shadow
Diocese de Dili > NOTÍCIAS > LETURA DIÁRIA > Quinta-Feira, XXVI Tempo Comum (ANO B)

Quinta-Feira, XXVI Tempo Comum (ANO B)

Primeira Leitura                   Job. 19. 21-27

Lia houisi livro Job nian:

Iha loron hirak neba, Job lia tun dehan: “Ha’u belun sira, sadi’a ha’u ba, sadi’a netik ha’u ba, basá, Na’i Nia futar liman hakanek ona ha’u? Tan sá imi duni ha’u, hanesan mós Maromak; imi hamlaha ba ha’u isin? Ha’u hakarak ema hakerek hela ha’u nia liafuan hirak ne’e. Ha’u hakarak tebes atu hakerek iha livro ida; hakerek nafatin iha fatuk ida. Ha’u hatene katak iha loron ikus ha’u sei moris hi’as housi rate; ha’u sei hetan isin foun; sei haré ha’u nia Maromak  ho ha’u isin rasik. Ha’u rasik sei haré, hodi hahi Nia”.

Maromak Futar Lia.

 

Salmo Responsorial                                                                                                                                                    Sal. 26(27). 7-8, 9abd, 13-14 (R.13)

Refrão :  Ha’u hein atu haré Na’i Nia laran luak iha ema moris sira rain!!! Repete-se      

  • Na’i, rona ha’u lian!

          Ho laran-luak, hatan mai ha’u!

          Fuan dehan mai ha’u: “Ó buka Nia futar oin”,

          Na’i, ha’u buka Ita futar oin. Refrão

 

  • Na’i, kalan loron ha’u buka Itaboot,

          Keta heli-an mai ha’u,

          Keta rai hirus, keta heuuai Ita atan,

          Ha’u nia Maromak, ha’u nia Maksoi. Refrão

 

  • Ha’u hein atu haré Na’i Nia laran-luak

          Iha ema moris sira rain.

          Tau laran metin iha Na’i,

          Aten barani ba no hein iha Maromak! Refrão

 

Aclamação                                                                                                                                                                                                                     Mc. 1. 15

Refrão : Aleluia, Aleluia!! Repete-se

                  Maromak Nia reino besik ona;

                  hakribi imi nia salan no fiar iha Evangelho. Refrão

 

Evangelho                                                                                                                                                                                                                 Lc. 10. 1-12

Na’i Jesus Cristo nia Evangelho nu’udar São Lucas haktuir:

Iha tempo neba, Jesus hili esscolante hitu nulu resin rua tan, hodi haruka sira rua rua ba uluk iha cidade no fatin sira nebe Nia atu ba. Nia dehan ba sira: “To’os boot duni, maibe serbisu na’in sira uitoan de’it. Tan ne’e, husu to’os na’in atu ba haruka serbisu na’in sira ba Nia to’os. La’o ba. Ha’u haruka imi ba nu’udar bibi oan sira iha asu fuik sira leet. Keta lori bukae, kohe eh sandálias. Keta cumprimenta ema ida iha dalan. Imi tama karik iha uma ida, uluk knana’in dehan: ‘Dame ba uma ne’e!’ Iha karik ema dame na’in ida iha neba, imi nia dame sei hôrik ho nia; lae karik, sei fila fali ba imi. Hela iha uma ne’e ba, han hemu buat nebe sira iha; basá serbisu na’in soi atu simu nia kolen. Keta tama uma sai uma sira. Imi tama iha cidade ida no sira simu imi karik, han ba buat nebe sira fó ba imi. Fó isin di’ak ba ema moras sira iha  neba, hodi hateten ba sira: ‘Maromak nia reino besik ona imi’ Maibe imi tama iha cidade ida no sira la simu imi karik, sai ba dalan sira hodi dehan: ‘Rai rahun mós housi imi nia cidade, nebe belit ba ami nia ain, ami liki tiha ba imi! Maibe imi hatene ba katak Maromak nia reino besik liu ona’. Ha’u dehan tebes ba imi: aban bainrua Sodoma sei la hetan susar hanesan cidade neba.”

Lia Maksoyn.

Leave a Reply

Your email address will not be published. Required fields are marked *