shadow
Diocese de Dili > NOTÍCIAS > LETURA DIÁRIA > Quarta-Feira, XXIX Tempo Comum (Ano B)

Quarta-Feira, XXIX Tempo Comum (Ano B)

Primeira Leitura                          Ef. 3. 2-12

Lia housi São Paulo nia Surat ba sarani sira iha Éfeso:

Maun alin sira: Imi rona tiha ona karik kona ba knaar graça nian nebe Maromak saran mai ha’u ba imi nia di’ak; Nia rasik fó hatene mai ha’u mistério nebe ha’u foin haktuir ne’e. Imi lê  tiha ona karik ha’u nia liafuan, imi sei hatene katak ha’u haré naruk liu iha Cristo nia mistério. Mistério ne’e nebe ohin Espírito fó sai ba apóstolo no profeta sira, mistério ne’e ema iha otas uluk  nian la hatene liu. Ne’e katak ohin, gentio sira halo parte ona iha liman rohan ida de’it;  gentio sira isin lolon ida de’it nia liman-ain; sira simu promessa ida d’eit,iha Cristo Jesus, housi Evangelho. Maromak foti ha’u atu sai Evangelho ne’e nia atan, housi presente graça nian housi Nia, nebe fó ida ne’e mai ha’u ho nia rasik nia biit. Maromak saran graça  kmanek ne’e mai ha’u, nebe kiik liu santo sira hotu, la’os de’it atu haklaken ba gentio sira Cristo nia rikusoi ua’in, maibe mós atu fó sai oin sá bele fahe ba ema mistério ida ne’e. Hori otas ua’in, mistério ne’e subar hela iha Maromak, nebe hakiak buat hot-hotu. Tan sá? Atu biit na’in  no ukun na’in sira iha lalehan bele hatene ohin housi Kreda, Maromak nia matenek ua’in teb-tebes, lolós tanba hakarak nebe iha ona Nia houri otas  iha Cristo Jesus, ita Na’i. Tan ne’e  mak ami barani atu hakbesik ba Maromak ho laran metin, housi ami nia fiar iha Nia.

Maromak Futar Lia.

 

Salmo  Responsorial                                                                                                                                                                   Is. 12. 2, 3,4bde, 5-6 (R. 3)

Refrão : Imi ba ho ksolol oha ué matan maksoyn! Repete-se

  • Maromak mak ha’u Maksoin,

          Ha’u laran metin, ha’u la ta’uk.

          Na’i mak ha’u biit, ha’u ksolok.

          Na’i ha’u maksoin. Refrão

 

  • Ho ksolok imi kuru ué ih ué matan maksoin.

          Fó agradece ba Na’i, bolu ba Nia naran.

          Tatoli ba povo sira, Nia hahalok kmanek,

          Haklaken ba hotu katak Nia naran santo. Refrão

 

  • Hananu ba Na’i, basá Nia halo kmanek ua’in,

          Haklaken housi rai ikun to’o rai ulun.

          Hananu  no haksolok ba, sira be hôrik iha Sião,

          Tan iha ona iha imi leet Israel nia Santo. Refrão

 

Aclamação                                                                                                                                                                                                        Mt. 24. 42ª, 44

Refrão : Aleluia, Aleluia!!! Repete-se

                  Imi matan moris neon na’in ba basá iha oras nebe imi

                  la hanoin hetan mak Mane Maksoyn sei mai.  Refrão

 

Evangelho                                                                                                                                                                                                             Lc. 12. 39-48

Na’i Jesus Cristo nia Evangelho Nu’udar São Lucas haktuir:

iha tempo neba, Jesus lia tun ba escolante sira nune’e: Imi rona didi’ak ba: uma na’in hatene  karik tuku hira mak na’ok ten atu mai, nia sei la husik nia tama iha nia uma. Imi hein hela ba, basá iha oras nebe imi la hanoin kona, Oan Mane sei hi’it an mai.”

Pedro dehan ba Nia: “Na’i, Ita haktuir aiknanoik ida ne’e mai ami de’it, ka ba ema hot-hotu mós?” Na’i simu: “Se mak atan di’ak no matenek nebe uma na’in haruka atu haré nia familia hodi fahe aihan ba sira tuir oras lolós? Ksolok ba atan nebe nia na’in hetan halo nune’e uainhira nia to’o mai. Tebes, Ha’u dehan ba imi katak  nia sei fó knaar ba atan ne’e atu haré nia rikusoi tomak. Maibe atan ne’e dehan karik  ba nia an: ‘Ha’u nia na’i kleur atu to’o mai, hafoin hahu  baku atan mane no feto sira, hodi han no hemu to’o lanu, nia na’i sei to’o mai iha loron nebe nia la hein no iha oras nebe nia la hanoin, na’i sei fó todan ba nia, hodi tau nia hamutuk ho ema áat sira. Atan nebe hatene nia na’i nia hakarak, maibe la hadi’a an hodi halo tuir buat nebe nia husu, sei hetan kastigu barak. Maibe atan nebe la hatene, no halo buat nebe soi kastigu, sei hetan kastigu kmaan de’it. Ba ema nebe simu barak, sei husu mós barak; no ema nebe simu knaar boot, barak liu mak ema sei husu ba nia.”

Lia Maksoyn.

Leave a Reply

Your email address will not be published. Required fields are marked *