shadow
Diocese de Dili > NOTÍCIAS > LETURA DIÁRIA > Sexta-Feira, XXVI Tempo Comum (ANO B)

Sexta-Feira, XXVI Tempo Comum (ANO B)

Primeira Leitura           Job. 38. 1, 12-21; 40. 3-5

Lia houisi livro Job nian:

Maromak futar liafuan mai housi anin boot hodi dehan ba Job: “To’ok dala ruma iha ó nia moris ó fó orden ba dader saan, ó tudu fatin ba raihun mutin, atu nia káer rai lidun sira hodi liki sai ema áat sira? Rai ne’e bele muda hanesan tahu simu marka housi selo, bele muda cor oi-oin hanesan vestidu ida. Nune’e, roman lakohi fó naroman ba ema laran áat sira, no harahun ema loko-an  sira nia biit. Kala ó tun ona ba tasi nia ué matan hodi la’o housi tasi okos liu? To’ok mosu ona ba ó mate nia odamatan sira no ó haré ona odamatan boot rai nakukun nian? Ó hatene rai ulun rai ikun tomak? Ó hatene buat hirak ne’e hotu karik ko’alia ba! Dalan ida nebe mak ba roman nia hôrik fatin no ba nakukun nia hôrik fatin; sira hela lós iha nebe atu ó bele lori sira ba nia ukun, hodi hetan dalan badak ba nia hôrik fatin? Tebes, ó moris tiha ona iha oras neba, ó nia tinan boot ona”.

Job hatan ba Na’i hodi dehan: “Ha’u la hatene tuir ha’u liafuan sira; sá mak ha’u bele hatan ba Itaboot? Ha’u sei tau ha’u liman iha ha’u ibun. Ha’u ko’alia tiha ona dala ida, la ko’alia tan; ha’u ko’alia tiha dala rua, la ko’alia tan.”

Maromak Futar Lia.

 

Salmo Responsorial                                                                                                                                Sal. 138(139). 1-3, 7-8, 9-10, 13-14ab (R. 24b)

Refrão :  Na’i, lori ha’u tuir dalan rohan laek nian!!! Repete-se 

  • Na’i, Ita hatene ha’u an tomak;

          Ita hatene uainhira ha’u tur no uainhira ha’u hamriik;

          Housi dook, Ita hatene ha’u hanoin,

          Ita haré uainhira ha’u la’o no ha’u descansa;

          Ita hamatan tuir ha’u nia hakat hotu. Refrão

 

  • Ha’u sei heli-an iha nebe housi Ita nia espírito?

          Ha’u sei halai ba nebe housi Ita futar oin?

          Ha’u sa’e ba lalehan karik, Ita iha neba,

          Ha’u tun karik ba rai kle’an nakukun

          Ha’u sei hetan Ita iha neba. Refrão

 

  • Ha’u semo karik ho liras dadersan nian

          Hodi hôrik iha tasi rohan liu ba,

          Ita futar liman sei hatudu dalan mai ha’u,

          Ita futar liman lós sei tahan ha’u. Refrão

 

  • Na’i, Ita mak halo ha’u moris,

          Halo ha’u moris iha ha’u inan nia knotak.

          Ha’u agradece Itaboot, tan hodi Ita biit ha’u moris.

          Ita hahalok sira kmanek tebe! Refrão

 

Aclamação                                                                                                                                                                                                 cf. Sal. 94(95). 8ab

Refrão : Aleluia, Aleluia!! Repete-se

                  Ohin imi rona karik Na’i Nia lian,

                  keta taka imi nia fuan. Refrão

 

Evangelho                                                                                                                                                                                                                 Lc. 10. 1-12

Na’i Jesus Cristo nia Evangelho nu’udar São Lucas haktuir:

Iha tempo neba, Jesus hateten: “Rahun áat ba ó, Corazim! Rahun áat ba ó, Betsaida! Basá, milagre sira nebe halo tiha iha o, halo karik iha Tiro no Sidónia, kleur ona mak sira hakribi sira nia sala hodi hatais karon no taka sira an ho ahikdesan. Maibe iha loron tesi lia nian, Tiro no Sidónia sei la hetan susar hanesan imi. O mós, Cafarnaum, hakarak foti an to’o lalehan? Ema sei hamonu ó to’o inferno!”

“Ema nebe rona, imi rona Ha’u; no ema nebe hakribi imi hakribi Ha’u; maibe ema nebe hakribi Ha’u, hakribi Ida nebe haruka Ha’u mai.”

Lia Maksoyn.

Leave a Reply

Your email address will not be published. Required fields are marked *