shadow
Diocese de Dili > NOTÍCIAS > LETURA DIÁRIA > Domingo, XXVIII Tempo Comum (Ano B)

Domingo, XXVIII Tempo Comum (Ano B)

Primeira Leitura                      Sab. 7, 7-11

Lia housi Livro Sabedoria:

Ha’u hamulak hodi husu matenek, hja’u hetan duni matenek. Ha’u harohan, matenek nia roman tun duni mai ha’u. Ha’u hakarak matenek liu fali kaer óe ukun ema. Sukat matenek ho riku-soin rai-klaran, ha’u haré riku-soin la folin buat ida. Ha’u la sukat matenek ho fatuk murak kmanek liu iha rai-klaran, basá, sukat ho matenek murak mean hanesan rai-henek witoan; iha matenek oin, murak-mutin hanesan tahu. Ha’u hadomi matenek liu isin di’ak no oin furak. Ha’u hakarak matenek liu loron nia roman, basá, matenek nia roman la lakon. Riku soin hotu mai to’o ha’u hamutuk ho matenek. Housi matenek nia liman, tun to’o mai ha’u rahun-di’ak oin-oin.

Maromak Futar Lia.

 

Salmo Resposorial                                                                                                                                                              Sal. 89(90), 1213. 14-15. 1617

Refrão : Na’i, hatudu ita laran luak mai ami,

                 Ita laran luak haksolok ami!!! Repete-se

  • Na’i, hanourin ami sura ami loron,

          atu ami hetan matenek fuan nian.

          Fila mai, Na’i! Wainhira lós?

          wainhira Ita sei hanoin ita atan sira.  Refrão

 

  • Haksolok ami lalais ho ita Boot laran luak,

          atu ami hetan ksolok baa mi moris:

          Ksolok ba loron hirak be ami hetan susar;

          kmaan ba tinan hirak be ami hetan terus. Refrão

 

  • Haraik tulun atu Ita atan sira haré Ita kbiit,

          sira oan haré ita gloria.

          Maromak hatudu laran luak mai ami,

          atu hetan duni folin, knar be ami kaer. Refrão

 

Segunda Leitura                                                                                                                                                                                                 Heb. 4, 12-13

Lia housi  surat ba Hebreu sira :

Maromak nia lia, lia moris nian, lia kbiit nian, lia kro’at liu surik ho kro’at rua. Maromak nia futal lia tama too fahe clarmar ho isin, tama to’o haketak fukun-fukun, tama too dolen. Maromak nia futar lia bele haketak ema nia hanoin ho ema nia hakaran. Criatura ida la bele subar-an iha Maromak futar oin: Buat hotu nakloke no molik iha Ema ida nebé sei litik ita, nia futar oin.

Maromak Futar Lia.

 

Aclamação                                                                                                                                                                                                                       Mt. 5, 3

Refrão : Aleluia, Aleluia!! Repete-se

                  Rahun di’ak ba ema sira nebé ki’ak iha sira fuan, basá,

                  sira nia soyn mak Reino lalehan. Refrão

 

Evangelho                                                                                                                                                                                                             Mc. 10. 17-30

Na’i Jesus Cristo nia Evangelho nu’udar São Marcos haktuir:

Iha tempo nebá, molok Jesus atu la’o daudaun, mane ida halai hasouru Nia, tuku-tur ba rai, hodi husu ba Nia: “Na’i Mestre, laran di’ak, ha’u ata sei halo lós sá atu bele hetan moris rohan-laek?” Jesus hatán ba nia: “Tan sá ó dehan Ha’u ema laran di’ak? Maromak de’it mak laran di’ak. Ó hatene Maromak ukun-fuan: keta óho; keta hakarak ema seluk nia kabén; keta na’ok; keta du’un matak ema; keta han-matak ema; hadomi aman-inan”. Mane oan ne’e hasae lia ba Jesus, dehan: “Mestre, atan oan moris tuir ne’e houri kiik kedas”. Jesus fihir nia didi’ak, hadomi nia, lia tun ba nia, dehan: “Buat ida de’it mak ó kuran: Fila ba uma, faan tiha ó nia sasan tomak, fahe ba ema ki’ak sira, ó sei hetan rahun di’ak wa’in iha lalehan. Hafoin mai tuir Ha’u”.

Lia Maksoyn.

Leave a Reply

Your email address will not be published. Required fields are marked *