shadow
Diocese de Dili > NOTÍCIAS > LETURA DIÁRIA > Terça-Feira, XXVI Tempo Comum (ANO B)

Terça-Feira, XXVI Tempo Comum (ANO B)

Primeira Leitura      Job. 3. 1-3, 11-17, 20-23

Lia houisi livro Job nian:

Job hahu ko’alia hodi fó malisan ba nia loron moris. Nia ko’alia nune’e: “Loron nebe ha’u moris lakon tiha ba, kalan nebe fó hatene hodi dehan: ‘Mane ida moris ona’, lakon tiha ba. Tan sá ha’u la mate kedas iha ha’u inan nia knotak, eh la mate kedas uainhira ha’u sai housi ha’u inan nia kabu-laran? Tan sá iha ain tur rua hodi tane netik ha’u, susu matan rua hodi fó susu ha’u? La nune’e karik, ha’u dukur hakmatek ona hodi toba mate nian, hamutuk ho liurai sira no boot sira liurai nian, nebe hari rate kapas ba sira-an rasik; hamutuk ho biit na’in sira nebe iha oasan mean ua’in, no nakonu sira uma ho oas mutin. Eh hanesan oan monu (aborto) be ema soe tiha, labarik oan be la moris , nebe la haré naroman? Iha neba ema sira be áat husik ona sira nia hahalok áat sira, iha neba toba hela ema sira be kole. Tan sá fó naroman ba ema be hetan de’it áat, nebe hein hela mate?  Maibe oras la dauk to’o atu mate, buka namanas hela mate liu fali riku soi? Sira sei hetan skolok uainhira sira to’o rate ida nia oin, haksolok tebes uainhira hetan ona rate ida. Tan sá fó moris ba ema ida nebe la haré nia dalan, ba ida nebe Maromak tau lutu hale’u?”

Maromak Futar Lia.

 

Salmo Responsorial                                                                                                                                                    Sal. 87(88). 2-3, 4, 5, 6, 7-8 (R.3ª)

Refrão : Na’i, ha’u harohan ba to’o Itaboot!!! Repete-se  

  • Na’i, ha’u Maromak,

          Loron kalan ha’u halerik iha ita futar oin.

          To’o iha Itaboot, ha’u nia harohan,

          Sée tilun mai hodi rona ha’u lian. Refrão

 

  • Ha’u klamar nakonu ho terus,

          Ha’u moris besik ona odamatan mate nian.

          Ema sura ona ha’u iha mate sira leet,

          Ha’u. ema ida biit laek ona. Refrão

 

  • Ha’u hela ona iha mate sira leet,

          Hanesan mate sira nebe hôrik hela iha rate,

          Iha nebe Ita la hanoin hetan ona,

          Nebe hasai tiha housi Ita futar liman. Refrão

 

  • Na’i, Ita soe ha’u iha ku’ak naruk ida,

          Iha nakukun boot nia laran.

          Ita Nia hirus monu  hanehan iha ha’u leten,

          Ita laran nakali no hirus hanehan ha’u. Refrão

 

Aclamação                                                                                                                                                                                                                  Mc. 10. 45

Refrão : Aleluia, Aleluia!! Repete-se

                  Oan Mane mai atu serbi ema, no saran

                  Nia moris atu soi ema ua’in. Refrão

 

Evangelho                                                                                                                                                                                                               Mc. 9, 51-56

Na’i Jesus Cristo nia Evangelho nu’udar São Lucas haktuir:

Iha tempo neba, uainhira tempo atu husik rai ne’e besik daudaun ona, Jesus, hodi hakarak,  hahu la’o ba Jerusalém. Nia haruka manuain sira atu ba uluk. Sira ne’e la’o ba, hodi tama iha ema Samaria sira nia knua ida, atu hadi’a fatin ba Nia. Maibe sira la simu Nia basá Nia atu sa’e ba Jerusalém. Haré tiha ne’e, escolante sira, Tiago no João, dehan ba Nia: “Na’i, Ita hakarak katak ami hamulak atu ahi tun housi lalehan hodi han sira?” Maibe Nia fila oin hodi si’ak sira. Tuir mai, sira la’o fali ba knua seluk.

Lia Maksoyn.

Leave a Reply

Your email address will not be published. Required fields are marked *