shadow
Diocese de Dili > NOTÍCIAS > LETURA DIÁRIA > Sábado, XXVII Semana Tempo Comum (ANO B)

Sábado, XXVII Semana Tempo Comum (ANO B)

Primeira Leitura                     Gal. 3. 22-29

Lia housi São Paulo nia Surat ba sarani sira iha Galácia

Maun alin sira: Escritura dehan katak mundo tomak iha sala nia ukun; nune’e presente nebe hakotu tiha ona  tanba fiar iha Jesus Cristo sei fó de’it ba sira nebe fiar.

Maibe molok fiar mos mai, ita dadur hela iha ukunfu;an nia ukun, hodi hein uainhira fiar ne’e sei hatudu an mai ita.

Ukunfuan tau matan mai ita to’o tempo nebe Cristo mosu mai, atu ita bele sai lós iha Maromak futar oin tanba fiar. Ohin, tempo fiar nian mai ona; ukunfuan la tau matan tan mai ita.

Housi fiar mak imi hotu sai Maromak nia oan, hamutuk ho Cristo Jesus. Imi simu ona baptismo atu moris ho Cristo; ohin imi hatais ona ho Cristo nia moris rasik. Ne’e duni, la iha tan ema judeu ka gentio; atan ka la’os atan; mane ka feto: imi hotu ida de’it tanba Cristo Jesus. Imi Cristo nian karik, ne’e katak imi Abraão nia bei-oan, liman rohan na’in tuir Maromak Nia promessa.

Maromak Futar Lia.

 

Salmo Responsorial                                                                                                                                                   Sal. 104(105). 2-3, 4, 5, 6-7 (R. 8ª)

Refrão : Na’i hanoin hetan nafatin Nia aliança!!! Repete-se

  • Hananu ba Na’i, ita Maromak,

          Haklaken Nia hahalok kmanek ua’in;

          Hahi-an iha Nia naran santo,

          Haksolok ba, sira nebe buka Na’i. Refrão

 

  • Buka Maromak ho Nia biit,

          Buka nafatin Nia futar oin;

          Imi hanoin hetan nafatin kmanek sira Nia halo,

          Housi Nia hahalok kmanek no Nia hanourin. Refrão

 

  • Nia atan Abraão nia bei-oan sira,

          Oan sira Jacob nian be Na’i hili nanis,

          Na’i mak ita nia Maromak,

          Nia tesi lia mak ukunfuan iha rai tomak. Refrão

 

Aclamação                                                                                                                                                                                                                    Lc. 11. 28

Refrão : Aleluia, Aleluia! Repete-se

                  Rahun di’ak ba sira nebe rona Maromak

                   Nia futar lia hodi moris tuir. Refrão

 

Evangelho                                                                                                                                                                                                              Lc. 11. 27-28

Na’i Jesus Cristo nia Evangelho tuir São Lucas

Iha tempo neba, Uainhira Jesus sei ko’alia daudaun, feto ida housi ema lubun sira leet foti lia dehan: “Ksolok ba knotak nebe kô’us Ita, no hirus matan nebe fó susuben ba Ita!” Maibe Nia hatan: “Lolós, ksolok liu ba sira nebe rona Maromak futar lia hodi moris tuir!”

Lia Maksoyn.

Leave a Reply

Your email address will not be published. Required fields are marked *