shadow
Diocese de Dili > NOTÍCIAS > LETURA DIÁRIA > Terça-Feira, XXVIII Semana Tempo Comum (ANO B)

Terça-Feira, XXVIII Semana Tempo Comum (ANO B)

Primeira Leitura                       Gal. 5. 1-6

Lia housi São Paulo nia Surat ba sarani sira iha Galácia:

Maun alin sira: Ita iha liberdade – Cristo hasai ona ita housi moris atan nian! Ne’e duni, hamriik ba nu’udar ema nebé la’os atan! Keta husik imi an sai atan fali! Rona ba; ha’u, Paulo, dehan ba imi katak imi simu karik circuncisão, ne’e katak Cristo folin la iha ba imi. Dala uluk ona, ha’u fó hatene katak ema nebé simu circuncisão sei halo tuir ukunfuan tomak. Imi sira nebé hakarak sai lós Maromak futar oin hodi halo tuir ukunfuan, imi haketak tiha imi an housi Cristo. Imi la bele hetan Maromak nia graça. Maibé ami, ami hein katak Maromak sei halo ami sai lós iha nia futar oin. Ami hein ida ne’e housi Maromak nia espírito nia kbiit nebé book iha ami nia fuan. Basá, wainhira ami moris hamutuk ho Cristo Jesus, iha circuncisão ka la iha, la halo buat ida. Buat nebé iha folin mak fiar nebé book liu housi domin.

Maromak Futar Lia.

 

Salmo Responsorial                                                                                                                                    Sal. 118(119). 41, 43, 44-45, 47-48 (R. 41a)

Refrão : Na’i, haraik mai ha’u Ita laran-luak!!! Repete-se

  • Na’i, haraik mai ha’i Ita graça,

          Ita maksoyn tuir Ita lia hakotu.

          Keta hasai housi ibun liafuan lialós nian,

          Basá, ha’u laran metin iha Ita tesi lia. Refrão

 

  • Ha’u sei halo tuir Ita hakaran ho neon lós,

          Oras ne’e no ba nafatin.

          Ha’u sei la’o tuir iha ha’u dalan ho ta’uk laek,

          Basá ha’u buka Ita lei. Refrão

 

  • Ita Ukun-fuan sira mak ha’u nia ksolok boot,

          Basá, ha’u hadomi sira.

          Ha’u sei lolo liman ba Ita ukunfuan sira,

          No hanoin ho neon tomak Ita lei. Refrão

 

Aclamação                                                                                                                                                                                                                  Heb. 4. 12

Refrão : Aleluia, Aleluia!! Repete-se

                  Maromak nia liafuan moris no book maka’as, bele hatene

                  Lolós ema nia hanoin no fuan nia hakaran. Refrão

 

Evangelho                                                                                                                                                                                                               Lc. 11. 37-41

Na’in Jesus Cristo nia Evangelho nu’udar São Lucas haktuir:

Iha tempo neba, wainhira Jesus sei ko’alia  hela, fariseu ida convida Nia atu han iha nia uma. Nia tama hodi tur iha mesa. Fariseu hakfodak, basá haré Nia la fase an molok atu han. Na’i dehan ba nia: “Imi fariseu sira hamos kopu no bikan nia liur, maibé imi nia laran nakonu ho hakarak atu hadau sasan no hanoin áat. Beikten sira! Ida nebé halo buat nebé iha liur, la halo mós buat nebé iha laran? Imi fó esmola housi imi nia laran, no buat hotu sei sai mós ba imi.

Lia Maksoyn.

Leave a Reply

Your email address will not be published. Required fields are marked *