maibé, nia seidauk cumpri ninia kanaar completamente nudar sarani. Basá, nudar São Tiago hatete o mia fiar precisa hatudu iha hahalok inclui mos participação iha celebra,cão sira igreja nian.

          Liu husi Bíblia ita bele conhece oitoan Jesus nia escolante sira nebe mesak ema simples, pescador, laos ema riku, la escola to gelar doutoramento maibé, sira nia hahalok hodi kesar ema nebe laos pertence ba sira, hatudu katak sira foit-an oitoan tan hanoin katak sira mak diak liu. Jesus crítica tebes hahalok hanesan nee. Jesus mos talvés crítica ho ema Católico hiral nebe pertence ba partido político sira hodi trata maluk husi partido selu la diak. Jesus prefere liu mak haraik-an hodi serviço hamutuk ba Bem Comum (Timor Leste nia prosperidade/kemakmuran), basá, Barangsiapa tidak melawan kita, ia ada di pihak kita” (Mc 9,39). Timor Leste sei la lao ba oin wainhora Timor Oan sira mout iha mentalidade Exclusivismo. Assim Seja e Bem Haja (ignas)

Leave a Reply

Your email address will not be published. Required fields are marked *