shadow
Diocese de Dili > NOTÍCIAS > LETURA DIÁRIA > Quarta-Feira, XXVI Tempo Comum (ANO B)

Quarta-Feira, XXVI Tempo Comum (ANO B)

Primeira Leitura          Job. 9. 1-12, 14-16

Lia housi Livro Job nian:

Job lia tun ba nia belun sira, hodi dehan: “Tebes duni, ha’u hatene katak hanesan imi dehan: oinsá ema ida bele halos nia-an iha Maromak futar oin? Nia hakarak karik haksesuk malu ho Maromak, nia sei la hatan ba Na’i dala ida iha dala rihun ida nia laran. Maromak Nia fuan matenek tebes, Nia biit maka’as liu, sé mak bele tahan hasouru Nia? Nia foti foho sira tau iha fatin seluk, sira la hatene tuir an, ho hirus hamonu sira. Nia doko rai sai housi nia fatin, Nia riin sira nakdoko. Fó ordem ba loro, loro la moris, lia tun ba fitun sira atu la nabilan. Nia mesak de’it habelar lalehan, hodi la’o iha tasi leten. Nia hakiak Ursa Maior, Orion, Plêiades no fitun sira Tasi Mane nian. nia halo buat kmanek  oi-oin, ema nia hanoin la to’o atu hatene, kmanek sira nebe hanoin la hetan. Mai hamutuk ho ha’u karik ha’u la haré hetan Nia, liu karik housi ha’u sorin, ha’u la hatene tuir Nia. Nia hili hela balada ida karik sé mak sei hatau netik nia? Sé mak bele dehan ba Nia: “Tan sá ó halo ida ne’e?” Oinsá ha’u sei hatan ba Nia no buka dalan atu haksesuk ho Nia? Maski iha reçan, ha’u sei la hatan hodi husu ba Ida nebe nu’udar ha’u nia Juiz! Maski Nia hatan ha’u lia hasa’e, ha’u la fiar katak Nia rona ha’u lian”.

Maromak Futar Lia.

 

Salmo Responsorial                                                                                                                                         Sal. 87(88). 10bc-11, 12-13, 14-15 (R. 3ª)

Refrão :  Na’i, ha’u harohan ba to’o Itaboot!!! Repete-se 

  • Na’i, ha’u bolu Itaboot loron tomak,

          Ha’u halolo ha’u liman ba Itaboot.

          Ita sei halo kmanek iha matebian sira leet?

          Sira sei hamriik atu hahi Ita. Refrão

 

  • Sé mak hahi Ita Nia laran di’ak iha rate

          Eh Ita laran metin iha reino matebian nian?

          Ita Nia kmanek sira sei hatudu-an iha nakukun boot,

          Ita Nia justiça iha rai be ema haluhan? Refrão

 

  • Na’i, ha’u hakilar hodi bolu Ita,

          Housi dader to’o dader ha’u harohan iha Ita futar oin.

          Tan sá hadook ha’u housi Ita, Na’i,

          No subar Ita futar oin mai ha’u? Refrão

 

Aclamação                                                                                                                                                                                                              Filip. 3. 8, 9

Refrão : Aleluia, Aleluia! Repete-se

                 Ha’u hakribi sasan hotu nu’udar buat folin laek

                  atu bele fó fatin ba Cristo no hasouru malu ho Nia. Refrão

 

Evangelho                                                                                                                                                                                                                Lc. 9. 57-62

Na’i Jesus Cristo nia Evangelho nu’udar São Lucas haktuir:

Iha tempo neba, tuir dalan ema ida dehan ba Jesus: “Ha’u sei la’o tuir Ita ba fatin hotu!” Jesus hatan ba nia, “Asu fuik iha rai kuak, manu sira lalehan nian iha knuuk; maibe Oan Mane la iha fatin atu sadere nia ulun ba.”

Ba ida seluk Nia dehan: “Ó tuir Ha’u mai!” Maibe ema ne’e hatan: “Na’i, husik ha’u ba hakoi lai ha’u nia aman.” Jesus hatan ba nia: “Husik matebian sira hakoi matebian sira; maibe ó fali, ba hodi haklaken Maromak nia reino.”

Ema seluk dehan: “Ha’u sei tuir Ita, Na’i; maibe husik ha’u fó hatene lai ba sira nebe iha ha’u nia uma laran.” Jesus hatan ba nia, “Ema nebe tau ona liman ba sarua, hafoin fila oin ba kotuk, nia la soi ba Maromak nia reino.”

Lia Maksoyn.

Leave a Reply

Your email address will not be published. Required fields are marked *