shadow
Diocese de Dili > NOTÍCIAS > LETURA DIÁRIA > Segunda-Feira, XXVI Tempo Comum (Ano B)

Segunda-Feira, XXVI Tempo Comum (Ano B)

Primeira Leitura                      Job. 1. 6-22

Lia housi Livro Job nian :

Loron ida nebe Maromak Nia oan sira mai hasouru Na’i, Satanás mós mai hamutuk ho sira. Na’i lia tun ba Satanás, dehan : “Ó mai housi nebe?” Satanás hatan ba Na’i;  “Ha’u mai housi lemu rai, halo ronda iha rai tomak”. Na’i hatan ba Satanás, dehan : “Ó haré Ha’u atan  Job? La iha ema ida hanesan nia iha rai: Nia ema fiar na’in no laran mós nebe hamta’uk Maromak no hakribi sala”. Satanás hatan ba Na’i: “Tan sá Job sei hamta’uk  Maromak ho laran mós? Ita la halo lutu metin hala’u nia, nia uma no buat hotu nebe nia iha? Ita fó bensa ba nia knaar sira nebe nia halo ho nia liman no nia bibi sira sai namkari taka rai tomak. Maibé halolo Ita liman ba hodi kona iha buat hotu nebe ninian, no keta husik atu fó malisan kedas iha oin”. Nune’e, Na’i dehan ba Satanás : “Di’ak! Buat hotu nebe ninian hela iha ó ukun, Maibé, ó sei la tau liman ba nia”. Satanás sai tiha housi Na’i futar oin.

Loron ida, uainhira Job nia oan mane no oan feto sira han ho hemu tua iha maun boot nia uma, manu-ain ida to’o mai, dehan ba Job: “Karau vaka sira fila hela rai, kuda-buru sira han hela besik sira, uainhira sabaeu sira mai na’uk hodi lori halai hotu tiha karau no kuda sira ne’e, oho tiha hotu atan sira. Ha’u mesak de’it mak moris hela, atu mai hodi hato’o ba ita”. “Maromak Nia ahi monu housi lalehan mai,  sunu tiha hotu ona ita nia bibi sira no ita nia atan sira sai mutuk hotu tiha ona. Ha’u mesak de’it mak moris hela, atu mai hodi hato’o ba ita”.

Nia sei ko’alia hela, uainhira ida seluk mai dehan: “Ema caldeu sira, fahe-an tiha ba grupo tolu, sira duni tuir ita nia camelo sira hodi lori tiha hotu, oho tiha hotu ita nia atan sira ho surik. Ha’u mesak de’it mak moris hela, uainhira ida seluk  fali mai dehan”. “Ita  nia oan mane no oan feto sira han no hemu hela tua iha maun boot nia uma, uainhira anin maka’as tebes ida mai housi rai fuik maran hodi doko maka’as uma nia lidun háat. Uma monu tiha iha foin sa’e sira leten, sira hotu mate. Ha’u mesak de’it mak moris hela, atu mai hodi hato’o ba ita”.

Nune’e, Jjob hamriik, les tiha nia unuk, no koi mós tiha nia ulun. Hafoin, takrabat ba rai hodi dehan: “Ha’u sai housi ha’u nia inan nia knotak, molik; ha’’u sei fila molik ba rai laran. Na’i mak fó mai, Na’i mak hasai fali , rahun di’ak ba Na’i Nia naran!” iha buat sira ne’e hotu, Job la monu iha sala, no mós la hateete liafuan áat hasouru Maromak.

Maromak Futar Lia.

 

Salmo Responsorial                                                                                                                                                                Sal. 16(17). 1, 2, 3, 6, 7 (R. 1)

Refrão : Na’i, sée tilun mai ha’u, rona ha’u harohan ba!!! Repete-se

  • Na’i, rona ha’u lian be justo,

          Sée tilun mai ha’u nia harohan;

          Rona ba ha’u nia hamulak,

          Be ha’u halo ho laran tomak. Refrão

 

  • Ita sei tesi lia mai ha’u,

          Basá, Ita matan haré borus liu.

          Ita bele koko ha’u laran ho ahi,

          Ita sei la hetan buat fó’er iha ha’u. Refrão

 

  • Maromak ha’u bolu ita, ita sei rona ha’u,

          Sée tilun mai ha’u no rona ha’u liafuan;

          Hatudu ita Ita laran-luak kmanek mai ha’u.

          Ita soi siera be heli-an iha ita sourin lós. Refrão

 

Aclamação                                                                                                                                                                                                                  Mc. 10. 45

Refrão : Aleluia, Aleluia!! Repete-se

                  Oan mane mai atu serbi ema, no saran

                  Nia moris atu soi ema ua’in. Refrão

 

Evangelho                                                                                                                                                                                                               Lc. 9. 46-50

  Na’i Jesus Cristo nia Evangelho tuir São Lucas

Iha tempo neba, escolante sira hahu haksesuk malu kona ba se mak boot liu iha sira leet. Hatene tiha sira nia hanoin, Jesus káer labarik ida, tau nia iha Nia sorin, hodi dehan ba sira: “Ema nebe simu labarik ne’e iha Ha’u nia naran, simu Ha’u; no ema nebe simu Ha’u, nia simu ida nebe haruka ha’u mai. Basá ida nebe kiik liu iha imi nia leet, nia mak boot liu.”

 João hatan dehan: “Mestre, ami haré ema ida nebe duni sai diabo iha Ita nia saran maibe ami bandu nia, basá nia la tuir ita.” Maibe, Jesus hateten ba nia: “Imi keta bandu nia, basá ema ne’ebe lahasouru imi, nia hamutuk ho imi.”

Lia Maksoyn.                          

Leave a Reply

Your email address will not be published. Required fields are marked *