shadow
Diocese de Dili > NOTÍCIAS > LETURA DIÁRIA > Sábado, XXV Tempo Comum (ANO B)

Sábado, XXV Tempo Comum (ANO B)

Primeira Leitura           Ecl. (Co)11. 9-12. 8

Lia Housi Livro Eclesiastes

Foin sa’e, haksolok ba, haksolok iha ó nia moris foin sa’e nian; laran kmanek iha loron hirak ó senti-an hanesan klosan. Tuir ó fuan nia hakaran no buat nebe fó ksolok ba ó matan; maibe, ó hatene  katak housi buat hirak ne’e hotu, Maromak sei husu konta ba ó. Soe ba dook ó fuan nia susar; hasai terus housi ó isin, basá, moris foin sa’e no loron hirak ó senti-an ksolok mesa oras loko-an nian  de’it. Keta haluha Maromak  nebe halo ó moris iha ó nia moris foin sa’e nian, uainhira tempo susar nian atu to’o, no to’o mós tinan nebe ó sei dehan: “Ha’u la senti ksolok iha hirak ne’e”. Ó sei hanoin hetan Nia uainhira loro, naroman, fulan no fitun sira la dauk nakukun; uainhira udan monu rai tiha kalohan sira la dauk fila mai. Iha loron nebe guarda sira uma nian hahu nakdedar, eh manu sira be isin forte hahu kleuk, feto sira, tan sira uitoan de’it, husik dulas rahun trigo, eh hahu nakukun ba matan feto sira nian nebe haré housi janela. Uainhira odamatan sira luron nian taka, uainhira moinho nia tarutu hahu tun, uainhira manu fuik sira lian hahu nonok, sei senti kole liu atu sa’e ba fatin áas sira, sei ta’uk atu la’o iha dalan. Amendoeira sei hahu funan, klala’ek sei hahu bokur no alcaparra hahu lakon nia fuan, ema sei la’o ba Nia hôrik fatin rohan laek, no sira be tanis la’o iha luron. Ó keta hein to’o osa mutin nia talin kotu, ahi oan osa mean nian fera, sana kuru ué nian nakfera iha ué babuut, bole tohar iha ué matan; keta hein to’o rai-rahun fila ba rai housi nebe nia mai, no espírito fila ba Maromak, Nebe hakiak nia. Sasan furak no kmanek ema nian leet de’it – hateten Coeleth – buat hotu leet de’it.

Maromak Futar Lia.

 

Salmo Responsorial                                                                                                                                          Sal. 89(99). 3-4, 5-6, 12-13, 14, 17 (R. 1)

Refrão : Na’i, Ita mak ami Mahein housi otas ba otas!!! Repete-se

  • Ita halo ema fila ba rai rahun,

          Hodi dehan:”Fila ba, Adão nia oan sira”,

          Tinan rihun ida iha Ita futar oin,

          Hanesan loron houri sehik nian be liu,

          Hanesan vigília ida iha kalan. Refrão

 

  • Na’i, Ita hasai sira hanesan mehi ida,

          Hanesan aihoris be matak iha dader.

          Nia moris no nafunan iha dader,

          Namlaik hodi lakon iha loraik. Refrão

 

  • Na’i, hanourin ami sura ami loron,

          Atu hetan fuan matenek.

          Na’i, fila hi’as mai! To’o uainhira…

          Na’i, sadi’a Ita atan sira. Refrão

 

  • Habosu ami housi dader ho Ita laran-luak,

          Atu ami moris ho ksolok iha loron hotu.

          Na’i, ami Maromak, haraik mai ami graça,

          Hametin, Na’i, ami liman nia hahalok. Refrão

 

Aclamação                                                                                                                                                                                                                  Mc. 10. 45

Refrão : Aleluia, Aleluia!! Repete-se

                  Jesus Cristo, ita Maksoyn, halakon mate;

                  Nia halo moris nabilan housi Evangelho. Refrão

 

Evangelho                                                                                                                                                                                                             Lc. 9. 43b-45

Na’i Jesus Cristo nia Evangelho nu’udar São Lucas haktuir:

Iha tempo neba, wainhira povo sira hakfodak ho buat nebé Jesus halo tiha, Nia dehan ba nia escolante sira: “Rona didi’ak liafuan hirak ne’e: ema sira sei saran Oan Mane ba ema sira liman.” Maibé sira la comprende lia ne’e katak sá hodi subar hela ba sira atu nune’e sira la bele hatene no sira ta’uk atu husu kona ba buat ne’e.

Lia Maksoyn.

Leave a Reply

Your email address will not be published. Required fields are marked *