shadow
Diocese de Dili > NOTÍCIAS > Notícias > SARANI TIMOROAN TOMAK MONU AIN BA INAN RAMELAU

SARANI TIMOROAN TOMAK MONU AIN BA INAN RAMELAU

DCDD – RAMELAU, Sarani tomak Diocese Dili ninian, inclui mos Diocese Baucau no Maliana nebe hamutuk halo Peregrinação ba iha Santuária Ramelau ho neon no laran ida deit atu monu ain “Ato de Consagravo” ba hahalok nebe maun-alin balu hatudu hodi halo ema sararni barak terus, halo ema sarani barak lagosta, halo ema sarani barak iha sentimento ida nebe antipático.

Celebrante Principal Vigário Episcopal Assunto Pastoral Pe. Jovito do Rêgo de Jesus Araujo nebe lori reflexão nee hateten, ita halo ita nia monu ain ba Nain Feto ba ida nebe halo desagravo ba hahalok, atitude no conportamento nebe ita nia oan lubuk ida halo tiha ona hasoru Ilas Nain Feto Ramelau nian. Nee duni iha momento ida nee momento ida sagrado ho nunee ida nebe dehan katak rohan ba ita nia peregrinação ho ato desagravo ninian. Ita halo oração desagravo ninian hodi husu perdão ba Inan doben Ramelau atu iha tenpo oin mai ita la hetan rahun at ba ita nia vida, maibe rahun diak husi Inan doben laran luak ida nee bali nafatin mai ita husi foho Ramelau ba Timor tomak.

Iha anbiente hakmatek nia laran Pe. Jovito do Rêgo de Jesus Araujo ho reflexão profundo hateten, Nain Feto ami nia Inan liurai Feto Lalehan ho rai nian, nebe ami consagra rai Timor ba ita mahon, ho haraikan ami sarani Diocese Dili ninian, hamutuk ho maluk sira hotu husi Diocese Baucau no Maliana, sarani timor tomak nian, hakarak monu ain ba Ita boot, ba hahalok, atitude, conportamento ho liafuan sira nebe ami hatudu iha tenpo liu ba hasoru ita boot, ami nia Inan doben. Ohin ami hotu libur hamutuk iha nee hodi tuku tur ba Ita Futar Oin, monu ain husu perdão atu keta hola ba lia ba buat hirak nebe ami nia oan sira ho neon sala halo tiha ona. Ami agradece katak liu husi hahalok hirak nebe la soi ba ita nia Futar Ilas mak fanun hikas fali ami Igreja no Governo Timor-Leste ninian atu hadia, atu hafoun hikas fali fatin ida nee, atu nunee ba oin fatin ida nee sai nafatin fatin lulik ida nebe ami ho neon ho laran mai haknaok Maromak nia benção liu husi Ita Inan Doben Ramelau nia harohan daet. Tau matan nafatin mai ami, bali ami nia hahlok no liafuan sira, atu ami bele liu husi ita nia harohan daet ba to’o iha Jesus Cris ami nai no ami nia maksoyn. ( Reportágem Fidelia Magno)

Leave a Reply

Your email address will not be published. Required fields are marked *