shadow
Diocese de Dili > NOTÍCIAS > LETURA DIÁRIA > Sábado, XXVIII Semana Tempo Comum (ANO B)

Sábado, XXVIII Semana Tempo Comum (ANO B)

Primeira Leitura                       Ef. 1. 15-23

Lia housi São Paulo nia Surat ba Sarani sira iha Éfeso

Maun alin sira: uainhira ha’u rona kona ba imi nia fiar iha Na’i Jesus, no kona ba imi nia domin ba santo sira hotu, ha’u hanoin imi nafatin iha ha’u nia oração hodi fó agradece ba Maromak tanba imi. Maromak, ita Na’i Jesus Cristo nian, Aman glória nian, haraik ba imi espírito matenek no hatene buat hotu nebe Nia fó sai ona nian, atu imi bele hatene Nia lolós. Maromak leno imi laran nia matan atu imi bele haré esperança nebe Maromak bolu imi ba, no mós rikusoi glória nian nebe Nia hakotu ona u’udar liman roha ba santo sira, no biit ua’in nebe iha ita, fiar na’in sira. Biit ida ne’e halo Cristo moris hi’as hosu mate, no halo Nia tur iha Nia kuana iha lalehan, aas liu liurai sira hotu, na’i ulun sira, biit na’in sira, ukun na’in sira hotu no naran seluk tan, la’os de’it iha otas ne’e, maibe mós iha otas sira nebe atu mai. Maromak tau buat hot-hotu iha nia ain okos, hodi halo Nia sai Kreda nia ulun nu’udar buat hot-hotu nia ulun. Kreda ne’e mak Cristo nia isin lolon. Housi Kreda ne’e mak Cristo hetan nia kmanek tomak, no Cristo halo buat hot-hotu hetan ida-idak nia kmanek.

Maromak Futar Lia.

 

Salmo Responsorial                                                                                                                                                            Sal. 8. 2-3ab, 4-5, 6-7 (R. cf. 7)

Refrão : Ita haraik biit ba Ita Oan hodi ukun buat hotu be Ita hakiak!!! Repete-se

  • Na’i, kmanek tebes

          Ita naran iha rai tomak!

          Ita biit liurai iha leten áas ba.

          Housi kosok oan no kiik oan sira ibun

          Sai hahi be habeik Ita funu baluk sira. Refrão

 

  • Uainhira ha’u fihir lalehan be Ita liman halo,

          Fulan no fitun be Ita hakiak;

          Sá make ma atu Ita hanoin nia,

          Ema nia oan, atu Ita tau matan ba? Refrão

 

  • Ita halo nia uitoan kiik liu fali anjo sira,

          Ho glória no rahun di’ak Ita hafutar nia;

          Ita fó biit ba nia atu ukun sasan hotu be Ita liman halo,

          Ita tau buat hotu iha nia ain okos. Refrão

 

Aclamação                                                                                                                                                                                                       Jo. 15.  26b, 27a

Refrão : Aleluia, Aleluia!! Repete-se

                  Espírito lialós nian nebe mai housi Aman, Nia mak sei sasin ba Ha’u.

                  Na’i lia tun dehan; imi mós sei fó sasin. Refrão

 

Evangelho                                                                                                                                                                                                                Lc. 12. 8-12

Na’in Jesus Cristo nia Evangelho nu’udar São Lucas haktuir:

Iha tempo neba, Jesus lia tun ba Nia escolante sira: “Ha’u dehan lós ba imi katak ema nebe hatene Ha’u iha ema nia oin, Oan Mane mós sei hatene nia iha Maromak Nia anjo sira nia oin. Maibe ema nebe heli lia kona ba Ha’u iha ema nia oin, iha Maromak Nia anjo sira oin mós sei heli lia kona ba nia. Ema nebe ko’alia áat hasouru Oan Mane, sei hetan perdua; maibe ema nebe hateten áat Espírito Santo sei la hetan perdua. Uainhira sira lori imi ba sinagoga sira, ba juiz no ba na’i ulun sira, keta hanoin resin kona ba oin sá imi sei hatan eh ko’alia, basá iha orasw neba Espírito Santo sei hanourin imi buat nebe imi sei dehan.”

Lia Maksoyn.

Leave a Reply

Your email address will not be published. Required fields are marked *