shadow
Diocese de Dili > NOTÍCIAS > Notícias > Tempo Terus Tempo Hateke Nian

Tempo Terus Tempo Hateke Nian

DCDD-Soibada, Sarani Diocese Baucau inclui mos Diocese rua seluk Dili no Maliana cada tinan, iha loron 13 fulan Outubro sempre hala’o peregrinação ba Santuário Nacional Nossa Senhora Aitara, iha  Paróqui Sagrado Coração de Jesus Soibada Diocese Baucau.

Dom Basilio do Nacimento bispo de Baucau nebe preside celebração 13 de Outubro 2018 iha Monumento Nain Feto Aitara nee hateten, ita iha tinan-tinan iha peregrinação ba Nossa Senhora Aitara. Iha lorokaik ida ne’e ita hanoin ita nia maluk sira nebe forma mos Uma Creda hamutuk ho ita, maibe sira forma Uma Creda liu husi biban ida nebe particular; hirak nebe terus, hirak nebe katuas ho ferik, hirak nebe loron atu monu daudaun no hirak nebe labook-an ho liberdade. Ne’e duni, Uma Creda no ita mos iha lorokraik ida ne’e ita fo atenção ba maun-alin sira nebe la iha capacidade física la dun di’ak.

Dom Basilio do Nacimento hateten, Susar ituan atu ita comprende katak buat ida moras nee dalan ida nebe Na’i Maromak tau iha ita nia oin hodi servi Nia. Maibe ita tem que hatama iha ita nia ulun katak dalan ida nebe Maromak bolu atu ita liu husi neba. Ita la moris atu terus, maibe ita tem que prepara-an atu simu terus nee hanesan Maromak nia bolu ba ita ida-idak iha ita nia moris iha rai nee. Nunee Na’i Maromak bolu mos ita atu liu husi sofremento, liu husi terus nee ita hodi sai sasin kona ba Nia. Ita hotu koko ona experiência moras.

Amo bispo dehan tan, terus ne’e halo parte ita nia vida. Tempo terus tempo hateke nian. Ema seluk hateke mai ita balun dehan quitado, balun dehan meresse. Ne’e duni, tempo terus nian ne’e tempo ita koko ema hateke ba ita, maibe hateke mos ho solidariedade; balun dehan ema ne’e terus ita laiha tan buat ida atu fo, pelo menos ita ba reza, ita ba hamaluk nia, ita ba hamutuk ho nia. Pelo menos hanesan nee ita hatudu ita nia soliadariedade iha nia terus. Quando ita terus ne’e ema seluk nia compania ne’e importante teb-tebes la’os atu rezolve nia problema, la’os atu fo isin di’ak ba ita, maibe nee doutor no enfermeira sira nia servisu, maibe Maromak nian mos. Nebe Maromak fo matenek ba ema atu ema sira ida-idak hala’o ministério nebe Maromak haraik ba sira hodi hami’is ema seluk nia todan no ema seluk nia terus, maibe hau hakarak kaer de’it hahalok ida ne’e; tempo moras nian ne’e tempo atu koko ema nia hateke mai ita no koko mos ita nia hateke ba ema. (Reportágem Afoan)

Leave a Reply

Your email address will not be published. Required fields are marked *