shadow
Diocese de Dili > NOTÍCIAS > Notícias > PRECISA SOCIALIZA REGRAS/NORMAS BA POVO SARANI

PRECISA SOCIALIZA REGRAS/NORMAS BA POVO SARANI

DCDD – RAMELAU, Vigário Paroquial Nossa Senhora de Fátima Maubisse Pe. Francisco Soares Fernandes nebe halao nia knar sacerdócio nian iha Estação Hatubuilico hato declaração nee hafoin remata missa monu ain “Ato de Consagravo” ba hahalok nebe sarani timoroan balun halo iha foho lulik Ramelau. Tan nee iha nia declaração hateten, Hanesan ita rona tiha buat barak estragos iha ne’e, atitude no iresponsável sira nebe mosu iha ne’e, ikus mai mosu preoucupação sira no tem que foti decisão taka tiha ba peregrino sira nebe hakarak halo peregreinação ba Ramelau. Nee hotu ho objetivo no mos razão ida atu hadia condição fatin ida ne’e. Maibe ohin loron 7 fulan Outobro loke hikas ba peregrino sira ho mudança balun nebe Igreja ho governo halao concordância hamutuk hodi tau regras balun atu peregrino sira bele contribui hamutuk.

Iha processo construção nian Pe. Francisco Soares Fernandes informa katak, processo rehabilitação sira tuir ita nia kbiit nebe iha hanesan contribuição hosi sarani sira Hatobuilco nian, husi paróquia, Diocese, peregrinos balun, no ho kbiit Nai Maromak nian ikus mai ita bele sente fatin ida ne’e nia furak, maibe seidauk suficiente. Iha preparação ida ne’e sarani barak sacrifica sira nia an hodi lalin rai henek, be, semente, hahan no buat hotu nebe precisa husi kraik neba hodi sae mai, tanba buat hotu ita buka iha foho leten ne’e lahetan. Ramelau ita hatene foho fatuk, rai nebe nakonu ho ai ru, ho ida ne’e sasan hot-hotu tem que lori hosi kraik, ida nemak sarani sira nia sacrifício no domin ba Na’i Maromak liu husi Ilas Nain Feto nian iha foho lulik Ramelau nia tutun. Durante servisu ba preparação ne’e sarani Hatu Builico rasik, Joventude sira hosi Sabraka laran, guarda prisão no Prisioneiro hosi Becora,  Polícia ninian ho peregrinos sira seluk nebe mai lori be, rai henek no semente.

Ba regras sira Pe. Francisco Soares Fernandes declara, ita proclama tiha ona regra lubuk ida atu inplementa iha Santuário nee. Atu regra sira ne’e implementa ho diak no sustentável precisa prepara mos nia condição tanba iha regra balu dehan katak iha sítio Nain Feto nian la permite ema lori lilin tanba prepara ona. Maibe realidade iha leten ema la fan lilin. Então ida ne’e precisa prepara condição sira nee hotu. Maibe iha regra balun lao hela ona hanesan iha ona lixo fatin, marcador sira iha ona, maibe kona ba área protegida tau ona, maibe seidauk define ninia kilómetro hira hosi parte Ramelau tutun ba to vila seidauk define claro.

Agora dadaun ne’e ita inplementa hela regra sira barbarak, maibe sei iha nafatin peregrinos barak nebe sei contra nafatin regras sira ne’e tanba seidauk toman ho razão lei ne’e foun foin mak implementa. Tan nee precisa consencialisa ou socializa barak liu regras sira nee ba povo atu povo comprende diak husi tempo ba tempo ha’u hanoin tinan rua ou tolu mai nia sei sai tuir buat hotu nebe ita hakarak. Ba sira nebe contra regras nebe vigora makasei processa tuir lei código sira ne’ebe sai hanesan mahon ba lei oan sira ne’e.

Iha mensagem Pe. Francisco Soares Fernandes hateten, Ita hotu hatene fatin Ramelau ne’e fatin Sagrado desde uluk kedas Nain Feto seidauk iha ne’e avo sira halulik tiha ona foho ne’e ho naran Tatamailau. Então avo ida nebe hela liu iha tutun ida ne’e sira considera katak ida ne’e mak boot liu. ho fiar católico nian karik ita dehan fatin Maromak nian. Tan nee coloca Ilas Nain Feto ninian iha fatin as nee hodi halulik liu tan foho ida nee. Tanba nee ita halo sacrifício hosi kraik lao to’o mai iha foho tutun ne’e, ita sei hetan ksolok ba ita nia moris lor-loron ninian.  Ne’e duni ha’u fiar ho esperansa katak Maromak nia graça ita sei hetan iha fatin ida ne’e. Ne’e duni, precisa ita hotu nia contribuição, colaboração, cumpri lei sira atu nune’e guarda nafatin, conserva nafatin rai lulik nee, atu fatin ne’e sagrado nafatin no conserva sai rikusoin ba ita nia nação ninian no sai rikusoin graça Nai Maromak nian. (Reportágem Fidelia Magno)

Leave a Reply

Your email address will not be published. Required fields are marked *